Yobe 26:2 - MUKANDA WA MYIDI MUKULU

² Akia, bu muudi wewe mumanye mua kuambuluisha bakengi, kabidi mumanye mua kusamba mupele wa kayi bukole!

Mukanda wa Nzambi Dihungila Dikulukulu ne Dihungila Dihia-dihia 2003

² Mona muwakukuatshisha wakadi kayi ne bukole, ne muwakusungila dihoko diakadi kadiyi ne bukole!

Yobe 26:2 교차 참조

1 Bakalenga 18:27

Munda munya, muambi Eliya kutuadija kubaseka, wamba ne: — Nukoleshe diyi! Bualu yeye mvidie, udi mua kuikala ne mudimu wa bungi. Udi mua kuikala muye kusesuka. Udi mua kuikala muye ku luendu. Misangu mikuabu udi mua kuikala mulale. Mbimpe kumubisha.

Yobe 12:2

Bushuwa, amu nuenu nkayenu ke badi ne meji, nuenu bafua, meji adi afua kabidi.

Yobe 26:1

Pashishe Yobe kuandamuna ne:

Yobe 26:3

Kia, bu muudi wewe mumanye mua kubela muntu, mubule lungenyi. Kabidi udi uleja muudi mumanye malu onsu.

Yobe 27:12

Nuenu bonsu, nuvua bajingulule mudi Mvidi Mukulu. Nanku nudi nuamba miaku ya patupu bua tshinyi?

Yobe 6:11

Kadi tshiena ne bukole bua kumvua makenga kabidi. Nenshale ne muoyi bua tshinyi? Tshindi mua kutekemena kabidi ntshinyi?

Yobe 6:12

Ndi ne bukole bu bua dibue anyi? Mubidi wanyi udi wa tshiamu tshikunze anyi?

Yobe 6:13

Meme nkayanyi tshiena kabidi ne bukole nansha bukese. Tshiena mumone udi mua kungambuluisha.

Yobe 6:25

Panudi nubela muntu pa bualu, neateleje bimpe, kadi biakulakula bienu bidi mua kuenzela muntu tshinyi?

Misambu 71:9

Nkadi mukulumpe, kundekedi to. Tshitshiena ne bukole, kunshiyi nkayanyi.

Yeshaya 40:14

Bua kupeta meji, Mvidi Mukulu uvua muyukile ne nganyi? Uvua mumulongeshe, mumuleje mua kupita, mumumvuije njila wa kulonda nnganyi mene awu?