Yobe 12:14 - MUKANDA WA MYIDI MUKULU

¹⁴ Tshidi Mvidi Mukulu mupule, kabena batshibakulule kabidi. Udiye wela mu lukanu, kabena mua kumupatulamu nansha!

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Yeye udi usasula ne kabena ba manye mua kuibaka kabidi; udi winshidila muntu mu nsubu wa lukanu ne kakuena disoso dia yeye kuhatukila.

Yobe 12:14 교차 참조

Genese 7:16

Nowa mumane kubuela, ne mulume umue kabidi ne mukaji umue wa ku nyama yonsu, bu muvua Mvidi Mukulu mumuambile, Maweja-Nangila kuinjila tshibi tshia buatu.

Yobe 11:10

Nanku, padi Mvidi Mukulu ufika kuebe, ukukuata bu muena tshibawu, uya nebe ku kabadi, udi mua kumutuila nkanana nnganyi?

Yobe 16:11

Mvidi Mukulu mmumfile kudi bansonga bena buenzayi, mmunteke mu bianza bia bantu babi kabayi ne mikenji.

Yobe 19:10

Udi mumbutule nseke yonsu, bu mudibu bashimbula tshimana. Mmumushe ditekemena dimvua nadi, bu mudibu batula mutshi ne miji yawu.

Yobe 37:7

Udi upumbisha bantu bua kuenza mudimu, bua bantu bonsu bakeme mudimu udiye yeye ukuata.

Muambi 7:13

Tutangile mudi Mvidi Mukulu muenze. Muntu nansha umue kena mua kululamija tshidi Mvidi Mukulu mukonyangaje.

Yeshaya 14:23

Nengenze Babilone bu mudi tshisense, muaba udibu basombe kudi nyunyi ya kasonga-mule. Nembutule bionsu. Meme Maweja-Nangila, ndi njadika nanku.”

Yeshaya 22:22

Nenteke pa dikaya diende, nsapi wa bukalenga bua Davide. Padiye unzulula tshiibi, kakuena muntu udi utshinjila. Padiye utshinjila, kakuena muntu udi utshiunzulula.

Yeshaya 25:2

Wewe uvua mudishimbuile tshimenga, tshishale dikolu, uvua mubutule tshimenga, tshivuabu bakoleshe ne bimana, tshishale munda mutupu kamuyi bantu. Muaba uvua bena ditambisha bakoleshe ne bimana, kautshiena kabidi tshimenga to. Kabena mua kuwibakulula kabidi nansha.

Yirmeya 51:58

Udi wamba kabidi ne: “Bimana bialabale bia mu tshimenga tshia Babilone nebabitonkole panshi. Biibi biende bile nebabioshe! Bantu badi bakuata mudimu patupu, bualu bidi bisamba bienza nebibutuke mu kapia!”

Yirmeya 51:64

wamba ne: “Ke mudi Babilone ne bua kudina mu mayi, kayi mua kupanda ku makenga adi Maweja-Nangila umutumina.” Ke miaku ya ndekelu ya muambi Yirmeya.

Yezekiyele 26:14

Nenkushiye anu lubuebue lutupu, muaba udi balobi ba minyinyi ya mu mayi banyikila makondu abu. Kabakuibaka kabidi tshimenga to. Meme Maweja-Nangila Mvidi Mukulu ndi njadika nanku.

Malaki 1:4

Pikala bena Edome bamba ne: “Mbatubunde, kadi netuibake tshiakabidi bimenga bietu bidibu banyangakaje.” Meme Maweja-Nangila wa bukole buonsu ndi ngamba ne: “Nansha bibake tshiakabidi bimenga abi, kadi meme ne-mbiupule.” Nebinyike ditunga diabu ne: “Ditunga dia malu mabi.” Badi basombamu nebabinyike ne: “Bantu badi Maweja-Nangila ulekela tshiji.”

Rome 11:32

Bualu Mvidi Mukulu uvua mubueje bantu bonsu mu buntomboji, bua amone mua kubafuila bonsu luse.

Didimanyisha 3:7

— Fundila mutumibue wa Tshisumbu tshia bena ditaba ba mu Filadelfiya ne: “Wa Tshijila ne wa diyi dimue, udi mulame nsapi ya mukalenga Davide, ukangula tshiibi, munga muntu kayi mua kukanga; utshikanga, munga muntu kayi mua kutshikangula, udi wamba ne:

1 Samuele 17:46

Lelu ewu, Maweja-Nangila neakufile mu bianza bianyi. Nenkushipe, nkukosa mutu. Lelu ewu, nendishe nyunyi ne nyama ya mu tshisuku bitalu bia bena Peleshete. Nanku bisamba bionsu nebijadike ne: bena Izrayele badi ne Mvidi Mukulu.

1 Samuele 24:18

Pashishe kuambaye ne: — Wewe Davide udi mubinge, meme ndi mupile. Wewe Davide udi mungenzele bimpe. Meme ndi mukuenzele bibi.

1 Samuele 26:8

Abishayi kuambila Davide ne: — Butuku ebu, Mvidi Mukulu mmufile Shawule, muluishi webe mu bianza biebe. Itaba, meme nenye kumutua difuma diende, dipatuka ditua ne mu buloba. Ndi mmutua difuma anu musangu umue. Tshiakumutua musangu muibidi to.