Yobe 27:16 - MUKANDA WA MYIDI MUKULU

¹⁶ Nansha bobu bakunguje nkanu mitoke ya mushinga mukole, bungi bu lupuishi, nansha bakunguje bilamba bivule, mudibu bukunguje bitotshi,

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Nansha biadibutshileye biamu bia argent bu luhuishi, nansha biadilongolueleye bivualu bu bitahikidi;

Yobe 27:16 교차 참조

1 Bakalenga 10:27

Mu tshikondu tshia mukalenga Shelomu, mu Yerushalayime muvua nkanu mitoke ya mushinga mukole bungi bu nsoka. Muvua kabidi mitshi ya sedre ya bungi bu bua mitshi ya sikomore idi itoloka mu Mpata.

Estere 8:1

Dituku adi, mukalenga Ahashaveroshe kupesha Estere mukalenga mukaji bintu bionsu bia Amane, muluishi wa bena Yuda. Mukalenga kubikidisha Mordekayi, bualu Estere uvua mumuambile ne: Mordekayi mmuana wa tatu mukuabu.

Yobe 15:29

Muntu mubi, kena mua kupeta biuma kabidi, nansha yeye mubipete, kena mua kushala nabi matuku mavule to. Kena mua kuikala ne diakalenga mu ditunga.

Yobe 20:10

Uvua mushidishe biuma biende bivuaye mupete mu buivi. Bana bende ba balume, badi ne bua kulomba tshia pa luse kudi bapele!

Yobe 22:24

Imansha tshiamu tshia mpawungi tshiudi natshi. Nansha utshiele mu mayi manene munkatshi mua mabue.

Yobe 27:15

Disama dia tshiambu nedishipe badi bashale, nansha bakaji babu, kabakubenzele madilu.

Yobe 27:17

kadi amu badi balamata Mvidi Mukulu nebabivuale, muntu muakane neangate nkanu ya mushinga mukole ayi.

Yobe 3:15

Mvua mua kuikala mulale pamue ne bana ba bamfumu, bavua ne nzubu yabu milengeja ne mpawungi, ne tshiamu tshitoke tshia mushinga mukole.

Nsumuinu 13:22

Muntu muimpe udi ushiya bumpianyi kudi ndelanganyi yende. Kadi mpetu ya babi, bakane badi bayipeta.

Muambi 2:26

Nanku Mvidi Mukulu udi upesha muntu udi mumutokela ku muoyi, meji, dimanya ne disanka. Kadi muntu udi umubipila udi umupesha mudimu wa kukungijila udi mumutokela ku muoyi mpetu. Kadi ebi kabidi bidi amu tshianana, bu kuipatangana ne lupepele.

Abakuke 2:6

Kadi bantu badibu batshimune, nebabele nsenda, babatshipa, bamba ne: Nudi bena diakabi! Nudi nudiangatshila bintu bia bende, nutangila bantu bu badi ne bua kunufuta mabanza. Kadi nenuenze nanku too ne ku diba kaayi?

Sefanya 1:11

Dilayi bikole, tuayi mikemu, nuenu badi basomba mu tshimenga tshia kuinshi, bualu basumbishanganyi ba bintu bonsu nebafue, bangenda mushinga bonsu nebabutuke.

Zekâya 9:3

Bena Tire mbakoleshe tshimenga tshiabu ne bimana; mbakunguje tshiamu tshitoke tshia mushinga mukole, bungi bu buloba bua mu njila; mbakunguje tshiamu tshia mpawungi, bungi bu lusenga lua mu misesu.

Matayi 6:19

— Kanukungujidi bubanji buenu pa buloba to, padi misanda ne dimona mua kubunyanga, kabidi padi bivi mua kushipa biibi, kuiba.

Yakobe 5:2

Biuma bienu mbibole. Misuasua neyidie bilamba bienu.