Yobe 21:31 - MUKANDA WA MYIDI MUKULU

³¹ Utshidi mua kubela muntu uvua wenza bubi nanku nnganyi? Udi mua kumunyoka bua bibi bivuaye muenze udiku anyi?

Mukanda wa Nzambi Dihungila Dikulukulu ne Dihungila Dihia-dihia 2003

³¹ Muntu kai wamubela ku mesu kuandi bua bienzedi biandi? Muntu kai wamufuta bua malu akenzeye?

Yobe 21:31 교차 참조

Yobe 21:19

Kadi nuenu nudi nuamba ne: “Mvidi Mukulu neanyoke bana ba bantu babi aba.” Kadi Mvidi Mukulu kena unyoka batatuabu bena tshibawu bua tshinyi? Diba adi bavua mua kumanya ne badi batunyoka bua bubi buetu.

Yobe 21:30

Padi dikenga difika, kadiena dikuata muena malu mabi. Tshiji tshia Mvidi Mukulu katshiena tshimulenga to.

Yobe 21:32

Padi muntu awu ufua, badi batshisha pambelu mu madilu, bamujika amu bimpe mu lukita luende.

Yobe 41:11

Ndimi ya kapia idi ipatuka mukana muende, tuntolentole tua kapia tudi tupona panshi.

Misambu 50:21

Wamonyi biudi muenze! Udi musue bua ngikale amu mupuwe anyi? Udi muele meji ne: ndi bu wewe anyi? Nansha kakese! Ndi ukutandisha, nkuleja mibi yebe yonsu patoke!

Yeshaya 59:13

Tuvua bakutombokele. Tuvua bakutonuene mesu. Tuvua babenge kukulonda, wewe Mvidi Mukulu wetu. Tuvua bakule amu bua kukengeshangana, ne bua kutomboka. Tshitudi tuelangana meji munda, tshitudi natshi mu lungenyi, tshidi amu dishima.

Marke 6:18

Yowanane-Batiste uvua uyukidila Erode ne: “Kabiena bikumbana bua wewe kuangata mukaji wa muanenu to!”

Bienzedi 24:25

Kadi pakavua Polu ulongesha mudi muntu ne bua kukumbaja bidi Mvidi Mukulu musue, kudikolela, kudilongolola ku dituku diavua Mvidi Mukulu kulumbuluisha bantu, Felikse kukuatshika buowa, kuamba ne: — Abi mbikumbane! Nenkubikidishe kabidi, pangapeta diba.

Rome 12:19

Balunda banyi, kanudisombuedi. Kadi nuanyishe amu bua Mvidi Mukulu aleje bantu tshiji tshiende. Bualu Mukanda wa tshijila udi wamba ne: “Meme Maweja-Nangila, nensombuele. Nembapingajile bubi buvuabu benze.”

Ngalate 2:11

Kadi Petro mumane kufika mu Antiyokiya, meme kumubela, bantu bonsu bumvue, bualu uvua muenze bibi.

Dielulula 7:10

Kadi badi bamubenga, udi ubanyoka lukasa, ubabutula.

Yakobe 2:13

Bualu muntu uvua kayi mufuile muanabu luse, Mvidi Mukulu neamulumbuluishe, kayi umufuila luse. Muntu uvua muleje luse, udi mua kutekemena luse kudi Mvidi Mukulu, mumukosedi wa nsambu.