Yobe 15:25 - MUKANDA WA MYIDI MUKULU

²⁵ Bualu bantu aba bavua batonuena Mvidi Mukulu wa bukole buonsu mesu.

Mukanda wa Nzambi Dihungila Dikulukulu ne Dihungila Dihia-dihia 2003

²⁵ Bualu bua wakuolola tshianza tshiandi bua kutombokela Nzambi, ne udi udifunyisha kudi Wa Bukole Buonso.

Yobe 15:25 교차 참조

Yobe 15:13

Udi ufikila Mvidi Mukulu munda, umujana bua tshinyi?

Yobe 15:24

Dikenga ne lutatu bidi bibakuatshisha bowa, bu mudi tshituilu tshia mukalenga tshifika lukasa, tshiluisha musangu umue.”

Yobe 15:26

Bantu babi aba badi banuluisha, binama, basokome muinshi mua ngabu, benda baluisha Mvidi Mukulu.

Yobe 36:9

Mvidi Mukulu udi ubaleja nanku muvuabu benze bibi, baditambisha, bamutombokela.

Yobe 9:4

Mvidi Mukulu udi mutupite ku bukole ne ku lungenyi. Udi mua kumutonuena mesu kabayi bamunyoka, nnganyi?

Misambu 52:7

Nenku Mvidi Mukulu neakubutule kashidi, neakukuate, akuipate kuebe, neakumbushe pa buloba patudi apa,

Misambu 73:11

Batu bebeja ne: “Tshidi Mvidi Mukulu mumanye ntshinyi? Yeye udi mulu muamua, tuetu panshi!”

Misambu 73:9

Badi basendeka Mvidi Mukulu udi mu diulu, bajana bantu ba pa buloba.

Ekesode 9:17

Kadi utshidi anu uditambisha, ubenga mua kutekela bantu banyi.

Yeshaya 27:4

Tshiena nabu kabidi tshiji to. Kadi pandi nsanganamu meba ne mingonga, nembiluishe kashidi. Nembikose, mbioshe mu kapia.

Yeshaya 45:9

Muntu udi ukimina kuelangana mpata ne udi mumufuke, mmuena diakabi. Udi amu luesu lua patupu, lufuanangane ne mikuabu yonsu. Diima didi mua kukonka, udi udifumba ne: “Tshiudi wenza ntshinyi?” Luesu ludi mua kuambila mufumbi ne: “Kuena mumanye mudimu webe, anyi?”

Yirmeya 36:29

Pashishe, newambile Yoyakime, mukalenga wa bena Yuda ne: “Maweja-Nangila udi wamba ne: Yirmeya uvua mufunde ne: mukalenga wa mu Babilone neafike bulelela bua kubutula ditunga edi, ne bua kushidisha bantu ne nyama. Kadi Yoyakime uvua mumutandishe, muoshe too ne muvungu wa tshiseba.

Yirmeya 48:26

Bena Mowabe mbatombokele Maweja-Nangila. Nembanuishe maluvu bua bakuatshike, baluke, badishinde mu bilushi, bantu bonsu kubaseka.

Yirmeya 50:24

Wewe ditunga dia Babilone, mvua mukulongoluele buteyi! Buteyi kukukuata, kuyi nansha mua kudimuka! Bavua bakasangana mukuata mu buteyi! Bualu uvua unduisha meme Maweja-Nangila,”

Danyele 5:20

Kadi tatuebe kuditambisha, kuwula tente ne kapetu. Nanku bakamumbusha mu nkuasa wende wa bukalenga, kumunyenga ne lumu luvuaye nalu.

Danyele 5:23

Wakupetula Mvidi Mukulu wa mu diulu, pauvua muele diyi bua bakutuadile makopu a tshijila a mu nzubu wa Mvidi Mukulu. Nuakunuinamu maluvu, wewe, bantu banene ba mu bukalenga buebe, bakaji bebe ba biuma, ne baudi mubanjije. Kabidi udi mutumbishe mvidie idibu bafula ne tshiamu tshitoke tshia mushinga mukole, tshia mpawungi, tshiamu tshikunze ne tshifiike, ne mvidie idibu basonga ne mabaya, kabidi ne mabue. Ke mvidie idi kayiyi imona, kayiyi yumvua, kayiyi mimanye tshintu. Uvua mubenge kutumbisha Mvidi Mukulu, udi mukulame, mumanye malu ebe onsu.

Lewitiki 26:23

“Panudi nuntombokela anu kuntombokela, manyoka aa kaayi anufikisha ku didilengeja,

Malaki 3:13

Maweja-Nangila udi wamba ne: “Nudi nunjana, pashishe nudi nukonka ne: ‘Tudi tukujana, tukuamba bishi?’

Bienzedi 12:1

Tshikondu atshi mukalenga Erode kutuadija kukengesha bamue ba mu Tshisumbu tshia bena ditaba.

Bienzedi 12:23

Diakamue mutumibue wa Mvidi Mukulu kusamisha Erode, bualu uvua udikebela lumu luvua Mvidi Mukulu ne bua kupeta. Kubuelaye bikusu, kufua.

Bienzedi 9:5

Shawule kuebeja ne: — Mukalenga, wewe udi nganyi? Ke diyi kuandamuna ne: — Ndi Yezu uudi ukengesha.

1 Samuele 6:6

Kanuenji tshitunu bu muvuabu benza kudi mukalenga wa bena Ejipitu ne bantu bende. Nuvuluke muvua Mvidi Mukulu ewu mukengeshe bena Ejipitu, too ne muavubu kuanyisha bua bena Izrayele bapatuke ku bupika.