Yobe 24:4 - MUKANDA WA MYIDI MUKULU

⁴ Badi basakila bakengi ku mielelu ya njila. Badi batshinyisha bapela bua banyeme, basokome.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Badi basesuisha hakengi mu nshila ku bukole; bahele bonso ba ha buloba badi basokoma.

Yobe 24:4 교차 참조

Yobe 24:14

Patshiatshia, mushipianganyi udi ujuka, uya kushipa mukengi udi kayi ne tshintu. Padi butuku buila, udi uya kuiba.

Yobe 29:12

Mvua muambuluishe mukengi uvua ungela mbila, nansha muana nshiya uvuabu kabayi bavuluka.

Yobe 29:16

Meme kushala tatu wa bakengi. Meme kuambuluisha benyi mu ntatu yabu yonsu.

Yobe 30:25

Tshivua mudile pamue ne bantu bavua mu dikenga anyi? Meme kubungama pa kumona lutatu ludi bapele nalu.

Yobe 31:16

Mvua mubenge kuambuluisha bapele anyi? Mvua mushiye bakaji bakamba mu dikenga anyi?

Yobe 31:19

Mvua mumone mupele kayi ne bilamba, mukengi kayi ne tshia kudibuikila.

Misambu 109:16

Bualu muntu ewu, kavua muvuluke bua kuleja bantu luse, kadi uvua ukengesha mupele, muena dikenga, muena dibungama bua kumushipa.

Misambu 41:1

Musambu wa mu mukanda wa mulombodi wabena misambu. Wamu mukanda wa misambu ya Davide.

Nsumuinu 14:31

Muntu udi ukengesha mupele, udi upenda Mvidi Mukulu wakamufuka. Kadi udi umuambuluisha, udi unemeka wakamufuka.

Nsumuinu 22:16

Muntu udi ukengesha mupele neamututshishe ku ndekelu dikasa dimpe. Udi upa mubanji bintu, neadibueje mu bupele.

Nsumuinu 28:12

Padi bantu badi batshina Mvidi Mukulu bikale ne bumfumu mu bianza, bantu bonsu badi ne disanka. Kadi padi bantu babi babuangata, bantu bonsu badi basokoma.

Nsumuinu 28:28

Padi bantu babi babuela mu bukalenga, bantu bonsu badi basokoma. Kadi diba didibu babumusha, bantu bakane ba bungi badi badileja.

Nsumuinu 30:14

Kudi bantu badi ne menu bu miele ya kuluangana nayi mvita, badi ne binyanganyanga bitue bu tuele. Badi bavuambula bakengi ba mu ditunga, bumusha bapele munkatshi mua bantu bakuabu.

Yeshaya 10:2

Nudi nubenga kuteleja bantu banyi, badi kabayi ne bukole. Nudi nubenga kupesha bapele, bidibu ne bua kupeta. Nudi nunyenga bakaji bakamba bidibu nabi, nuiba bana ba nshiye bintu biabu.

Yezekiyele 18:12

Udi ukengesha bapela ne bena dikenga. Udi wiba bintu bia bantu. Kena upingaja tshieya tshivua muena dibanza mumueyeke. Udi utendelela mvidie, wenza malu mabi, andi mbenga.

Yezekiyele 18:18

Amu tatuende ke uvua muenze bibi, muibe, mukengeshe bantu bavuaye nabu. Nanku tatuende neafue bua bilema biende.

Yezekiyele 22:29

Miaba yonsu mu ditunga badi bakengesha bantu, biba bintu biabu. Badi bakengesha bapele ne bakengi. Badi batatshisha benyi, kabayi babanemeka.

Amosa 2:7

Badi badiata ku makasa badi kabayi ne bukole. Ku kabadi badi banyanga tshilumbu tshia mupele udi kayi ne kantu ku bianza. Tatu ne muanende wa balume, badi benza malu a buendenda mu bulalu bumue ne nsongakaji mupika wa momumue. Ke mudibu banyanga dina dianyi dia tshijila.

Amosa 4:1

Nuenu bakaji ba mu Samariya, telejayi: nudi badiunde bibi, bafuanangane ne ngombe ya mu Bashane. Telejayi tshindi nnuambila ne: badi kabayi ne bukole, nudi nubanyenga bintu biabu, nukengesha bapele, nuambila babayenu ne: “Koleshayi! Nututuadile maluvu!”