Yobe 13:15 - MUKANDA WA MYIDI MUKULU

¹⁵ Nansha Mvidi Mukulu musue kunshipa, anshipe, tshindi mua kutekemena kabidi ntshinyi? Kadi ndi anu musue kudilumbuluila, kumpala kuende.

Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Monai, yeye neanshihe; tshiena ne ditekemena; kadi nennanukile kudijidila ku mesu kuandi bua bienzedi bianyi.

Yobe 13:15 교차 참조

Yobe 10:7

Kadi udi amu mumanye ne: tshiena muena tshibawu to. Kabidi ne kakuena muntu udi mua kunnyenga mu bianza biebe.

Yobe 13:18

Eyowa, ndi udilongolola bua kulumbulula. Kadi ndi mumanye ne: tshiena mua kupila to.

Yobe 13:3

Meme ndi musue kuyukila ne Mvidi Mukulu wa bukole buonsu. Ndi musue kudilumbuluila kumpala kuende.

Yobe 16:17

Tshivua muenze bualu bubi nansha bumue, mvua mutendelele amu bimpe, tshiyi ne mpala ibidi to.

Yobe 16:21

Akia, udi ungambuluisha akose nsambu yanyi, idi pankatshi panyi ne Mvidi Mukulu, bu mudibu bakosa nsambu pankatshi pa muntu ne mulunda wende.

Yobe 23:10

Kadi Mvidi Mukulu udi mumanye bimpe njila undi ndonda, kuntetaye. Meme kupatuka mu kapia anu bu tshiamu tshia mpawungi tshitoke zezeze.

Yobe 27:5

Tshiena musue kuitaba nansha kakese ne binudi nuamba bidi bia bulelela. Kashidi too ne ku lufu luanyi, nengambe amu kuamba ne tshiena ne bualu.

Yobe 40:2

Wewe udi musue kuelangana mpata pa malu adi Mvidi Mukulu wa bukole buonsu mulongolole anyi? Utshidi umuasa tshilumbu anyi? Neupuwe anyi, peshi utshidi ne bua kuandamuna ku bindi ngamba.

Yobe 40:8

Udi ubenga mundi nkosa nsambu anyi? Udi musue kumpisha bua wewe kubinga anyi?

Yobe 7:6

Matuku anyi a panu adi aya lubilu bu lua buatu bua mashinyi a mutedi wa bilamba. Adi enda ajika, tshiyi mua kutekemena tshintu.

Misambu 23:4

Nansha mpita mu lupongu lua miidima, tshiena mua kutshina bubi nansha bumue, bualu Maweja-Nangila udi wenda nanyi, undombola, unsungidila ku njiwu, ke bidi binsankisha

Nsumuinu 14:32

Malu mabi adi muntu mubi wenza adi amufila ku kabutu. Kadi muntu muakane udi utekemena kudi Mvidi Mukulu, nansha pakadiye pa kufua.

Yona 2:1

Maweja-Nangila kutuma mushipa munene. Kuminawu Yona. Kushalaye munda mua mushipa matuku asatu munya ne butuku.

Abakuke 3:18

Kadi nansha nanku, ndi nsanka, bualu Maweja-Nangila udi ungambuluisha, ndi nsanguluka, bualu udi unsungidila.

1 Yone 3:20

Nansha kondu ketu ka munda katupisha ne: tudi benze bibi, kadi tudi bamanye ne: Mvidi Mukulu mmupite kondu ketu ka munda, mmumanye kabidi bionsu.