Yirmeya 9:17 - MUKANDA WA MYIDI MUKULU

¹⁷ Bakaji abu bafike lukasa, bua kubielela miyenga, bua tuetu kudila muadi bikole, bua bilavinyi bietu kubolabi ne binsonji!

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Yehowa wa misumba udi wamba ne, Elanganai meji, bikilai bakashi, bena kasala, balue; bikilai bakashi badi mua kuimba bimpe, balue biabo,

Yirmeya 9:17 교차 참조

2 Kulondolola 35:25

Muambi Yirmeya kuenza kasala ka madilu a lulu lua Yoshiya. Biangatshile musangu awu, too ne ku lelu, bimbi ba misambu, balume ne bakaji, bonsu badi bimba, batela dina dia Yoshiya mu miadi yabu. Bikadi bishale tshibidilu mu Izrayele. Badi bafunde Miaku ya Misambu eyi mu mukanda wa Miadi.

Yobe 3:8

Bena majimbu bonsu, badi bamanya mua kutshipa matuku, ne badi ne bukole bua kutabuluja nyoka wa tshidika, batshipe butuku abu.

Muambi 12:5

Wewe neutshine mua kubanda pa kakuna. Newende utetuka, mufuane kudishinda panshi. Nsuki yebe neitoke. Neufuane mutshi udi ne bilongu bitoke. Uvua utupika bu mpasu, mpindiewu ukadi ukalaba panshi. Kuakumvua kabidi nzala, nansha wewe muele ndungu mivule mu biakudia! Dituku dikuabu nebaye kukujika ku nzubu webe wa kashidi. Badidi ba miadi ya madilu benda badila mu misesu, bualu badi bindila diba adi.

Yirmeya 7:29

Maweja-Nangila kuamba ne: Nuenu bena Yuda, beyayi nsuki yenu mile, idi ileja munudi bantu ba tshijila, nuyimanshe. Asayi miadi pa mikuna idi kayiyi ne tshintu. Bualu nuenu bena tshikondu etshi, nudi bamfikishe munda. Ndi munubenge. Tshiena nenu kabidi ne bualu to.

Muadi 2:5

Maweja-Nangila mmudienze muluishi wetu. Kupulaye nzubu mimpe yonsu ya mu Izrayele. Kushimbulaye bimenga bivuabu bakoleshe ne bimana. Kutampakajaye dibungama ne mikemu miaba yonsu mu tshisamba tshia bena Yuda.

Yezekiyele 27:2

— Muntu, dila muadi bualu bua tshimenga tshia Tire,

Yezekiyele 32:16

Bakaji ba mu bisamba bionsu nebele kasala ka madilu, badila Ejipitu ne bantu bende bafuile. Meme Maweja-Nangila ndi njadika nanku.

Amosa 5:1

Bena Izrayele, telejayi kasala ka madilu kandi nnuela:

Mika 2:4

Tshikondu atshi, nebimbe musambu, nebanuelele kasala ka muadi ne; “Eyi! Mbatubutule bonsu. Mbanyenge tshisamba tshietu maloba atshi. Badi batuipata mu madimi etu, badi baabanyangana. Mbatunyenge bintu bietu bua tshinyi?”

Matayi 9:23

Yezu kufika ku nzubu kua mfumu wa bena Yuda. Kumonaye bimbi ba bisanji bamane kudilongolola bua kujika muntu uvua mufue. Kumonaye kabidi bantu ba bungi bateka mutoyi.

Marke 5:38

Kufikabu kua mfumu wa nzubu wa kutendelela wa bena Yuda. Yezu kusangana bantu ne tshimvundu tshikole, badila bela mbila mikole.