Yobe 13:11 - MUKANDA WA MYIDI MUKULU

¹¹ Kanuena nutshina bukole bua Mvidi Mukulu anyi? Kanuena nuzakala bua butumbi buende anyi?

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Butumbi buandi kabuena bunutshinyisha, anyi? Buowa bua bualu buandi kabuena bunukuata, anyi?

Yobe 13:11 교차 참조

Yobe 13:12

Miaku yenu idi bu butu, katuena mua kukuata nayi mudimu kabidi to. Meji anudi nufila adi bitotshi.

Yobe 13:21

Anji kumusha tshianza tshiebe pambidi panyi, pashishe, lekela kunkuatshisha bowa.

Yobe 31:23

Bualu ndi ntshina Mvidi Mukulu udi mua kunyoka. Tshiena mua kuenza bidiye ubenga to.

Misambu 119:120

Mubidi wanyi udi uzakala bua kukunemeka, ndi ne bowa bua mapangadika ebe.

Ekesode 15:16

Bowa ne dipampakana kubakuata bonsu. Baluishi kumona bukole buebe. Kuimanabu bu mabue, kabayi banyunga. Bantu baudi musungule, mubenze bebe, kupita talalaa, kamuyi bualu.

Yeshaya 8:13

Manyayi amu ne: meme Maweja-Nangila muena bukole buonsu, ndi wa tshijila. Amu meme ke wakunemeka nkayanyi, amu meme ke unudi ne bua kuzakela.

Yirmeya 10:10

Kadi, Maweja-Nangila udi Mvidi Mukulu mulelela. Udi Mvidi Mukulu wa muoyi ne mukalenga wa kashidi. Padiye ne tshiji, buloba budi buzakala. Padiye mufike munda, bisamba bia bantu kabiena mua kumutuila nkanana.

Yirmeya 5:22

Maweja-Nangila udi ukonka ne: Kanuena nuvuluka bukole buanyi anyi? Kanuena nuntshina bua tshinyi? Meme ndi muteke lusenga bua luikale mukalu wa mayi manene. Ludi bu nkila muasa bua kashidi. Mayi kaena mua kusambuka nkila awu to. Adi atuuta ku nkila, kadi nkila kena ubumbuka to. Mavuala adi atuutaku ne tshiona tshikole, kadi kaena asambuka nkila to.

Matayi 10:28

Nenku kanutshinyi bantu badi bashipa mubidi, kadi kabayi mua kushipa muoyi. Nutshine nangananga Mvidi Mukulu, udi mua kujimija diakamue mubidi ne muoyi mu kandondu.