Yobe 24:1 - MUKANDA WA MYIDI MUKULU

¹ Mvidi Mukulu wa bukole buonsu, kena mutufundile matuku adiye ulumbuluisha bantu bua tshinyi? Diba adi, bantu badi bamulamate, badi mua kumona mudiye ukosa nsambu amu pa yoyi.

Mukanda wa Nzambi Dihungila Dikulukulu ne Dihungila Dihia-dihia 2003

¹ Bualu kai Wa Bukole Buonso kena uteka bikondo bia kulumbuluisheye bantu? Bualu kai badi bamumanye kabena bamona matuku andi?

Yobe 24:1 교차 참조

Genese 18:17

Maweja-Nangila kuamba mundamunda muende ne: — Tshiena mua kusokoka Abrahame bualu bundi nya kuenza to,

Genese 7:4

Bualu papita matuku muanda mutekete, nendokeshe mvula pa buloba matuku makumi anayi a munya ne a butuku. Nembutule bintu bionsu bidi ne muoyi, bindi mufuke pa buloba.”

Yobe 15:20

“Bena malu mabi badi basomba panu ne bowa, bualu dituku dia kunyoka bena tshikisu didi pabuipi.

Misambu 31:15

Kadi meme ndi mueyemine amu kuudi wewe, Maweja-Nangila, ngamba ne: “Wewe ke Mvidi Mukulu wanyi!”

Misambu 36:10

Kuudi ndi mpetela bukole. Wewe udi diba didi ditumuenesha muoyi.

Misambu 9:10

Kudi Maweja-Nangila ke kudi bonsu badibu bakengesha banyemena, ke kudibu basokomena diba dia dikenga.

Muambi 3:17

Mvua muele meji mu muoyi wanyi ne: Mvidi Mukulu nealumbuluishe muntu muimpe bu mudiye ulumbuluisha muntu mubi, bualu tshintu tshionsu tshidi tshienzeka tshikondu tshiatshi, kabidi malu onsu atudi tuenza Mvidi Mukulu mmuamone.

Yeshaya 2:12

Dituku adi, Maweja-Nangila muena bukole buonsu, yeye nkayende neakose bilumbu. Neapuekeshe muntu udi udiamba ne: ndi munene, nansha ne: ndi mfumu.

Yeshaya 60:22

Mu tshiota tshikese, nemuikale bantu tshinunu. Tshiota tshishadile ku bionsu, netshidiunde, tshienze tshisamba tshinene. Ke tshindi ngenza lukasa meme Maweja-Nangila, pakumbana tshikondu.

Yirmeya 46:10

Edi ke dituku didi Maweja-Nangila, Mvidi Mukulu wa bukole buonsu, utekemena. Ke dituku didiye usombuela bena lukuna bende! Muele wende udi bu nyama wa tshidika, udi ukuata bantu, udia uukuta! Udi unua mashi abu ukuatshika! Maweja-Nangila Mvidi Mukulu wa bukole buonsu udi ubutula bantu badi mu ditunga dia ku mutu, ku muelelu wa musulu wa Perate!

Danyele 2:21

Udi ukudimuna bikondu ne malu mudiye musue. Udi umusha bakalenga mu nkuasa, nansha ubatekamu. Yeye ke udi ufila meji kudi bena meji, upesha bajinguludi ba malu lungenyi.

Obadya 1:15

Bualu dituku, dindi meme Maweja-Nangila ndumbuluisha bantu bonsu, dikadi pa buipi. Nanku nebanuenzele bionsu binuvua benzele bantu bakuabu. Bubi buenu nebunupinganyine.

Sefanya 1:7

Puwayi, Mvidi Mukulu Maweja-Nangila udi ufika. Dituku dia tshiji tshiende dikadi pabuipi! Maweja-Nangila mmulongolole mulambu. mMumane kumusha mikiya ya badiye mubikile bua kudia nabu didia dia mulambu.

Matayi 24:38

Mvula mukole awu kayi muanji kuloka, bantu bavua badia, banua, baselangana, baselesha bana babu ba bakaji, too ne ku dituku divua Nowa mubuele mu buatu.

Yowanane 17:3

Muoyi wa tshiendelele udi nunku: bua bakumanye wewe Mvidi Mukulu umue mulelela, bamanye kabidi Yezu Kristu uuvua mutume.

Bienzedi 1:7

Yezu kubandamuna ne: — Tatu ke udi ujadika meba ne bikondu ku bumfumu buende. Nuenu kanuena ne bua kubimanya to.

Bienzedi 17:26

Udi mufuke bisamba bionsu, bifumine kudi muntu umue, mubitangalaje pa buloba bujima. Kufundilaye tshisamba tshionsu tshikondu tshia kusomba panu, ne mikalu ya miaba idi tshi mua kuasa.

Rome 2:5

Kadi udi ne muoyi mupape. Kuena musue kudilengeja. Ke muudi udikebela dinyoka dipite bunene, dituku diamueneka tshiji tshia Mvidi Mukulu, diakosaye nsambu pa yoyi.

1 Tesalonike 5:1

Bana hetu, kanuena nukengela bua tunufundile bua meba nansha bua bikondu bienzeka malu aa.

1 Timote 4:1

Mueyelu wa Tshijila udi wamba patoke ne: matuku a ku nshikidilu bamue bantu nebalekele ditaba; nebitabe bena dishima; nebanyishe malongesha a mikishi mibi.

1 Timote 6:15

Yezu neamueneke tshikondu tshivua Mvidi Mukulu mujadike. Yeye Mvidi Mukulu umuepele, ke Muena bionsu, mpokolu wa diakalenga, Mukalenga udi upita bakalenga bonsu, Mfumu udi upita bamfumu bonsu.

2 Petro 2:3

Bu mudibu ne lukuka lua biuma, balongeshi ba dishima aba nebanuelele nsumuinu ifuma ku meji a bantu, bua bapete bintu bienu. Kadi Mukoshi wabu wa nsambu ukadi mumane kujadika tshibawu tshiabu. Neababutule lukasa, kayi ujingakana.