Yirmeya 7:10 - MUKANDA WA MYIDI MUKULU

¹⁰ Pashishe nudi nuimana kumpala kuanyi mu nzubu wanyi wa tshijila, nuamba ne: ‘Tudi bamane kupanda!’ Eku nudi nutungunuka ne dienza bindi meme mubenge.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Hashishe nenulue bua kuimana mu nsubu eu udibo bambikila ku dina dianyi, nuamba ne, Tuakuhandishibua; nudi basungidibue anu bua kuenza malu â mabi, anyi?

Yirmeya 7:10 교차 참조

1 Bakalenga 9:3

Maweja-Nangila kuambila Shelomu ne: — Ndi mumvue kulomba kuebe, ne mushindu uudi untendakena. Nanku, ndi njidila nzubu ewu uudi muibake. Ndi muitabe bua kusombamu kashidi, bua meme kuikala munkatshi muenu. Nengikale mulame nzubu ewu. Netumuenzele bimpe misangu yonsu.

2 Bakalenga 21:4

Kuenzaye bilambuilu bikuabu, bia bantu benyi mu nzubu wa Mvidi Mukulu, wa mu Yerushalayime. Maweja-Nangila uvua mumane kuamba bua nzubu awu ne: “Meme Maweja-Nangila nensombe mu nzubu ewu.”

2 Kulondolola 33:4

Uvua muimanyike bilambuilu bikuabu bia kutendelela mvidie ya bantu benyi mu nzubu wa Mvidi Mukulu wa mu Yerushalayime. Eku Maweja-Nangila uvua mumane kuamba bua nzubu awu ne: “Meme Maweja-Nangila nensombe mu nzubu emu kashidi.”

2 Kulondolola 33:7

Uvua muenze kabidi lupingu lukuabu, muluteke mu nzubu wa Mvidi Mukulu bua kuntendelela. Kadi, Mvidi Mukulu uvua muambile Davide ne muanende wa balume Shelomu ne: “Nzubu ewu udi mu Yerushalayime, tshimenga tshindi mumane kusungula ku bimenga bionsu bia mu buloba bua bena Izrayele, ke muaba undi nsomba kashidi munkatshi mua bantu.

Nsumuinu 15:8

Maweja-Nangila udi udiwula milambu ya bantu babi. Kadi udi wanyisha bikole dilomba dia bantu ba diyi dimue.

Yeshaya 48:2

Nuenu nudi nudisua, bua padibu banuinyika ne: “Bena tshimenga tshijidila.” Nudi nuditemba nuamba ne: tudi tunemenena kudi Mvidi Mukulu wa bena Izrayele, udibu binyika ne: “Maweja-Nangila muena bukole buonsu.” Kadi telejayi bualu ebu:

Yirmeya 32:34

Kabidi bavua bateke mpingu yabu indi mbenga mu nzubu udi munjidila. Ke muvuabu bamunyanga ne mikiya.

Yirmeya 34:15

Nuenu nuvua benza bimpe. Mvuamuanyishe munuvua bapikule bapika benu. Nuvua bumvua-ngane kabidi bua kuenza nanku kumpala kuanyi mu nzubu udi mujidila mu dina dianyi.

Yirmeya 44:9

Nukadi bapue muoyi malu mabi onsu avua bankambua benu, bakalenga ne balombodi ba mu bukalenga mu Yuda, nuenu mene, ne bakaji benu, benza mu ditunga dia Yuda ne mu misesu ya mu Yerushalayime anyi?

Yirmeya 7:11

Maweja-Nangila udi wamba ne: ndi mumone bionsu binudi nuenza. Nzubu wanyi meme, ukadi muaba udi bivi basokomena anyi?

Yirmeya 7:14

Nanku, nzubu wanyi ewu, nzubu unudi nutekemena, nzubu umvua mupeshe bankambua benu, munupeshe ne nuenu, ndi musue kumunyangakaja bu mumvua munyangakaje Shilo.

Yirmeya 7:30

Maweja-Nangila udi wamba ne: Ndi mubenge buenzavi bonsu bua bena Yuda. Mbateke mpingu yabu mibi indi mbenga mu nzubu wanyi wa tshijila, bua nzubu awu ikale ne mikiya.

Yezekiyele 20:39

Meme Maweja-Nangila Mvidi Mukulu, ndi nnuambila ne: Nuenu bena Izrayele, muntu yonsu wa kunudi, nansha yeye mukukuile mvidie yende mibi indi mubenge, kadi dikuabu dituku nenuikale anu ne tshilumbu tshia kungitaba. Nenulekele kupepeja dina dianyi dia tshijila, nulekele kulambula mvidie milambu.

Yezekiyele 23:29

Nebakukengeshe ne lukinu. Nebakunyenge bintu biudi mupete ku mudimu webe. Nebakushiye butaka, kuyi bilamba bu mukaji mudisombele, bua bonsu bakumone. Lukuka luebe ne buendenda buebe

Yezekiyele 23:37

Badi bakaji bena tshiendenda, bena tshinyangu. Badi benda tshiendenda, batendelela mvidie mibi indi mubenge. Badi bashipa bana babu ba balume bavuabu bandelela, babalambule mvidie.

Yezekiyele 23:39

Bualu dituku mene divuabu balambule mvidie yabu bana babu ba balume, bavua babuela muaba wanyi wa tshjila, mu nzubu wanyi meme, bamupisha mikiya.

Yezekiyele 33:25

Ubambile tshindi meme Maweja-Nangila Mvidi Mukulu mujadike ne: “Nudi nudia munyinyi, nudia ne mashi. Nudi nukukuila mvidie mikuabu. Nudi nushipangana. Kadi munudi mua kuamba ne: nempete ditunga mbishi?

Yezekiyele 33:31

Nanku bantu ba mu tshisamba tshianyi badi basangila bua kukuteleja. Badi bakuteleja, kadi kabena benza biudi ubambila to. Badi benza anu bidibu basue, balonda majinga abu.

Yezekiyele 5:11

“Meme Maweja-Nangila Mvidi Mukulu udi ne muoyi, ndi nnumanyisha ne: nudi banyange nzubu wanyi ne ditendelela dienu dibi, kabidi ne mpingu yenu indi mubenge. Nanku meme nennubutule, tshiyi nnufuila luse. Tshiena mua kunushiya ne muoyi to.

Danyele 9:18

Mvidi Mukulu wanyi, teleja, tangila ne ntema. Umone mudi tshimenga tshietu tshibutuke, tshimenga tshidi tshikujidila. Katuena tukusengelela bualu tudi bantu bimpe to, kadi bualu wewe udi ne dinanga dia kashidi.

Osheya 6:9

Bu mudi benzedianganyi ba bibi balamina bantu mu njila, batuangaji mbashipe bantu mu njila wa ku Shekeme. Ebu bualu mbubi butambe!

Amosa 4:5

Nudi nuoshila pa tshilambuilu mampa mela buanga, bua mulambu wa kuela tuasakidila. Nudi nubikila bantu ku milambu ya budisuile inudi nulambula. Ke binudi nunanga bikole, kadi nudi amu nuntombokela. Meme Maweja-Nangila ndi njadika nanku.

Sefanya 1:5

Nembutule bonsu badi babanda ku misonga ya nzubu, bua kutendelela mitotu, ne bonsu badi bantendelela, baditshipa mu dina dianyi, kadi baditshipa musangu umue mu dina dia mvidie Milkome.

Malaki 3:15

Mpindiewu tudi tujadika ne: bena dikamakama ke bena diakalenga; bena buenzavi ke badi balubuluka. Nansha bobu bakeba Mvidi Mukulu lonji, badi amu bapanduka!’ ”

Matayi 23:13

— Nuenu balongeshi ba mikenji ne Baparushe, nudi bena diakabi, bualu nudi bena mpala ibidi! Nudi nupangisha bantu, bua kababuedi mu Bukalenga bua mu diulu. Nuenu mene kanuena numubuela. Kanuena nansha banyishe bua babuelemu kudi badi bakeba kubuela. [

Yowanane 13:18

Tshiena ngamba buenu bonsu to. Ndi mumanye bandi musungule. Kadi mbimpe ikumbane miaku ivuabu bafunde mu Mukanda wa tshijila ne: “Muntu utuvua tudia nende diampa, ukadi unduisha.”

Yowanane 18:28

Pashishe kumukabu ne Yezu kua Kayifa, kuyabu nende ku nzubu wa bukalenga wa mulombodi wa ditunga. Bivua dinda dinda. Kadi bamfumu ba bena Yuda kabavua babuela mu nzubu wa bukalenga, bua kabapi mikiya, kadi bapange mua kudia didia dia tshibilu tshia Dipita dia Maweja-Nangila.