Yobe 17:5 - MUKANDA WA MYIDI MUKULU

⁵ Badi bu muntu udibu bela mu lusumuinu ne: “Kuvua muntu mubikile balunda bende bua kudia nabu biakudia, kadi bana bende balala ne nzala.”

Mukanda wa Nzambi Dihungila Dikulukulu ne Dihungila Dihia-dihia 2003

⁵ Muntu udi unyoka balunda bandi bua tshituha tshia bintu, mesu a bana bandi mene neahange.

Yobe 17:5 교차 참조

1 Bakalenga 11:12

Kadi bualu bua tatuebe Davide, tshiena nkunyenga bukalenga pautshidi ne muoyi to. Nennyenge bukalenga kudi muanebe.

Yobe 11:20

Kadi, bena malu mabi badi bakeba bantu badi mua kubambuluisha, kabena mua kubapeta to. Bobu badi mua kutekemena amu lufu.

Ekesode 20:5

Kukukuidi mpingu ya nanku. Kuyitendeledi, bualu meme ndi Maweja-Nangila Mvidi Mukulu webe. Ndi musue kuikala Mvidi Mukulu webe, meme nkayanyi. Nennyoke bantu bonsu badi bankina too ne ku ndelanganyi yabu ya musangu muisatu nansha muinayi.

Nsumuinu 20:19

Muena bijanu udi usokolola nansha malu masokome. Nanku epuka muena tshiakulakula.

Nsumuinu 29:5

Muntu udi ulabidila balunda bende, udi uditeya bukondu mu njila yeye nkayende.

Muadi 4:17

Tuvua tukengakana ne mesu, tukeba diambuluisha. Kadi, tuetu nansha kudipeta. Tuetu kuindila ne muoyi mujima tshisamba tshivua mua kutusungidila. Kadi nanshatshi kufika.

Lewitiki 19:13

“Kanukengeshi mukuenu. Kanuibi tshintu tshiende. Difutu dia muena mudimu webe dikale anu pa diba diadi, kuyi ulala nadi dituku nansha dimue.

Lewitiki 19:16

Kanujanyi bena diku dienu to. Kanufundi mukuenu ku tshilumbu tshidibu mua kumufundila tshibawu tshia lufu to. Bualu Meme ndi Maweja-Nangila.

Dielulula 28:65

Munkatshi mua bisamba bia bende abi, kanuakuikala ne dikisha to. Kanuakuikala ne muaba wa kusomba to. Nanku Maweja-Nangila neanukengeshe bikole. Nenuikale ne kanyinganyinga mu mioyi yenu. Mesu enu kaakumona bimpe to. Nenuikale ne bowa, nuteketa mu maboku.

1 Tesalonike 2:5

Nudi bamanye bimpe ne: katshia katutu banji kuakula meyi a lubombu, nansha basokoke lukuka lua biuma mu meyi etu. Mvidi Mukulu udi mua kutujadikila nanku.