Yirmeya 8:10 - MUKANDA WA MYIDI MUKULU

¹⁰ Maweja-Nangila udi wamba ne: Bakaji babu, nembafile kudi bakuabu. Madimi abu, nengafile kudi badimi bakuabu. Bualu bantu bonsu, bana ne bantu bakole, badi amu ne lukuka lua biuma. Muambi ne mutuangaji, bonsu badi anu badingangana.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Nunku nenfile bakashi babo kudi bantu bakuabo, ne madimi abo kudi badi babatamba bukole, bualu bua, kudi udi mutambe buhuekele tô ne kudi udi mutambe bunene, muntu yonso udi ne lukuka lua biuma; kudi muprofete tô ne kudi muakuidi badi badingangana.

Yirmeya 8:10 교차 참조

Yobe 31:10

nanku mukajanyi akuatshile muntu mukuabu mudimu. Balume bonsu bamubuelele mu nzubu!

Yeshaya 28:7

Nansha batuangaji ne bambi, badi batenkakana, bakuatshika maluvu makole. Bavua banua maluvu makole mapite bungi, kabayi nansha mua kuimana kulu, lungenyi luabu lujimina. Bambi badi bamona malu, kabayi mua kuajingulula. Batuangaji badi bakosa bilumbu, batatakana, badishinda panshi.

Yeshaya 57:17

Ntupakanyi ya bena Izrayele, ivua mianji kumfikisha munda. Mvua mubanyoke ne tshiji. Tshivua musue kubatangila kabidi to. Kadi bobu bavua batungunuka amu ne dienza bibi, muvua muoyi wabu ubalongesha.

Yirmeya 14:14

Maweja-Nangila kungambila ne: — Bambi abu kabena bakula mu dina dianyi to. Badi bena dishima. Meme tshiena mubatume, tshiena mubape mukenji nansha umue, tshiena mubambile bualu to. Badi banuambila anu malu a dishima, adi kaayi ne mushinga, ngenyi ya patupu!

Yirmeya 14:18

Pandi nya ku budimi, ndi mmona amu bitalu bia bantu bavua bafue mu mvita. Pandi mpingana mu tshimenga, ndi mmona anu bitalu, bia bantu bavua bafue ku tshiyole tshia nzala. Bambi ne batuangaji badi batambakana mu ditunga, kabayi bamanye tshia kuenza.

Yirmeya 17:11

Mudi nzolu uladila mayi a dibata, ke mudi muntu udi upeta bubanji mu buivi. Patshidiye ne bukole, bintu biende bidi bimujika. Yeye mumane kukulakaja, udi bu muntu mutatakane.

Yirmeya 22:17

Kadi wewe udi musue anu tshidi tshikulengelela wewe nkayebe. Udi ukeba anu kushipesha bantu badi kabayi ne bualu, ne kukengesha bantu ne tshikisu.

Yirmeya 32:32

Ndi musue kutshibutula bua malu mabi avua bena Izrayele ne bena Yuda benza, ne avuabu benza kabidi kudi bakalenga babu, kudi bamfumu babu, kudi batuangaji babu, kudi bambi babu, kudi bantu ba mu ditunga dia Yuda ne ba mu Yerushalayime.

Yirmeya 38:22

bakaji bonsu badi bashale mu nzubu wa bukalenga nebabakuate kudi balombodi ba bena mvita ba mukalenga wa mu Babilone. Bakaji abu, nebanusake mu musambu bimba ne: Balunda bebe baudi munange, badi bakudinga! Paudi ne ntatu, kabena nebe kabidi bualu to!

Yirmeya 42:1

Pashishe balombodi ba bena mvita, nangananga Yowanane, muana wa Kareya, Azarya, muana wa Oshaya, ne bantu bonsu bavua muaba awu kuyabu bonsu,

Yirmeya 5:31

Bambi, badi bamba malu mu dina dia mvidie ya tshianana. Batuangaji badi bakeba amu kudisankisha nkayabu. Bantu banyi bena Izrayele badi banyisha bionsu ebi. Kadi, ku nshikidilu nenuenze tshinyi?

Muadi 4:13

Tshipupu etshi ntshienzeke bua bilema bia bambi, ne bua mibi ya batuangaji. Bavua bashipe bantu bakane munkatshi mua tshimenga.

Yezekiyele 33:31

Nanku bantu ba mu tshisamba tshianyi badi basangila bua kukuteleja. Badi bakuteleja, kadi kabena benza biudi ubambila to. Badi benza anu bidibu basue, balonda majinga abu.

Amosa 5:11

Nudi nukengesha udi kayi bukole, numunyenga ntete ivuaye munowe. Nanku kanuakulala mu nzubu mipiamipia, inuvua base ne mabue. Kanuakunua maluvu a mvinyo anuvua bapete, ku mionji misunguluke inuvua bakune.

Mika 2:4

Tshikondu atshi, nebimbe musambu, nebanuelele kasala ka muadi ne; “Eyi! Mbatubutule bonsu. Mbanyenge tshisamba tshietu maloba atshi. Badi batuipata mu madimi etu, badi baabanyangana. Mbatunyenge bintu bietu bua tshinyi?”

Mika 3:11

Bakoshi ba nsambu badi balumbuluisha bantu, amu padibu bamane kudia mabuejila. Batuangaji badi balongesha mikenji, amu bua kupeta difutu. Bambi badi bambila bantu malu, amu bamane kupeta makuta. Kadi badi badiamba ne: “Tudi bantu ba Maweja-Nangila! Maweja-Nangila udi netu! Bualu bubi nansha bumue kabuena mua kutukuata.”

Mika 3:5

Telejayi bidi Maweja-Nangila wamba, bua bambi badi badinga bantu banyi. Udi wamba ne: “Bambi badi bambila bantu ne: ditalala didiku, amu padibu babafuta difutu dia bungi. Kadi muntu udi kayi ubapesha biakudia, badi bamuluisha mvita.

Abakuke 1:6

Ndi mbikila bena Babilone, tshisamba tshia bantu ba lonji, kabayi luse. Badi bendakana pa buloba bujima, bakeba kudia bumfumu mu matunga a bende.

Sefanya 1:13

Kadi nebapawule bubanji buabu, nebupule nzubu yabu. Nebibake nzubu, kadi kabena balalamu. Nebakune mionji ya nwinyo, kadi kabena banua maluvu ayi.”

Tite 1:11

Nanku ubakandike, ubabuikidije mukana, bualu badi bajula bimvundu mu meku majima, balongesha malu adi kaayi makane, anu bua kupeta biuma mushindu mubi.

Tite 1:7

Bualu mulombodi wa Tshisumbu tshia bena ditaba udi wenzela Mvidi Mukulu mudimu. Nanku bantu kabena mua kuikala ne mushindu wa kumudiwula ku bualu nansha bumue. Kaditembi muanzu wende. Kafiki munda lukasalukasa, kikadi munuavi, muena tshikisu, nansha muena mutshima udi ukeba kupeta biuma mu njila mubi.