Yirmeya 7:4 - MUKANDA WA MYIDI MUKULU

⁴ Kanutekemenyi miaku ya dishima inudi nuamba nuambulula ya ne: ‘Tuetu tudi bimpe bitambe, bualu ewu ke nzubu udi Maweja-Nangila usomba, ke nzubu wa Maweja-Nangila, eyowa, ke nzubu wa Maweja-Nangila.’

Mukanda wa Nzambi Dihungila Dikulukulu ne Dihungila Dihia-dihia 2003

⁴ Kanueyemenyi mei a mashimi a badi bamba ne, Eu udi ntempelo wa Yehowa, ntempelo wa Yehowa, ntempelo wa Yehowa.

Yirmeya 7:4 교차 참조

1 Bakalenga 9:7

nennuipate mu buloba bumvua munupe. Nengumuke mu nzubu ewu, undi mujidile bua nuenu kuntendelelamu. Nanku, bantu ba bisamba bikuabu nebanuseke miaba yonsu, banuele bibingu.

Yeshaya 48:2

Nuenu nudi nudisua, bua padibu banuinyika ne: “Bena tshimenga tshijidila.” Nudi nuditemba nuamba ne: tudi tunemenena kudi Mvidi Mukulu wa bena Izrayele, udibu binyika ne: “Maweja-Nangila muena bukole buonsu.” Kadi telejayi bualu ebu:

Yeshaya 59:4

Nudi nufundangana ku tubadi amu ne muoyi mubi. Nudi nulumbululaku, kanuyi nukeba bulelela. Malu anudi nujadika adi amu a dishima. Bionsu binudi nuamba bidi amu bia patupu. Nudi amu nukeba kukengeshangana, nupatula munda muenu amu malu mabi.

Yeshaya 66:1

Maweja-Nangila udi wamba ne: “Diulu didi nkuasa wanyi wa bukalenga, buloba ntshitekelu tshia makasa anyi. Nzubu unudi mua kungashila meme, nnzubu kaayi? Muaba undi meme mua kusomba mmuaba kaayi?

Yirmeya 28:15

Pashishe, Yirmeya kuambila muambi Ananiya ne: — Ananiya, teleja bimpe. Maweja-Nangila kena mukutume to. Wewe udi usaka bantu aba bua bitabe malu a dishima.

Yirmeya 29:23

Malu awu avua mabenzekele, bualu bavua benza malu mabi mu Izrayele andi mbenga. Bavua benza malu a bundu, bambila bantu malu mu dina dianyi, meme tshiyi mubatume. Kadi meme ndi mumanye malu onsu awu. Mvua muamone ne mesu anyi. Meme Maweja-Nangila ndi njadika nanku.”

Yirmeya 29:31

— Utumine bantu badi mu bupika mukanda ne: “Maweja-Nangila udi wamba ne: Shemaya udi udiamba ne: ndi muambi. Kadi tshiena mumumanyishe bualu nansha bumue bua yeye kunuambila. Bu mudiye munusake bua nuenu kuitaba malu a dishima,

Yirmeya 6:14

Dikenga dia bantu banyi bena Izrayele kadiena ditanda bantu aba to. Badi bamba ne: “Kakuena bualu to, malu onsu adi amu mimpe.” Eku malu onsu mmamane kunyanguka.

Yirmeya 7:14

Nanku, nzubu wanyi ewu, nzubu unudi nutekemena, nzubu umvua mupeshe bankambua benu, munupeshe ne nuenu, ndi musue kumunyangakaja bu mumvua munyangakaje Shilo.

Yezekiyele 13:19

Nudi numpepeja ku mesu a bantu banyi, anu bua kupeta dianza dia bukula ne bipesa bia mampa. Panudi nutshimbisha bantu banyi, bena bitabataba, nudi nukebela badi kabayi ne bualu lufu, kadi nudi nulama ne muoyi badi bakanyina lufu.

Mika 3:11

Bakoshi ba nsambu badi balumbuluisha bantu, amu padibu bamane kudia mabuejila. Batuangaji badi balongesha mikenji, amu bua kupeta difutu. Bambi badi bambila bantu malu, amu bamane kupeta makuta. Kadi badi badiamba ne: “Tudi bantu ba Maweja-Nangila! Maweja-Nangila udi netu! Bualu bubi nansha bumue kabuena mua kutukuata.”

Sefanya 3:11

“Dituku adi, nuenu bantu banyi, kanuena ne bua kufua kabidi bundu, bua buenzayi buenu, nansha bua malu mabi anudi bangenzele. Bualu nengumushe munkatshi muenu bantu badi baditambisha. Kanuena mua kuditumbisha kabidi pa mukuna wanyi wa tshijila.

Luke 3:8

Enzayi malu adi aleja ne: nudi bakaje nsombelu yenu. Kanudiambidi munda muenu ne: “Abrahame ke nkambua wetu.” Bualu ndi nnujadikila ne: Mvidi Mukulu udi mua kuandamuna mabue aa, ashale ndelanganyi ya Abrahame!