Yobe 21:14 - MUKANDA WA MYIDI MUKULU

¹⁴ Kadi abu bantu bavua bambila Mvidi Mukulu ne: “Katuena nebe ne bualu. Katuena basue kumanya tshiudi musue.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Kadi badi bambila Nzambi ne, Umuka kutudi; katuena basue kumanya nshila yebe.

Yobe 21:14 교차 참조

Yobe 22:17

Bantu aba bavua bamba ne: “Mvidi Mukulu atushile muaba! Tusombe talalaa! Udi wa bukole buonsu, kadi tshidiye mua kutuenzela ntshinyi?”

Yobe 34:27

Bualu bantu abu bavua bamubenge, balengulula mikenji yende yonsu.

Yobe 35:10

Kadi muntu nansha umue kena ukonka ne: “Mvidi Mukulu uvua mumfuke udi penyi? Yeye udi utuimbisha misambu nansha butuku.

Misambu 10:11

Muntu mubi udi wela meji ne: “Mvidi Mukulu kena bualu ne bindi ngenza. Kena musue kubimanya, kena musue kubimona!”

Misambu 10:4

Muntu mubi udi wela mpala mulu, wamba ne: “Mvidi Mukulu kena unyoka muntu. Kenaku mene.” Ke meji onsu adi muntu mubi wela.

Misambu 95:10

Bantu ba mu tshikondu atshi kuntonda, bidimu makumi anayi, meme kuela meji ne: Bantu aba mbatomboke, kabena bamanye tshimvua ntekemena kudibu.

Nsumuinu 1:22

“Nuenu batshimbakane, nenushale amu batatakane too ne ku diba kaayi? Nuenu basekianganyi, nenunseke too ne ku diba kaayi? Nuenu bantu bapote, nenubenge kulonga malu too ne ku diba kaayi?

Nsumuinu 1:29

Nebienzeke nanku, bualu nudi nubenga kulonga malu, kanuena basue kutshina Maweja-Nangila to.

Nsumuinu 1:7

Muntu udi musue kupeta meji, atshine, kabidi anemeke Maweja-Nangila. Bantu badi bapepeja malongesha ne mibelu bia bena meji mbatshimbakane.

Yeshaya 30:11

Badi bajinga bua bambi balekele kulonda njila wa buakane, bumuke mu njila muimpe. Badi bamba ne: “Katuena basue, bua nutele dina dia Mvidi Mukulu wa tshijila wa bena Izrayele.”

Yirmeya 2:31

(Bantu badi babala bualu ebu mpindiewu, bateleje bimpe tshidi Maweja-Nangila wamba!) Bena Izrayele, meme Maweja-Nangila ndi nnukuatshisha bowa mudi tshipela nansha mudi ditunga didi ne miidima bikuatshisha bantu bowa anyi? Eyi, bantu banyi bena Izrayele, mmunyi munudi nuamba ne: “Tudi tuenza mutudi basue, katuena tupingana kuudi!”

Yirmeya 9:6

Nanku, Maweja-Nangila wa bukole buonsu udi wamba ne: “Ndi musue kubengulula mu kapia. Nembatete mbalengeje. Ke tshindi ne bua kuenzela bantu bena Izrayele, bua tshikisu tshiabu.

Abakuke 1:15

Ke mudi bena Babilone bakuata bantu, mudibu baloba mishipa ne ndobu. Badi bu balobi badi bakuata mishipa mu makondu abu, bayipatula mu mayi, basanka, batshionkomoka.

Luke 8:28

Muntu awu umona Yezu, kuelaye lubila, udiela ku makasa ende, wamba ne diyi dikole ne: — Yezu, Muana wa Mvidi Mukulu Muena kulu, butudi nebe mbunganyi? Ndi nkusengelela ne: kunkengeshi to.

Luke 8:37

Nanku bantu bonsu ba mu buloba bua Ngerasa kulomba Yezu bua umuke muaba awu, bualu bavua ne bowa bua bungi. Ke Yezu kubuela mu buatu, kuya.

Rome 1:28

Bu muyuabu babenga kumanya Mvidi Mukulu, Mvidi Mukulu mmubafile ku butshimbakane, bua kuenzabu bivuabu kabayi mua kuenza.

Rome 8:7

Bantu badi badina ne kasuki ku dienza dia bidi buntu buabu nkayabu bujinga, badi baluishi ba Mvidi Mukulu. Bualu kabena batumikila mikenji yende. Kabena nansha ne bukole bua kuyitumikila.