Yirmeya 5:8 - MUKANDA WA MYIDI MUKULU

⁸ Badi bu nyama midiunde ya tubalu milume, tshikondu tshidiyi ikeba nyama mikaji. Bonsu badi bakekemena, babikila mukajabende.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Bakadi bu tubalu tudishibua bimpe tudi tuendakana hatuhu; muntu ne muntu wakela dî kudi mukashi wa muena mutumba nʼandi bu muadi wa kabalu.

Yirmeya 5:8 교차 참조

Genese 39:9

Mu nzubu emu katshiena utangila tshintu nansha tshimue. Tudi nende ne bumfumu bua mushindu umue ku bintu bionsu, pa kukumusha wewe, bualu udi mukajende. Nanku tshiena mua kuenzela Mvidi Mukulu bibi, kubunda tshibawu bunene nunku!

Yobe 31:9

Pangikala mualakane mukaji wa muena mutumba, mumutentekela, nansha musokome pambelu ku tshiibi tshiende,

Ekesode 20:14

“Kuendi tshiendenda.

Ekesode 20:17

“Kualakanyi tshintu nansha tshimue tshia mukuenu: nansha nzubu wende, mukajende, mupika wende, ngombe wende, mpunde wende.”

Nsumuinu 6:29

Ke mudi muntu, udi ubuelela mukaji wa bende mu nzubu, upia tshibawu.

Yirmeya 13:27

Ndi mbenga malu ebe a bundu, ne tuseku tuebe tuakulobesha natu bantu, tshiendenda tshiebe tshia bundu. Mvua mumone pa mikuna ya mu ditunga mvidie yebe idi kufuisha bundu! Yerushalayime, udi muena diakabi! Neudilengeje diba kaayi?

Yirmeya 23:10

“Ditunga ndiuwule tente ne bantu bena tshiendenda. Badi benza bibi ne disanka dionsu. Badi ne muoyi mukole anu bua kuenza malu mabi. Ke padi buloba mu madilu. Ke padi bisosa bionsu bia kudisha nabi nyama biume mu ditunga.

Yirmeya 29:23

Malu awu avua mabenzekele, bualu bavua benza malu mabi mu Izrayele andi mbenga. Bavua benza malu a bundu, bambila bantu malu mu dina dianyi, meme tshiyi mubatume. Kadi meme ndi mumanye malu onsu awu. Mvua muamone ne mesu anyi. Meme Maweja-Nangila ndi njadika nanku.”

Yirmeya 50:11

Eyowa, sankayi anu kusanka, nudiele kalumbandi! Nuenu bavua bakuate ditunga divua dianyi meme, nutupike mudi bana ba ngombe batupika mu bisosa. Nuele mikunda mudi nyama milume ya tubalu yela.

Yirmeya 9:2

Maweja-Nangila udi wamba ne: “Ndimi ya bantu aba idi anu minana bu buta, miaku yabu ke mikete ya kudinga nayi bantu. Badi ne bukole mu ditunga edi, ki mbua malu malelela adibu bamba to, kadi anu bua dishima didibu bashima bantu. Badi benza malu mabi misangu ne misangu. Kadi kabena bammanye meme to.

Yezekiyele 22:11

Banga badi banyanga nzubu wa bende pa kuangata mukaji wa bende. Bakuabu badi bangata ku bukole mukaji uvua muana musele; nansha bana babu ba bakaji ba tatuabu, nansha ba mamuabu, benda nabu tshiendenda.

Dielulula 5:18

“Nubenge tshiendenda.

Dielulula 5:21

“Kanualakanyi tshintu tshia mukuenu: nansha mukajende, nzubu wende, ngombe wende, madimi ende, mupika wende mulume nansha mukaji, mpunde wende, nansha tshintu tshionsu tshia mu lubanza luende.”