Yobe 16:13 - MUKANDA WA MYIDI MUKULU

¹³ Mikete idi ipepuka ku nseke yanyi yonsu, udi ungasa mikete mu tonyi, kuyi ungumvuila luse, mayi a kanyonga adi atangalaka pa buloba.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Mikete yandi idi innyunguluka nseke yonso. Udi uhanda tumuma tua tuonyi tuanyi hankatshi, kayi unfuila luse. Udi uhumuna nyongangandu wanyi hanshi ha buloba.

Yobe 16:13 교차 참조

Genese 49:23

Baluishi badi bamukengesha bikole, bamuela miketa, bamutatshisha.

Yobe 19:12

Bashipianganyi bende bonsu badi bunguile muaba umue, bapanda njila bua kufika too ne kundi, bannyungulukila ne mitanda yabu.

Yobe 19:27

Bushuwa, meme netumumone! Nemmutangile kayi bu muenyi kundi. Muoyi mmunshikile munda ne dindila dia dituku adi.

Yobe 20:25

Udi utula mukete udi mumupatuke panyima. Udi umupatula lusongu luvua lumubuela too ne ku mutshima. Diakamue bowa bua lulu budi bumukuata.

Yobe 25:3

Udi mua kubala bisumbu bia bena mudimu bende nnganyi? Udiye kayi upatuila diba nnganyi?

Yobe 6:10

Diba adi nansha meme muikale ne makenga makole, nentupike nsanka, nenkoleshe muoyi, bualu tshiena mubenge mikenji ya Mvidi Mukulu wa tshijila.

Yobe 6:4

Eyowa, Mvidi Mukulu wa bukole buonsu, mmungase miketa. Lulengu luayi ndumbuele mu lungenyi. Bionsu bidi Mvidi Mukulu mulongolole bua kukuatshisha nabi bantu bowa, bidi binyunguluke biela mualu wa mvita.

Muadi 2:11

Mesu anyi mmakunze ne muadi. Kanyinganyinga kadi kantonda. Tshiena ne ditekemena kabidi, bualu tshisamba tshianyi ntshibutuke. Bana ba mu maboku badi bafua ne nyota mu misesu ya mu tshimenga.

Muadi 2:4

Bu muluishi, kunanaye buta buende. Kushalaye mubunane ne diboku diende dia balume. Kudilejaye mudiye muluishi wetu. Kunyangaye bionsu bivua bitulengelela ku mesu. Kuitshikijaye tshiji tshiende bu kapia pa nzubu wa Mvidi Mukulu wa mu Yerushalayime.

Muadi 3:11

Kumpangishaye tshimvua mua kuenza bua kuikala ne muoyi. Kuntekeshaye, kumpuwisha kashidi.

Muadi 3:13

Mikete yende yonsu kutubula mutshima wanyi.

Yezekiyele 5:11

“Meme Maweja-Nangila Mvidi Mukulu udi ne muoyi, ndi nnumanyisha ne: nudi banyange nzubu wanyi ne ditendelela dienu dibi, kabidi ne mpingu yenu indi mubenge. Nanku meme nennubutule, tshiyi nnufuila luse. Tshiena mua kunushiya ne muoyi to.

Rome 8:32

Kavua nansha muengeleke Muanende to. Uvua mumufile bualu buetu bonsu. mMunyi mudiye kayi mua kutupesha bionsu pamue ne Muanende?

Dielulula 29:20

Maweja-Nangila neamupeteshe diakabi, amumushe munkatshi mua bena Izrayele, bilondeshile manyoka adibu bafunde mu mukanda wa mikenji ya ndondu ewu.

2 Petro 2:5

Bantu ba kale, Mvidi Mukulu kavuamubafuile luse. Wakalokeshila benji ba malu mabi aba mvula wa tshipupu. Kusungidilaye amu bantu muanda mukulu. Ke Nowa uvua ulongesha malu mimpe, kabidi ne bantu bakuabu muanda mutekete.