Yirmeya 9:10 - MUKANDA WA MYIDI MUKULU

¹⁰ Maweja-Nangila udi wamba ne: “Nengandamune Yerushalayime ashale dikolu, muaba udi nyama ya mibuabua isomba. Bimenga bia bena Yuda nebishale tshipela, kabiyi ne bantu to.”

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Nengashile mikuna muadi, nempatule binsonshi, nengashile miaba ya mu tshihela idi ne mashinde muadi mukole, bualu bua bakayosha, nunku kakuena muntu wahitshilaku; bantu kabena mua kunvua miadi ya ngombe kabidi; nyunyu ya mulu ne nyama ya mu tshisuku yakanyema, yakaya.

Yirmeya 9:10 교차 참조

Yeshaya 41:15

Ndi nkuenza, bu tshiamu tshipiatshipia tshitue tshia kubundulula natshi buloba. Wewe neubundulule natshi mikuna minene, uyilandakaje. Neuboze natshi mikuna mikese, mudibu baboza bisosa.

Yeshaya 49:19

Bushuwa bavua banyanga ditunga diebe, badishiya kamuyi bantu. Kadi mpindiewu kadiakuikala bunene bukumbana, bua bungi bua bantu badi bavua kusombamu. Diba adi bavua bakubutula, nebende basemena kule.

Yirmeya 12:10

Benyi, balami ba mikoku ba bungi, mbafike ne nyama yabu. Nyama kunyanga budimi buanyi bua mvinyo, kudiatakaja lupangu luanyi. Lupangu luanyi luvua luimpe lutambe, kadi nyama kulushiya tshipela tshikuatshisha bantu bowa.

Yirmeya 12:11

Lupangu luanyi lukadi bu lububa. Bavua banyanga bionsu, ki mbashiya tshintu nansha tshimue! Utshidi nalu ne bualu nnganyi?

Yirmeya 12:4

Ditunga nedikale mu dikenga, bia mu madimi nebiume too ne ku diba kaayi? Nyama ne nyunyi ya mu ditunga idi ifua bua tshilema tshidi bantu benza. Bualu badi bamba ne: “Maweja-Nangila kena umona bitudi tuenza to.”

Yirmeya 14:6

Nyama ya mpunde idi imana pa mikuna idi kayiyi ne bisosa. Idi yeyakana bikole mudi nyama ya mibuabua yenza. Idi ikeba bisosa ipanga. Bualu kakuena kabidi kantu to.

Yirmeya 2:15

Bena bisamba abi badi bakungula bu nyama ya lonji, badi baluisha bena Izrayele, badi babakanyina. mBanyangakaje ditunga dia bena Izrayele bikole, bikuate bowa. Mbuoshe bimenga bia bena Izrayele. Bantu kabena basamu kabidi to.

Yirmeya 2:6

Kabavua nanyi bualu, kabavua bebejangana ne: ‘Maweja-Nangila udi penyi? Yeye ke uvua mutupatule mu Ejipitu, mutupitshishe mu tshipela, muaba muume uvua ne mbuwa, muaba kauyi mayi, udi ukuatshisha bantu bowa, muaba udi muntu kayi upitshila, kayi wasa nzubu.’

Yirmeya 23:10

“Ditunga ndiuwule tente ne bantu bena tshiendenda. Badi benza bibi ne disanka dionsu. Badi ne muoyi mukole anu bua kuenza malu mabi. Ke padi buloba mu madilu. Ke padi bisosa bionsu bia kudisha nabi nyama biume mu ditunga.

Yirmeya 50:3

Tshisamba tshidi tshiluisha Babilone, netshifumine ku mutu wa ditunga. Netshinyange ditunga, dishale tshipela tshidi tshikuatshisha bantu bowa. Muntu nansha umue kakusombamu. Bantu ne nyama bionsu nebinyeme.

Yirmeya 7:29

Maweja-Nangila kuamba ne: Nuenu bena Yuda, beyayi nsuki yenu mile, idi ileja munudi bantu ba tshijila, nuyimanshe. Asayi miadi pa mikuna idi kayiyi ne tshintu. Bualu nuenu bena tshikondu etshi, nudi bamfikishe munda. Ndi munubenge. Tshiena nenu kabidi ne bualu to.

Yirmeya 8:18

Ndi ne kanyinganyinga kakole. Kakuena mushindu wa kujikija kanyinganyinga kanyi to.

Muadi 1:16

Ndi ndila bua makenga aa, mpuekesha binsonji bianyi tshiyi ndekela. Udi mua kunsamba, kunkankamika udi kule. Bana banyi badi mu dikenga, bualu muluishi mmumpite bukole.

Muadi 2:11

Mesu anyi mmakunze ne muadi. Kanyinganyinga kadi kantonda. Tshiena ne ditekemena kabidi, bualu tshisamba tshianyi ntshibutuke. Bana ba mu maboku badi bafua ne nyota mu misesu ya mu tshimenga.

Muadi 5:18

bualu mukuna wa Siyone mmukudimuke tshipela, mmuandamuke tshisombelu tshia nyama ya mibuabua.

Yezekiyele 14:15

Misangu mikuabu, ndi mua kutumina bantomboji abu nyama ya lonji. Nanku ditunga diabu nedishale tshipela, bualu nyama ayi neyishipe bena ditunga bonsu. Bantu bakuabu kabakuendamu to, bualu nebatshine nyama.

Yezekiyele 27:2

— Muntu, dila muadi bualu bua tshimenga tshia Tire,

Yezekiyele 29:11

Muntu nansha nyama kabiena mua kupitshilamu. Bidimu makumi anayi kabakusanganamu muntu nansha nyama ne muoyi to.

Yezekiyele 33:28

Nembutule ditunga, ndishiye tshipela. Bukole buvua bantu baditambisha nabu nebujimine. Mikuna ya mu Izrayele neyishale tshipela. Muntu kakupitshilamu kabidi to.”

Yezekiyele 6:6

Miaba yonsu inudi nusomba, nebabutule bimenga bienu. Miaba yenu ya kutendelela neyishale munda mutupu. Bilambuilu bienu nebinyanguke, bishale bintu bia tshianana. Nebazaze mpingu yenu, bayumbushe. Nebanyange mbabula yenu ya kuoshila manananshi. Bintu bionsu binudi benze nebijimine.

Osheya 4:3

Nanku, mu ditunga nemuikale munanga mukole, udi ubutula bantu bonsu, too ne nyama ne nyunyi. Nansha minyinyi ya mu mayi manene neijimine.”

Yowele 1:13

Nuenu batuangaji, vualayi bilamba bia mu madilu! Nuenu badi benza mudimu ku tshilambuilu, dilayi! Nuenu bantu ba Mvidi Mukulu wetu, luayi, bungamayi butuku bujima! Bualu milambu ya ntete, nansha ya maluvu, kabatshiena bafika nayi mu nzubu wa Mvidi Mukulu.

Yowele 1:19

Maweja-Nangila, wewe ke undi mbikila! Kapia nkoshe bisosa bia mu mpata, ndimi ya kapia mmidie mitshi yonsu ya mu madimi.

Amosa 5:1

Bena Izrayele, telejayi kasala ka madilu kandi nnuela:

Amosa 5:16

Maweja-Nangila, Mvidi Mukulu wa bukole buonsu, udi wamba ne: “Miaba yonsu idi bantu batuilangana, nebadile muadi. Mu misesu yonsu nebele mbila ne: ‘Akia! Dikenga bunenedi! Dikenga kaayi edi!’ Nebabikile babidime badi mu misoku, bua bafike mu tshimenga bua kudila mu madilu, bualu bakaji badi ne bua kutendamu muadi, kabena bungi bukumbane.

Mika 2:4

Tshikondu atshi, nebimbe musambu, nebanuelele kasala ka muadi ne; “Eyi! Mbatubutule bonsu. Mbanyenge tshisamba tshietu maloba atshi. Badi batuipata mu madimi etu, badi baabanyangana. Mbatunyenge bintu bietu bua tshinyi?”

Mika 3:12

Nanku bualu buenu, Siyone neikale bu budimi, budibu babundulula ne lukasu. Yerushalayime neashale makolu. Mukuna wa nzubu wa Mvidi Mukulu nebaubuikile kudi tshipuka.