Yobe 18:11 - MUKANDA WA MYIDI MUKULU

¹¹ Nseke yonsu, bowa budi bumukuata, budi bumuipata kuonsu kudiye uya.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Malu a buowa adi amutshinyisha ku nseke yonso, adi amulonda ku nyima, adi amuihata.

Yobe 18:11 교차 참조

Yobe 15:21

Badi bateleja anu meyi adi abakuatshisha bowa. Badi batshina muluishi, nansha diba didi bionsu mu ditalala.

Yobe 18:10

Disoka didi dimukuata, mbadisokoke mu buloba. Buteyi mbumuindile mu njila.

Yobe 18:18

Nebamuipate mu butoke, bua abuele mu miidima. Nebamuipate mu buloba budi bantu base.

Yobe 20:25

Udi utula mukete udi mumupatuke panyima. Udi umupatula lusongu luvua lumubuela too ne ku mutshima. Diakamue bowa bua lulu budi bumukuata.

Yobe 20:8

Udi upepuka bu tshilota, ujimina, kabayi mua kumusangana kabidi to, bu mudi malu adi amuenekela muntu butuku.

Yobe 22:10

Ke paudi ne baluishi bebe nseke yonsu. Ke padi bowa bupite bunene bukukuata diakamue.

Yobe 27:20

Bowa budi bubakuata bu mudi mayi apasalala. Butuku, lupepele lukole lua mvunde ludi lubapepula luya nabu.

Yobe 6:4

Eyowa, Mvidi Mukulu wa bukole buonsu, mmungase miketa. Lulengu luayi ndumbuele mu lungenyi. Bionsu bidi Mvidi Mukulu mulongolole bua kukuatshisha nabi bantu bowa, bidi binyunguluke biela mualu wa mvita.

Misambu 53:5

Mvidi Mukulu udi wamba ne: “Bonsu badi bakengeshangana aba, kabena bumvue bualu nansha bumue. Badi badia bantu banyi bu mampa, babenga kuntendelela.”

Misambu 73:19

Nebabutuke ku mubunyi wa disu. Lufu luabu lubi nelukuatshishe bantu bowa!

Nsumuinu 28:1

Muntu udi wenza bibi udi udinyemena nansha kakuyi muntu udi umuipata. Kadi muntu udi ulamata Mvidi Mukulu udi ne dikima bu kana ka ntambue.

Yeshaya 28:19

Dinda dionsu, tshipupu netshinukuate, nansha bufuku katshiakunushila muaba. Bantu pumvuabu batshitela, nebafue bowa bunene!

Yirmeya 46:5

Kadi Maweja-Nangila udi webeja ne: Bidi bienzeka mbinganyi? Tshindi mmona ntshinyi? Badi bumuka muaba udibu bimane, basemena panyima. Nansha bobu bilobu, badi babatshimuna! Bonsu badi banyema lubilu eku ne eku. Kabena batangila kunyima. Bowa budi butampakana miaba yonsu!

Yirmeya 49:29

Nuangate ntenta yabu ne bimuna biabu, ngabu yabu ne mabuki abu onsu! Nukuate nyama yabu ya tumelu. Nuele mbila nuambila bena Kedare ne: “Bowa mbunukuate miaba yonsu.”

Yirmeya 6:25

Kanupatuki mu tshisuku to. Kanuyi mu njila to. Bualu, muluishi udi mu njila ushipa bantu. Bashipianganyi badi nseke yonsu.

Danyele 5:9

Baltazare kukuatshika bowa, mpala kutokoloka bipite. Bantu banene ba mu bukalenga buende kupampakana.

Lewitiki 26:36

“Kadi bena Izrayele bikale bashale ne muoyi mu ditunga dia baluishi babu, nembakuatshishe bowa bua bungi. Nebanyeme too ne mutoyi wa dibeji dia mutshi dinyungisha kudi lupepela, bu mudi muntu unyema mvita. Nebende badishinda, kakuyi muntu udi ubipata.

2 Korente 5:11

Tudi bamanye mutudi ne bua kutshina Mfumu. Ke patudi tukeba kufikisha bantu ku ditaba. Mvidi Mukulu mmutumanye muetu muonsu mutudi. Ndi ntekemena kabidi ne: nuenu munda muenu nudi bammanye kabidi muanyi muonsu mundi.

1 Samuele 28:5

Shawule umona amu mitanda ya bena Peleshete, kumvuaye bowa bikole. Kutuadijaye kuzakala.