Yobe 16:10 - MUKANDA WA MYIDI MUKULU

¹⁰ Bantu badi bakula amu kuakula, bantandisha, bantuta mapi, bampenda, badi badikunguja bua kunduisha.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Bakela miau bua bualu buanyi; bakuntaha mahi ku matama hakumpetulabo; badi badisangisha hamue bua kungelela tshifufu.

Yobe 16:10 교차 참조

1 Bakalenga 22:24

Diakamue, Sedekiya, muana wa Kenaane, kusemena kudi muambi Mika, kumutapa dipi ku ditama, wamba ne: — Mmunyi muudi mua kujadika ne: mueyelu wa Maweja-Nangila mmupatuke munda muanyi bua kubuela munda muebe, kukuakuisha anu wewe?

2 Kulondolola 18:23

Diakamue, Sedekiya, muana wa Kenaane, kusemena kudi muambi Mika, kumutapa dipi, ukonka ne: — Muudi mua kujadika ne: Mueyelu wa Maweja-Nangila mmumane kunshiya meme, bua kukuakuisha anu wewe mmunyi?

Yobe 16:11

Mvidi Mukulu mmumfile kudi bansonga bena buenzayi, mmunteke mu bianza bia bantu babi kabayi ne mikenji.

Yobe 30:12

Bantu bavule badi bamfunda. Badi bansakila bua ndishinde. Badi banteya bua kumbutula.

Misambu 22:13

Baluishi bavule mbanjingile, bangela munkatshi, bu ngombe milume ya lonji ya mu mpata ya Bashane!

Misambu 22:14

Idi ibutula mukana, ikeba kundia, idila bu nyama ya ntambue ya tshikisu!

Misambu 3:7

Nansha bantu binunu ne binunu banyungulula nseke yonsu, kabena mua kunkuatshisha bowa.

Misambu 35:15

Kadi mpindiewu pandi mu dikenga, baluishi banyi badi basanka, badikunguja bua kunseka. Nansha bantu benyi mene, bandi tshiyi mumanye, badi bantuuta, bangela bibingu.

Misambu 35:21

Badi babulula mukana, banjana ne: “Eyowa, tudi bakumone, tudi bakukuate!”

Misambu 56:6

Bindi ngamba, badi babiamba muabu munga. Meji abu adi amu a kungenzela bibi.

Misambu 94:21

Badi belela bantu bakane tshifufu, bapisha muntu udi kayi ne bualu.

Yeshaya 50:6

Ndi ntuma nyima wanyi kudi bantu badi bantuuta. Ndi ndeja mbanga yanyi kudi bantu badi bantula muedi. Tshiena mbuikila mpala wanyi, padibu bantuila mate, bampenda.

Muadi 2:16

Bonsu badi bakukina, badi babulula mukana bua kukukeba matandu. Badi bakuela bibingu, badia dinu, bamba ne: “Tudi bamumine. Dituku dituvua bindile, ndiodi edi! Tudi bafikemu, tudi badimone!”

Muadi 3:30

Afile ditama kudi udi umukuma, nansha mudie bipendu muukute.

Mika 5:1

Maweja-Nangila udi wamba ne: “Wewe Betleyeme wa mu Efrata, ku misoku yonsu ya bena meku a Yuda, udi musoku udi ne bantu bakese. Kadi nempatule muntu wa munda muebe, bua alombole mu dina dianyi, tshisamba tshia bena Izrayele. Muntu awu uvuaku ku kale ne kalele.”

Matayi 26:67

Pashishe bamue kumufuila mate mu mpala, kumututa bisusu. Bakuabu kumukuma mapi,

Yowanane 18:22

Yezu wamba nanku, umue wa ku balami, uvua muimane pabuipi nende, kumutapaye dipi, wamba ne: — Ke muudi wandamuna mutuangaji munene anyi?

Bienzedi 23:2

Kadi mutuangaji munene Ananiyase kutumina bantu bavua pabuipi ne Polu diyi, bua bamutuute mapi mu mbanga.

Bienzedi 4:27

Bushuwa, mu tshimenga emu, Erode ne Ponsiyo Pilate, bantu benyi ne bena Izrayele, mbumvuangane bua kubenga muntu webe wa tshijila Yezu uudi musungule.

2 Korente 11:20

Nudi nuanyisha bua banutumine diyi, mudibu batumina bapika, bua banunyenge bintu bienu, banudinge, banupetule, banukume minu mu mpala.