Yobe 21:19 - MUKANDA WA MYIDI MUKULU

¹⁹ Kadi nuenu nudi nuamba ne: “Mvidi Mukulu neanyoke bana ba bantu babi aba.” Kadi Mvidi Mukulu kena unyoka batatuabu bena tshibawu bua tshinyi? Diba adi bavua mua kumanya ne badi batunyoka bua bubi buetu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Nudi nuamba ne, Nzambi udi ukengesha bana ba muntu mubi bua bubi bua tatu wabo; mbimpe akengeshe muntu eu nkayandi, bua yeye amanye mua kunvua dikenga bu mudidi.

Yobe 21:19 교차 참조

Ekesode 20:5

Kukukuidi mpingu ya nanku. Kuyitendeledi, bualu meme ndi Maweja-Nangila Mvidi Mukulu webe. Ndi musue kuikala Mvidi Mukulu webe, meme nkayanyi. Nennyoke bantu bonsu badi bankina too ne ku ndelanganyi yabu ya musangu muisatu nansha muinayi.

Yezekiyele 18:2

— Mmunyi munudi nuela kasumuinu mu ditunga dia Izrayele, nuamba nuambulula ne: Baledi bakadia tumuma tubishi, bana kumvua buanji ku menu.

Yirmeya 31:29

Nanku, muntu nansha umue kakuela lusumuinu lua ne: “Bavua badie tumuma tua mvinyo tua buanji mbaledi, kadi bana kumvua buanji ku menu.”

Yeshaya 14:21

Bana ba balume ba mfumu awu badi ne bua kufua, bafuta tshibawu tshia tatuabu! Tshianana badi mua kujuka, kukuata tshiakabidi buloba bujima, kuasamu ne bimenga.

Didimanyisha 18:6

Enzelayi Babilone muvuaye munuenzele. Mufutayi misangu ibidi pa bivuaye muenze. Uwujayi dikopu diende ne maluvu makole. Bukole buawu bupite misangu ibidi bua avuaye munuelele.

2 Timote 4:14

Aleksandre, nsenda wa biamu, mmungenzele bibi be. Mfumu neamufute bilondeshile tshivuaye muenze.

2 Korente 5:21

Kristu kavua muenze bualu bubi to. Kadi Mvidi Mukulu mmuteke bubi buetu pambidi pende, bua amone mua kutubingisha kumpala kuende, patudi badisange ne Kristu.

Rome 2:5

Kadi udi ne muoyi mupape. Kuena musue kudilengeja. Ke muudi udikebela dinyoka dipite bunene, dituku diamueneka tshiji tshia Mvidi Mukulu, diakosaye nsambu pa yoyi.

Yezekiyele 18:14

“Kadi muntu awu udi mua kuikala ne muanende wa balume. Muana awu, nansha yeye mumone bilema bionsu bivua tatuende muenze, kena ubilonda.

Misambu 54:5

Bantu bandi tshiyi mumanye, badi banduisha, bena tshinyangu badi basue kunshipa. Kabena batshina Mvidi Mukulu.

Dielulula 32:34

Meme ndi Maweja-Nangila, teleja tshindi ndongolola mu musokoku, bua kukengesha baluishi benu.

Matayi 16:27

Bualu Muana wa muntu neafike, mu butumbi bua tatuende, pamue ne batumibue bende. Diba adi neafute muntu yonsu, bilondeshile malu avuaye muenze.

Malaki 3:18

Pashishe nenumone dishilangana didi pankatshi pa bantu bimpe ne bantu babi, pankatshi pa badi benzela Mvidi Mukulu mudimu ne badi kabayi bamuenzela mudimu.

Yobe 22:24

Imansha tshiamu tshia mpawungi tshiudi natshi. Nansha utshiele mu mayi manene munkatshi mua mabue.

2 Samuele 3:39

Bulelela, meme Davide ndi mukalenga. Kadi lelu ndi ngunwua butekete bua bungi. Bana aba ba Seruya, mbana babi, badi bampite bukole. Nanku Maweja-Nangila nkayende anyoke bantu badi benza bualu ebu.

Dielulula 32:41

Ndi nnona muele wanyi wa mvita, ndi ndumbuluisha bantu, mbanyoka. Ndi musue kusombuela baluishi banyi, kufuta bonsu badi bankina.

Genese 4:7

Bu wewe muenze bimpe, uvua ne bua kuikala ne disanka. Kadi paudi kuyi wenza bimpe, bubi budi bukuimanyine ku tshibi; kadi ukebe mua kubutshimuna.

Dibadika 14:18

“Meme ndi Maweja-Nangila. Ndi ne luse lua bungi. Tshiena mfika munda lukasa. Ndi mfuila bantu luse bua mibi yabu, ne bua ditomboka diabu. Kadi tshiena mbingisha muntu udi mupile. Ndi nnyoka muana wa ku ndelanganyi misatu nansha minayi bua mibi ya baledi bende.”