Yirmeya 8:8 - MUKANDA WA MYIDI MUKULU

⁸ Nudi nudiamba ne: “Tudi bena meji, bualu tuetu ke badi ne mikenji ya Maweja-Nangila.” Kadi nudi nudisua nanku bua tshinyi? Kanuena bamanye ne: bantu badi batentula mikenji mbena dishima, badi bandamuna miaku idi momu anyi?

Mukanda wa Nzambi Dihungila Dikulukulu ne Dihungila Dihia-dihia 2003

⁸ Munyi munudi nuamba ne, Tudi bena meji, tudi ne mikenji ya Yehowa? Kadi monai, mutshi wa bafundi udibo bafunda nʼau mashimi wakayivuisha anu mei a mashimi.

Yirmeya 8:8 교차 참조

Yobe 11:12

Kadi muntu wa tshidingidingi neapete lungenyi, anu dituku didi nyama wa mpunde wa muitu, uvua mpunde wa pambelu.

Yobe 12:20

Udi upuwisha bavua bamanye mua kufila lungenyi. Bantu bakulakaje, udi ubanyenga meji avuabu nawu.

Misambu 147:19

Udi umanyisha tshisa tshiende diyi diende, ufundila Izrayele mikenji ya muoyi.

Nsumuinu 17:6

Disanka dia bantu bakulumpe mpadibu bamone biikulu babu. Disanka dia bana mpadibu batangile baledi babu.

Yeshaya 43:27

Nkambua webe wa kumpala ukavua mupile. Ke mudi kabidi balombodi ba ditunga diebe bantombokele lelu.

Yirmeya 18:18

Bantu bakuabu bavua bamba ne: “Tuyayi, tuelela Yirmeya tshitungu amu mpindiewu. Bualu batuangaji badi mua kutulongesha, tudi amu nabu. Tudi ne bena meji, bua bafile ngenyi. Tudi ne bambi badi mua kutumanyisha tshidi Mvidi Mukulu wamba. Tumufunde ku tshilumbu, katuteleji kabidi tshidiye wamba.”

Yirmeya 19:7

Muaba ewu nempangishe bena Izrayele ne bena Yuda, bua kabakumbaji tshidibu bela meji. Nemfile bantu aba kudi baluishi babu badi kabayi ne luse. Nenganyishe bua bitalu biabu babizokole kudi nyunyi ya mikanku, babidie kudi nyama ya mibuabua.

Yirmeya 2:8

Batuangaji kabena bankeba ne: ‘Maweja-Nangila udi penyi?’ Bantu bavua bamanye mikenji bikole, kumpangabu. Balombodi ba bantu kuntombokela meme Maweja-Nangila. Bambi kuambila bantu malu mu dina dia Baale. Bantu bonsu kutendelela mvidie ivua kayiyi ne bukole.

Yirmeya 4:22

Maweja-Nangila udi wamba ne: “Bantu banyi bena Izrayele kabena ne lungenyi to, kabena bammanye. Mbana badi kabayi ne meji. Mbamanye amu mua kuenza malu mabi. Kadi, kabena bamanye mua kuenza malu mimpe to.”

Yirmeya 48:14

Nuenu bena Mowabe, mmunyi munudi mua kuamba ne: “Tudi bilobu, tudi bantu badi bamanye mvita?”

Osheya 8:12

Nansha meme mubafundile mikenji binunu ne binunu, kabena bayangata ne mushinga to.

Matayi 15:6

muntu awu kena ne tshilumbu tshia kuambuluisha kabidi tatuende to.” Ke munudi nunyanga muaku wa Mvidi Mukulu, bua kukumbaja bibidilu bienu.

Yowanane 9:41

Yezu kubandamuna ne: — Bu nuenu bampofu, kanuvua mua kupila. Kadi bu munudi nuamba ne: “Tudi tumona,” nudi nushala bena tshibawu.

Rome 1:22

Badi baditemba ne: tudi bena meji, kadi badi bantu bapale.