Yobe 16:4 - MUKANDA WA MYIDI MUKULU

⁴ Bu nuenu bikale bu mundi emu, meme muikale munudi amu, mvua mua kuamba malu anudi nuamba nuenu. Mvua mua kunubela panyi ne nsumuinu mimpe. Mvua mua kunyukisha mutu.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Meme kabidi nakadi kumanya mua kuakula bu munudi nuakula, bu nuenu bikale mu muaba wanyi. Nakadi mua kubambakasha nʼenu mei bua kunudiula, nakadi mua kunukuhila mutu wanyi.

Yobe 16:4 교차 참조

2 Bakalenga 19:21

Teleja malu andi mmubengela: Tshimenga tshia Siyone tshidi tshikudiwula, tshikuela bibingu. Tshimenga tshimpe tshia Yerushalayime tshidi tshikuseka, tshikupa mutu.

Yobe 11:2

Muntu udi mua kuandamuna ku miaku ya patupu, idi muntu awu wakula amu kuakula anyi? Muntu udi mua kubinga bua bungi bua miaku idiye wamba anyi?

Yobe 16:5

Mvua mua kunukolesha ku muoyi, kadi anu ne miaku. Mvua mua kunusamba, kadi anu mukana patupu.

Yobe 35:16

Kadi biudi wewe Yobe wamba, bidi amu bia patupu, bidi bimueneka ne udi wakula amu kuakula, kuyi mumanye malu audi wamba.

Yobe 6:14

Muntu udi ukenga, mulunda wende udi ne bua kumusamba. Tshianana, kudi njiwu ya kubengaye kulamata Mvidi Mukulu wa bukole buonsu.

Misambu 109:25

Ndi tshintu tshidibu bapepeja, padibu bantangila, badi banseka.

Misambu 22:7

Kadi meme tshitshiena muntu! Badi bammona bu musanda. Bonsu badi bampenda, bampepeja!

Misambu 22:8

Badi bammona, banseka, babeteka ku mishiku, bakupa mitu, bamba ne:

Misambu 44:14

Udi utupendesha kudi bena mutumba, batulembakaja kudi batudi nabu pabuipi.

Nsumuinu 10:19

Muntu udi wakula malu mavule, udi utupakana bikole. Kadi muntu wa meji udi mumanye mua kulama ludimi luende.

Muambi 10:14

Muntu mupote udi wakula amu kuakula. Kadi muntu kena mumanye nansha kakese bidi ne bua kuenzeka kumpala kuetu eku. Wamuleja bienzeka panyima pende nnganyi?

Yeshaya 37:22

Teleja malu andi muandamune Senakeribe: Tshimenga tshia Siyone tshidi tshikudiwula, tshikupepeja. Tshimenga tshimpe tshia Yerushalayime, tshidi tshikuseka, tshikupa mutu.

Yirmeya 18:16

Bantu banyi bavua banyanga ditunga diabu bikole. Ke mudi bantu badi bapitshila mu njila bakema, bazakala, bakupa mitu, bakuatshika bowa.

Yirmeya 48:27

Bena Mowabe, mwuluke munuvua nuseka bena Izrayele, munuvua nukupa mutu, nubaseka bu bantu badibu bajikila biba bintu.

Muadi 2:15

Bantu bonsu badi bapitshila muaba ewu, badi bakuma bikashi bua dibutuka diebe. Badi bela bibingu, bakupa mitu, bakuseka wewe, Yerushalayime, bebejangana ne: “Etshi ke tshimenga tshivuabu babikila ne: Mulengele be, kabidi ne: Disanka dia buloba bujima, anyi?”

Sefanya 2:15

Ke muikala tshimenga etshi tshivua tshiditambisha. Badi basombamu bavua bela meji ne: dikenga kadiena mua kutukuata. Badi mua kuambangana netu mbanganyi? Lelu tshimenga tshidi tshienda tshibutuka. Tshikadi muaba udi nyama ya lonji ilala! Bonsu badi basemena pabuipi natshi, badi batshiela bibingu, batshiseka.

Matayi 7:12

— Enzelayi bakuabu bionsu binudi basue bua banuenzele. Ke bidi mikenji ya Moshe mufundila, ke bidi bambi banulongesha.

Rome 12:15

Sankayi ne badi basanka, nudile ne badi badila.

1 Korente 12:26

Padi tshidimba tshia mubidi tshimue tshisama, bidimba bionsu bidi bisama pamue natshi. Padibu batumbisha tshidimba tshimue, bidimba bikuabu bionsu bidi bisanka pamue natshi.