Yobe 12:16 - MUKANDA WA MYIDI MUKULU

¹⁶ Amu yeye ke udi ne bukole, anu yeye ke udi utshimuna. Muntu udi upambuka, ne muntu udi upambuisha mukuabu, bonsu babidi mbantu bende yeye.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Kudi yeye kudi bukole ne meji makane; muhambuki ne muhambuishi badi mu bianza biandi.

Yobe 12:16 교차 참조

Yobe 12:13

Kadi udi ujingulula malu, udi lungenyi lutue, udi amu Mvidi Mukulu. Yeye udi kabidi ne bukole ne meji, bidiye ne bua kukumbaja.

Yobe 13:7

Nudi nuamba malu a dishima bua tshinyi? Nudi nuelangana meji ne ke bidi biambuluisha Mvidi Mukulu anyi?

Yobe 13:9

Kadi bu yeye mua kunuteta, nudi mua kubinga anyi? Nudi nushima Mvidi Mukulu bu munudi nushima muntu anyi?

Yobe 32:8

Kadi amu Mueyelu udi ufuma kudi Mvidi Mukulu wa bukole buonsu, utulukila muntu, ke udi umupesha lungenyi.

Nsumuinu 2:6

Maweja-Nangila ke udi upangana meji. Dimanya ne dijingulula dia malu bidi bifuma kudiye.

Yeshaya 31:2

Kadi Yeye mene ke udi mumanye tshia kuenza. Uvua mutumine bantu dikenga, bu muvuaye muambe. Uvua munyoke benji ba bibi bungi buabu, ne bonsu badi babambuluisha.

Yezekiyele 14:9

“Padi muambi utupakana, wandamuna nkayende, ke meme Maweja-Nangila udi muanyishe bua kuakulaye nanku. Kadi nemmuleje bukole buanyi, nemmumushe munkatshi mua bantu banyi bena Izrayele.

Danyele 2:20

wamba ne: “Tuelayi Mvidi Mukulu tuasakidila diba dionsu! Yeye udi ne meji ne bukole.

Matayi 6:13

Kutubueji mu ditetshibua, kadi utusungile kudi Muena bubi. [Bualu wewe ke udi ne bukalenga, bukole ne butumbi, kashidi tshiendelele. Amene.]”