Yobe 10:21 - MUKANDA WA MYIDI MUKULU

²¹ Nkadi makasa matangila mu ditunga dia bafue, dia miidima, tshiena mua kupingana panu to.

Mukanda wa Nzambi Dihungila Dikulukulu ne Dihungila Dihia-dihia 2003

²¹ diambedi tshiyi muanji kuya kundi tshiyi mua kuhingana kabidi, ku buloba bua mîdima ne bua mundidimbi wa lufu.

Yobe 10:21 교차 참조

2 Samuele 12:23

Kadi mpindiewu, muana mmumane kufua, nenjile kabidi biakudia bua tshinyi? Kashidi meme tshiena mua kubisha muana ku lufu to! Meme nennye muaba udi muana, kadi muana kena upingana kundi meme to.

2 Samuele 14:14

Tuetu bonsu tudi ne bua kufua. Diba adi tudi anu bu mayi adibu bitshikija panshi, kabayi mua kuaboya kabidi to. Kadi mpindiewu, Mvidi Mukulu kena musue kuenzela Absalome nanku to. Mvidi Mukulu mmumane kulongolola bua Absalome uvuabu bipate apingane pabuipi nende.

Yobe 10:22

Mu ditunga adi mudi amu miidima ne tshimvundu, nansha munya kabidi mmufuanangane ne butuku.

Yobe 16:22

Eyowa, angambuluishe, bualu matuku anyi mmabale ku minu. Ndi nya mu njila udibu kabayi batua bapingana.

Yobe 17:13

Ndi mua kutekemena kabidi tshinyi? — Nembuele mu dijimba dia bafue, bua meme kulala mu miidima.

Yobe 3:13

Bu meme mufue kuonsu aku, mvua mua kuikala mu lukita talalaa, muikishe mu bupole.

Yobe 3:5

Miidima mikole idikuate! Divuba difike didibuikile! Ngondu ajimije nsese ya diba, akuatshishe bantu bowa.

Yobe 34:22

Miidima nansha yoyi mikole bishi, kayena mua kusokoka benji ba malu mabi, bua Mvidi Mukulu kabamanyi.

Yobe 38:17

Bakadi bakuleja tshiibi tshia mu kandondu ka bafue, muaba udi miidima kashidi anyi?

Misambu 23:4

Nansha mpita mu lupongu lua miidima, tshiena mua kutshina bubi nansha bumue, bualu Maweja-Nangila udi wenda nanyi, undombola, unsungidila ku njiwu, ke bidi binsankisha

Misambu 39:13

Maweja-Nangila, teleja mundi nkutendelela, teya matshi ku lubila luanyi. Pandi ndila muadi, ungambuluishe. Bu muvua bankambua banyi bonsu, ndi amu muenyi kumpala kuebe, tshiyi ne diyi dia kuamba.

Misambu 49:20

kadi neafue, neaye kumonangana ne bankambua bende, badi bashala mu miidima kashidi.

Misambu 88:13

Badi mua kumanya malu ebe a kukema mu miidima mikole anyi? Mu ditunga didi bantu bikale ne tshipua muoyi, badi mua kumanya buakane buebe anyi?

Misambu 88:6

Ndi musombe munkatshi mua bafue, bu mudi bitalu biladika mu lukita. Kuena ubavuluka kabidi, kuena ubenzela bualu nansha bumue.

Muambi 11:8

Muntu udi ne bua kusanka bua tshidimu tshionsu tshidiye ne muoyi, nansha yeye mushale panu bidimu bi-vule. Kadi tuvulukayi se: matuku a miidima neikale a bungi. Kadi bionsu biavua kuenzeka bidi amu tshianana.

Muambi 9:10

Ukuate mudimu, usanke ne bionsu biudi mua kupeta. Bualu ku bajangi kuwaya kabena benzaku mudimu, kabena belanganaku meji, kabena bamanya malu, kabena bela meji mene to.

Yeshaya 38:11

Meme kuamba kabidi ne: tshiakumona kabidi Maweja-Nangila pa buloba bua ba-muoyi; tshitshiena mua kutangila mpala nansha umue wa muntu udi muase panu.

Yirmeya 2:6

Kabavua nanyi bualu, kabavua bebejangana ne: ‘Maweja-Nangila udi penyi? Yeye ke uvua mutupatule mu Ejipitu, mutupitshishe mu tshipela, muaba muume uvua ne mbuwa, muaba kauyi mayi, udi ukuatshisha bantu bowa, muaba udi muntu kayi upitshila, kayi wasa nzubu.’