Yobe 12:4 - MUKANDA WA MYIDI MUKULU

⁴ Pandi ndomba kudi Mvidi Mukulu bua angandamune, tshidi tshingenzekela ntshinyi? Nkadi bu muntu udibu balembakaja kudi balunda bende, udibu bapetula, nansha meme tshiyi ne tshilumbu, tshiyi muenze bibi.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Nakulua bu muntu udibo basekaseka kudi muena mutumba nʼandi, meme mene nguakubikila Nzambi, ne yeye wakitaba kundi. Muntu muakane, muntu muakane tshishiki, wakulua tshintu tshia bantu kuseka!

Yobe 12:4 교차 참조

Yobe 11:3

Udi wela meji ne: biakulakula biebe bidi mua kutubuikidija mukana anyi? Tudi mua kuteleja miaku iudi utuseka nayi, utupepeja katuyi tuandamuna anyi?

Yobe 12:5

“Muena dikenga badi bamuseka bikole.” Ke meji a bantu badi kabayi ne lutulu. Muntu udi ukeba kudishinda, badi bamuela museba.

Yobe 13:18

Eyowa, ndi udilongolola bua kulumbulula. Kadi ndi mumanye ne: tshiena mua kupila to.

Yobe 16:10

Bantu badi bakula amu kuakula, bantandisha, bantuta mapi, bampenda, badi badikunguja bua kunduisha.

Yobe 16:20

Kadi meme ndi mutangile amu kudi Mvidi Mukulu, balunda banyi badi banseka, ndi ne binsonji mesu tente.

Yobe 17:2

Badi banyungulukila, badi anu banseka bampenda butuku bujima, tshiyi nansha mua kulala to.

Yobe 17:6

Meme ndi bu muntu udibu bela mate mu mpala, badi bansaka mu misambu, banseka.

Yobe 21:3

Nuanyishe, nuitabe mua meme kuakula munudi basue. Meme mumane kuakula, nudi anu mua kunseka.

Yobe 30:1

Pashishe bansongalume badi ne bidimu bidi kabiyi bu bianyi, badi bandembakaja mpindiewu. Batatuabu kale kabavua ne mushinga nansha. Tshivua mua kuanyisha bua bambuluishe mbua yanyi ivua ilama bimuna bianyi.

Yobe 30:9

Kadi mpindiewu bana bavuabu balela, badi basaka misambu bua kunseka. Badi bangela mu nsumuinu.

Yobe 34:7

Yobe mmuntu wa mushindu kaayi? Udi usendeka Mvidi Mukulu, anu bu mudi muntu unua mayi.

Yobe 6:29

Kanumpishi, tshiena ne bualu to.

Yobe 9:21

Bushuwa, tshiena muenze bualu bubi to. Kadi nansha meme mufue, bidi amu bimpe. Ya panu ikadi mintonde, bionsu bidi amu mushindu umue.

Misambu 35:16

Padibu bammona ntetuka, badi banseka, bansumakajila menu.

Misambu 91:15

Pambikilaye bua kumuambuluisha, nemmuambuluishe, mu dikenga nengikale pabuipi nende, nemmusungidile, nemmutumbishe.

Nsumuinu 14:2

Muntu udi wenda mu njila wa buakane, udi utshina Maweja-Nangila. Kadi udi wenda mu njila mikonyangale udi umupepeja.

Yirmeya 20:7

Maweja-Nangila wewe kuntekesha! Meme kuanyisha bua wewe kuntekesha! Wewe kunkuata, wewe kumpita bukole! Bantu badi banseka matuku onsu. Bonsu badi bampetula.

Yirmeya 33:3

Umbikile meme, nenkuandamune. Nenkujinguluile malu manene masokoka audi kuyi mumanye to.

Mika 7:7

Kadi meme ndi ntangila kudi Maweja-Nangila. Bu mundi ntekemena Mvidi Mukulu, neansungidile. Mvidi Mukulu wanyi neumvue dilomba dianyi.

Matayi 27:29

Pashishe kujingabu tshikata tshia mionji ya meba, kumuasa ku mutu. Kumupeshabu dilenga mu tshianza tshiende tshia balume. Bavua batua binu kumpala kuende, bamuseka ne: — Muoyi, mukalenga wa bena Yuda!

Matayi 9:24

Ke kubambilaye ne: — Patukayi, muana kena mufue to, mmulale. Bantu abu kumuseka.

Marke 5:40

Bantu kumuseka. Ke Yezu kubapatula buonsu. Kuangataye tatuende wa muana ne mamuende ne balongi bende basatu, kubuelabu mu tshibambalu tshivua muana.

Luke 16:14

Baparushe bavua bumvua miaku yonsu eyi. Kadi kusekabu Yezu, bualu bavua bananga makuta.

Bienzedi 17:32

Bumvua amu Polu wakula bua dibiika dia bafue, bamue bantu kumuseka. Kadi bakuabu kuamba ne: — Netuvue kukuteleja musangu mukuabu, bua upite kutuambila bualu ebu!

Ebrewu 11:36

Bavua baseka bakuabu, babakuma mikaba, bavua basuika bakuabu ne nkanu, babela mu nzubu wa lukanu.