Yobe 13:16 - MUKANDA WA MYIDI MUKULU

¹⁶ Bia nanku bidi bimpetesha lupandu. Bualu muena mpala ibidi, kena mua kusemena kudiye.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Kadi bualu ebu nebuikale luhandu luanyi ne, Muntu udi ubenga Nzambi kena ne bukitu bua kulua ku mpala kuandi.

Yobe 13:16 교차 참조

Yobe 13:17

Nanku, telejayi bimpe tshindi ngamba, nuteye matshi anu bua numvue miaku yanyi.

Yobe 23:7

Mvua mua kuyukidilangana nende bualu ndi muntu muakane. Yeye mukoshi wa nsambu uvua mua kumbingisha kashidi.

Yobe 34:21

Mvidi Mukulu udi ukenketa luendu lua bantu, bualu udi ukonkonona bionsu bidibu benza.

Yobe 36:13

Bantu badi babenga Mvidi Mukulu, badi bamufikisha munda, kabena bamusengelela nansha yeye mubanyoke.

Yobe 8:13

Ke bidi bienzekela bantu badi bapua Mvidi Mukulu muoyi. Bantu badi bamutombokela kabena mua kutekemena tshintu.

Misambu 118:14

Maweja-Nangila ke buanyi bukole, udi ungambuluisha.

Misambu 118:21

Maweja-Nangila, nenkutumbishe, bualu uvua mungitabe, mungambuluishe.

Misambu 27:1

Musambu wa mu mukanda wa misambu ya Davide. Maweja-Nangila udi bukole buanyi, kabidi mumpandishi wanyi, tshiena mua kuzakela muntu to. Maweja-Nangila udi undama, tshiena ntshina muntu.

Ekesode 15:2

Maweja-Nangila udi bukole buanyi. Anu yeye ke Musungidi wanyi. Udi Mvidi Mukulu wanyi. Ndi tumutumbisha. Udi Mvidi Mukulu wa tatu wanyi. Ndi mmanyisha bantu bunene buende.

Yeshaya 33:14

Mu Siyone, bena tshibawu badi bakuatshika bowa; badi kabayi bitaba Maweja-Nangila badi bazakala. “Nganyi wa kutudi washala pabuipi ne kapia aka kadi kabutulangana? Wa munkatshi muetu wasomba pamue, ne tshikutu tshitema kapia kashidi, udiku anyi?”

Yirmeya 3:23

Eyowa, bavua batudinga, tuetu kutendelela mvidie ya bantu ba bisamba bikuabu pa mikuna. Tuetu kuenza mitoyi ya patupu pa mikuna. Kadi, anu wewe Maweja-Nangila Mvidi Mukulu wetu, ke udi mua kutupandisha tuetu bena Izrayele.

Bienzedi 13:47

Bualu Mfumu mmutuleje bua kuenza nunku, pavuaye wamba ne: “Ndi mukuteke butoke bua bantu ba bisamba bikuabu, bua ufikishe lupandu ne ku ntengu ya buloba.”