Yobe 11:12 - MUKANDA WA MYIDI MUKULU

¹² Kadi muntu wa tshidingidingi neapete lungenyi, anu dituku didi nyama wa mpunde wa muitu, uvua mpunde wa pambelu.

Mukanda wa Nzambi Dihungila Dikulukulu ne Dihungila Dihia-dihia 2003

¹² Kadi muntu udi kayi ne meji neahete lungenyi, anu biamanya muana wa nyama wa mpunda wa mu mpata mua kuledibua bu muntu.

Yobe 11:12 교차 참조

Yobe 15:14

Muntu udi udiamba ne tshiena ne mikiya anyi? Udi mua kuamba ne tshiena ne bualu nnganyi?

Yobe 28:28

Pashishe uvua wambila bantu ne: “Meji nkunemeka Maweja-Nangila. Lungenyi nkumuka ku malu mabi.”

Yobe 5:13

Udi ukuata bena meji mu budimu buabu. Ngenyi yabu kayena ibapetesha kantu.

Yobe 6:5

Padi bisosa lutenda, nyama ya mpunde mu mpata idi mua kudila anyi? Nyama ya ngombe idi mua kuasa muadi padiyi ne bisosa bivule anyi?

Misambu 144:4

Muntu udi amu bu lupepela, matuku ende a panu adi bu mundidimbi udi ujimina.

Misambu 39:11

Ukadi muntuute, mbikumbane. Mituutu yebe idi mipite.

Misambu 39:5

Maweja-Nangila, nemfue diba kaayi? Nenshale kabidi ne muoyi matuku bungi munyi? Ungandamune bua mmanye matuku autshidi muntapile.

Misambu 51:5

Ndi mumanye mundi mukutombokele. Ndi muvuluke bubi buanyi diba dionsu.

Misambu 73:22

tshivua kabidi ne lungenyi to. Mvua mutatakane bu nyama, tshiyi mua kukumvua.

Misambu 92:6

Maweja-Nangila malu audi muenze adi manene, meji ebe adi male.

Muambi 1:2

Muambi udi wamba ne: malu onsu adi tshianana menemene. Malu onsu adi apita patupu. Kaena ne mushinga.

Muambi 11:10

Umbusha mu muoyi webe malu onsu adi akubungamija, kabidi mu mubidi webe bionsu bidi bikusankisha. Bualu bunsonga ne bukole bidi bijimina lukasa.

Muambi 3:18

Ndi ngela meji ne: Mvidi Mukulu mmusue kuteta bantu bua kubaleja ne: kanuena nupita nyama ku mushinga to.

Yirmeya 2:24

Udi bu nyama wa mpunde mukaji, udi muibidile mu tshisuku, mumanye njila yonsu ya mu tshipela. Nyama awu udi ununkila lupepele ne lukuka lukole. Kakuena tshidi mua kumukandika bua kuyaye kudi nyama mikuabu. Nyama ya mpunde milume idi ikeba mukaji awu, imupeta lukasa misangu yonsu idiye mumvue muoyi wa kuya kudi mulume.

Rome 1:22

Badi baditemba ne: tudi bena meji, kadi badi bantu bapale.

Rome 12:16

Umvuanganayi munkatshi muenu. Kanuditambishi to. Kadi nuanyishe midimu mishadile yonsu. Kanudiangatshi bu bena meji.

Efeze 2:3

Bonsu buetu tuvua benze anu bu bobu. Tuvua tulonda amu majinga etu mabi. Tuvua tukumbaja amu bivua mubidi wetu, ne meji etu, bijinga. Nanku tuvua amu ne bua kupeta dinyoka kudi Mvidi Mukulu, bu bantu bakuabu bonsu.

Yakobe 2:20

Kadi wewe udi muntu mubule lungenyi! Udi musue bua nkujadikile ne: ditaba, didi kadiyi didileja mu bitudi tuenza, didi tshianana anyi?