Yobe 19:13 - MUKANDA WA MYIDI MUKULU

¹³ Mvidi Mukulu mmutangalaje bana betu kule, nansha badi bammanye, badi bantangila bu muenyi.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Wakûmusha bana betu kundi, balunda banyi bonso bakulua bu bantu ba bende kundi.

Yobe 19:13 교차 참조

Yobe 16:20

Kadi meme ndi mutangile amu kudi Mvidi Mukulu, balunda banyi badi banseka, ndi ne binsonji mesu tente.

Yobe 16:7

Eyi, bulelela, Mvidi Mukulu mmumbutule, mmushipeshe bana banyi bonsu.

Yobe 42:11

Nanku, Yobe kuakidila bana babu bonsu ba balume ne ba bakaji, ne bonsu bavua bamumanye kale, kufikabu bua kumusamba. Bavua badila ne Yobe kaba kamue, bamukolesha ku muoyi bua makenga onsu avua Maweja-Nangila mumutumine. Pashishe muntu yonsu uvua umushila lukanu lutoke lua mushinga mukole, ne kakanu ka tshiamu tshia mpawungi.

Yobe 6:15

Balunda banyi bavua bandinga bu mudi musulu mua kudinga bantu. Musulu uvua ne mayi mavule, mpindiewu ukadi mume.

Yobe 6:20

Kadi, badi ne kanyinganyinga, bualu bavua bela meji ne: netupete musulu wa mayi. Kadi bobu bamane kufika, kusanganabu musulu mume.

Misambu 31:11

Ntatu idi ikepesha matuku anyi a panu, bidimu bienda bipita, meme ndi ntua amu mikemu. Mibi yanyi mminyange bukole buanyi. Nansha mifuba yanyi idi isheleleka.

Misambu 31:12

Baluishi banyi bonsu badi bampenda, bena mutumba mbandembakaja. Badi bammanye, bakadi bantshina, badi bammona mu njila banyema lubilu.

Misambu 38:11

Muoyi udi ungomba munda. Bukole mbunjimine. Mesu anyi akadi bibuidibuidi.

Misambu 38:12

Pandi nkengakana nanku, balunda banyi ne bena mutumba badi bannyema, nansha bana betu bakadi batalamukile pa bule.

Misambu 41:9

“Wawa ukadi mikolu ku tshiina! Bua kumukaye pa bulalu, amu yeye mufue!”

Misambu 69:20

Udi mumanye mudibu bampenda, bamfuisha bundu, bampetula; udi mumone kumpala kuanyi baluishi banyi bonsu.

Misambu 69:8

Badi bampenda, bangela bibingu, bualu ndi muntu webe!

Misambu 69:9

Nkadi muenyi munkatshi mua bena diku dietu, nansha bana ba tatu mene kabatshiena bammanye.

Misambu 88:18

Matuku onsu idi injingila nseke yonsu, bu mudi mayi apasalala mu musulu.

Misambu 88:8

Udi muntekele tshiji tshikole, udi unkengesha ne mavuala.

Muadi 1:19

Mvua mubikile bavua bannange, bobu kunshiya nkayanyi. Batuangaji ne bafidi ba ngenyi banyi mbafue bonsu mu tshimenga, pavuabu bakeba biakudia bua kupeta bukole.

Muadi 1:2

Yerushalayime udi udila utshisha butuku bujima, upuekesha binsonji pa matama. Ku bonsu bavua bamunanga, kamuena nansha umue utshidi umusamba. Balunda bende bonsu mbamubenge, bashale baluishi bende.

Matayi 26:56

Kadi bionsu abi mbienzeke bua kukumbaja miaku ya bambi idibu bafunde mu Mikanda ya tshijila. Ke balongi bende bonsu kumushiya, kunyema.

2 Timote 4:16

Diba dimvua ndilumbuluila musangu wa kumpala, muntu nansha umue kavua mutue ku tshianyi to. Bonsu bavua banshiye. Mvidi Mukulu kabashi tshilumbu atshi to!