Yobe 14:12 - MUKANDA WA MYIDI MUKULU

¹² Kadi muntu udi mufue, kakubika to. Kakujuka ku tulu tuende tua ndekelu to. Neatabale amu diba didi diulu dibutuka, dijimina.

Mukanda wa Nzambi Dihungila Dikulukulu ne Dihungila Dihia-dihia 2003

¹² nunku muntu udi ulala hanshi kena ubika kabidi; tô ne hajimina diulu kabena batabala, kabena ba bahisha ku tulu tuabo.

Yobe 14:12 교차 참조

Yobe 3:13

Bu meme mufue kuonsu aku, mvua mua kuikala mu lukita talalaa, muikishe mu bupole.

Yobe 30:23

Ndi mumanye ne ukadi untuma ku bafue, muaba udi bonsu batshidi ne muoyi ne bua kusangila.

Yobe 7:21

Kuena mua kulengulula tshilema tshianyi, kungumvuila luse bua tshinyi? Nkadi mikolu ku tshiina, mulale mu lupuishi, neunkebe, tshiakuikalapu to.

Yobe 7:9

Amu bu mudi divuba divingutuka, dijimina, ke mudi bantu bafua, baya kabayi mua kupingana panu kabidi.

Misambu 102:26

Wakafuka buloba kale, diulu didi mudimu wa bianza biebe.

Misambu 90:5

Udi ushipa muoyi wa muntu, upita bu tshilota tshia mu dinda, bu tshisosa tshidi tshitoloka,

Muambi 11:8

Muntu udi ne bua kusanka bua tshidimu tshionsu tshidiye ne muoyi, nansha yeye mushale panu bidimu bi-vule. Kadi tuvulukayi se: matuku a miidima neikale a bungi. Kadi bionsu biavua kuenzeka bidi amu tshianana.

Muambi 12:5

Wewe neutshine mua kubanda pa kakuna. Newende utetuka, mufuane kudishinda panshi. Nsuki yebe neitoke. Neufuane mutshi udi ne bilongu bitoke. Uvua utupika bu mpasu, mpindiewu ukadi ukalaba panshi. Kuakumvua kabidi nzala, nansha wewe muele ndungu mivule mu biakudia! Dituku dikuabu nebaye kukujika ku nzubu webe wa kashidi. Badidi ba miadi ya madilu benda badila mu misesu, bualu badi bindila diba adi.

Yeshaya 26:19

Tshisamba tshianyi, bafue bebe nebabike ku lufu, — nenku bitalu bia bantu banyi nebipete muoyi. — Badi balale mu buloba, nebajuuke, beela tunkunduluila. Bualu Maweja-Nangila, neakutumine lumuma ludi lupetesha muoyi. Nanku buloba nebupatule ne muoyi bafue bavua amu bu mundidimbi.

Yeshaya 51:6

Tangila mulu, mu diulu! Tangila panshi, pa buloba! Diulu nedijimine bu muinshi. Buloba nebusunsuke bu tshilamba. Bantu nebafue bu njiji. Kadi lupandu lundi ntuadila bantu, nelushale kashidi tshiendelele. Bumfumu buanyi kabuakuikala ne ndekelu.

Yeshaya 65:17

Bualu nemfuke diulu dipiadipia, ne buloba bupiabupia. Kabakuvuluka kabidi diulu dikulukulu ne buloba bukulukulu. Kabakubielela kabidi meji to.

Yeshaya 66:22

Maweja-Nangila udi wamba ne: ndelanganyi yebe ne dina diebe nebishale kashidi kumpala kuanyi, amu mudi diulu dipiadipia ne buloba bupiabupia bindi mfuka bua kashidi.

Danyele 12:2

Bantu ba bungi badi mu kandondu nebabike ku lufu, bamue bua kuikalabu ne muoyi wa tshiendelele, bakuabu bua kuikala ne bundu, bashala ne bowa tshiendelele.

Matayi 24:35

Diulu ne buloba nebijimine. Kadi miaku yanyi kashidi kayena ijimina to.

Bienzedi 3:21

Mpindiewu Yezu udi ne bua kushala mu diulu, too ne ku tshikondu tshidi Mvidi Mukulu ne bua kuakajilula bionsu, bu muvuaye muambe kale kudi bambi bende ba tshijila.

Rome 8:20

Bualu bifukibua mbibuele ku bumfumu bua bidi kabiyi mua kubilengelela. Bifukibua kabivua binanga bua bienzeke nanku. Kadi Mvidi Mukulu mmubiteke nanku. Kadi ditekemena ditshidiku:

Efeze 5:14

Bualu bidibu basokolola patoke, bidi bienza butoke. Ke mudibu bamba ne: “Wewe udi mulale, tabala, juka ku bafue. Kristu neakuludike mu butoke buende.

2 Petro 3:7

Kadi diulu ne buloba bia lelu bitshidiku, bualu Mvidi Mukulu mmubilame ku muaku wende awu. Kadi dituku didiye ulumbuluisha bantu, nebibutuke mu kapia, pamue ne bena buenzavi.

Didimanyisha 20:11

Pashishe meme kumona nkuasa munene mutoke wa butumbi, ne uvua musombepu. Buloba ne diulu bivua bimunyema lubilu, bijimina kashidi.

Didimanyisha 21:1

Pashishe meme kumona diulu dipiadipia ne buloba bupiabupia. Diulu dia kumpala ne buloba bua kumpala bikavua bijimine. Mayi manene kaatshivuaku to.