Yirmeya 9:16 - MUKANDA WA MYIDI MUKULU

¹⁶ Ke mudi Mvidi Mukulu wa bukole buonsu wamba nanku. Elayi meji ku malu adi enzeka lelu. Nubikile bakaji badi badila. Nutume bantu baye kukeba bakaji badi bamanye mua kudila mu madilu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Nembatangadishe munkatshi mua bisamba bia bantu bidibo ne batatuʼabo kabayi banze kumanya. Nentume muele wa nvita ku nyima kuabo tô ne hanamana kushiha buonso buabo.

Yirmeya 9:16 교차 참조

Yezekiyele 5:12

Tshia bisatu tshia bantu ba kunudi netshifue ku disama dia tshiambu, nansha ku tshiyole tshia nzala, munda mua tshimenga. Tshia bisatu tshikuabu netshifue ku muele wa mvita, ku mpenga kua tshimenga. Tshia bisatu tshia ndekelu nentshitangalaje ku nseke inayi ya buloba, ntshilondakaja ne muele wa mvita.

Yezekiyele 5:2

Padi matuku a kuluisha tshimenga ajika, oshile nsuki ya mu tshisumbu tshimue mu kapia, munkatshi mua tshimenga. Wangate ya mu tshisumbu tshibidi, uyikose ne muele webe awu, uyimiamine miaba yonsu ku mpenga kua tshimenga. Tshisumbu tshia ndekelu, umuangalaje nsuki yatshi mulu mu lupepele. Meme Maweja-Nangila nenyipate ne muele wanyi.

Dielulula 28:64

Pashishe neanumuangalaje miaba yonsu, munkatshi mua bisamba bia bende bidi pa buloba bujima. Neatendelele mpingu ya mvidie ya mabue, ne ya mitshi misonga, inudi kanuyi banji kumanya ku bankambua benu too ne mpindiewu.

Lewitiki 26:33

Nennuluishe, nnutangalaje mu matunga makuabu. Ditunga dienu nedishale tshipela, bimenga bienu bionsu nebibutuke.

Yirmeya 44:27

Nennutumine dikenga. Tshiena nnutumina kabidi disanka to. Bena Yuda badi basombe kabidi mu Ejipitu nebafue bonsu, too ne wa ndekelu, ku mvita nansha ku tshiyole tshia nzala.

Yirmeya 13:24

Ndi nnutangalaja mudi lupepele lutangalaja bisosa mu tshipela,

Yakobe 1:1

Meme Yakobe, muena mudimu wa Mvidi Mukulu ne wa Mfumu Yezu Kristu, ndi ngela bantu bonsu ba Mvidi Mukulu badi batangalake pa buloba bujima mioyi.

Zekâya 7:14

Meme kubatangalaja mu bisamba bia mishindu yonsu, biwabu kabayi bamanye. Ditunga divuabu bumuke, divua dishale munda mutupu. Muntu nansha umue kawa utambakenamu kabidi to. Ditunga diabu divua dimpe bua kusomba, bobu kudiandamuna tshipela.”

Yezekiyele 20:23

Kadi mu tshipela mvua muditshipe ne: nennumuangalaje munkatshi mua bisamba bikuabu mu matunga a bende.

Yezekiyele 14:17

Misangu mikuabu, ndi mua kutumina bantu aba mvita. Ndi mua kutuma bena mvita bua kunyanga ditunga, kushipa bantu ne nyama.

Yezekiyele 12:15

Pandi mumane kubamuangalaja mu bisamba ne mu matunga bia bende, nebamanye ne: meme ndi Maweja-Nangila.

Yezekiyele 11:17

Ubambile ne: meme Maweja-Nangila Mvidi Mukulu, ndi mbalaya ne: “Nennusangishile ku bisamba ne ku matunga kumvua munutume. Nennupingajile ditunga dia Izrayele.

Yirmeya 29:17

Ke malu adi Maweja-Nangila wa bukole buonsu unumanyisha bualu buabu ne: Ndi mbatumina mvita, tshiyole tshia nzala, ne disama dia tshiambu. Nebikale bu bimuma bibole bia mutshi wa mfiku, bidibu kabayi mua kudia.

Yirmeya 25:27

Maweja-Nangila kuntuma bua kubambila ne: “Maweja-Nangila wa bukole buonsu Mvidi Mukulu wa Izrayele udi wamba ne: Nunue, mikuatshike, nuluke, too ne munuadishinda panshi, kanuyi mua kujuka kabidi. Bualu nenumone mundi nshipa bantu munkatshi muenu.”

Yirmeya 24:10

Nembatumine mvita, tshiyole tshia nzala, ne disama dia tshiambu, bua bajimine pa buloba bumvua mubapeshe bobu ne bankambua babu.

Misambu 106:27

bua kutangalaja ndelanganyi yabu miaba yonsu, ne kufuilayi mu bisamba bia benyi.

Nehemya 1:8

Uvuluke meyi ebe avua Moshe mutuambile ne: “Nuenu kanuyi bangitabe ne muoyi umue, nennutangalaje munkatshi mua bisamba bikuabu.

Dielulula 32:26

“Mvua musue kubutula bena Izrayele bonsu, kabayi mua kubatela kabidi pa buloba.

Dielulula 28:36

Pashishe Maweja-Nangila neanukuatshishe mu bupika ne mukalenga unuikala nende. Neanufikishe mu ditunga divua bankambua benu kabayi bamanye, nansha nuenu kabidi. Mu ditunga adi nentendelele mvidie idi anu mpingu ya mitshi misonga, nansha ya mabue.

Dielulula 28:25

Maweja-Nangila neambuluishe baluishi benu bua banutshimune. Panuikala bayile njila umue bua kubaluisha, nenubanyeme, nupingane mu njila muanda mutekete mishilangane. Bakalenga bonsu ba pa buloba nebatshine, pamonabu bionsu bidi binuenzekela.

Dielulula 4:27

Maweja-Nangila neanutangalaje munkatshi mua bisamba bikuabu. Kadi mu matunga ikalaye munutume awu, nenuikale anu bakese.

Yirmeya 8:19

Telejayi, bantu banyi bena Izrayele, badi badila muadi mu ditunga dionsu, bakeba udi mua kubambuluisha, bamba ne: “Maweja-Nangila kena kabidi mu Siyone anyi? Siyone kena kabidi ne mukalenga anyi?” Kadi bena Izrayele neatendelele mvidie ya bantu ba bisamba bikuabu, ya mitshi misonga, idi kayiyi mua kubambuluisha bua tshinyi? Bavua bamfikisha munda bua tshinyi?

Muambi 12:5

Wewe neutshine mua kubanda pa kakuna. Newende utetuka, mufuane kudishinda panshi. Nsuki yebe neitoke. Neufuane mutshi udi ne bilongu bitoke. Uvua utupika bu mpasu, mpindiewu ukadi ukalaba panshi. Kuakumvua kabidi nzala, nansha wewe muele ndungu mivule mu biakudia! Dituku dikuabu nebaye kukujika ku nzubu webe wa kashidi. Badidi ba miadi ya madilu benda badila mu misesu, bualu badi bindila diba adi.

Yirmeya 7:29

Maweja-Nangila kuamba ne: Nuenu bena Yuda, beyayi nsuki yenu mile, idi ileja munudi bantu ba tshijila, nuyimanshe. Asayi miadi pa mikuna idi kayiyi ne tshintu. Bualu nuenu bena tshikondu etshi, nudi bamfikishe munda. Ndi munubenge. Tshiena nenu kabidi ne bualu to.

Yezekiyele 27:2

— Muntu, dila muadi bualu bua tshimenga tshia Tire,

Amosa 5:16

Maweja-Nangila, Mvidi Mukulu wa bukole buonsu, udi wamba ne: “Miaba yonsu idi bantu batuilangana, nebadile muadi. Mu misesu yonsu nebele mbila ne: ‘Akia! Dikenga bunenedi! Dikenga kaayi edi!’ Nebabikile babidime badi mu misoku, bua bafike mu tshimenga bua kudila mu madilu, bualu bakaji badi ne bua kutendamu muadi, kabena bungi bukumbane.

Mika 2:4

Tshikondu atshi, nebimbe musambu, nebanuelele kasala ka muadi ne; “Eyi! Mbatubutule bonsu. Mbanyenge tshisamba tshietu maloba atshi. Badi batuipata mu madimi etu, badi baabanyangana. Mbatunyenge bintu bietu bua tshinyi?”