Yirmeya 5:5 - MUKANDA WA MYIDI MUKULU

⁵ Ndi musue kuyukila ne bantu baneme. Bobu badi bamanye tshidi Maweja-Nangila musue. Badi bamanye mikenji ya Mvidi Mukulu wabu.” Kadi, bantu bonsu badi amu mushindu umue, kabena batshina kabidi Maweja-Nangila. Badi babenga mikenji ya ndondu ivuabu batue nende.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Nenye kudi bantu babo banene, nenyikile nʼabo; bualu bua badi bamanye nshila wa Yehowa ne mikenji ya Nzambi wabo. Kadi bobo kabidi bakamana kutshibula mutshi wa tshikokedi wakadi ha nshingu yabo, bakakosa nkanu yabo.

Yirmeya 5:5 교차 참조

2 Kulondolola 36:14

Kabidi balombodi ba batuangaji ba bena Izrayele bonsu, bavua anu batombokela Mvidi Mukulu. Bavua balonda bibidilu bibi bia bantu ba bisamba bikuabu bia kutendelela mvidie. Bavua banyanga nzubu wa tshijila, uvua Maweja-Nangila mudijidile mu Yerushalayime.

Ekesode 32:25

Moshe kujadika ne Arone uvua mulekele bantu nkayabu, benza mudibu basue, bua babaseke kudi baluishi babu.

Yeshaya 1:23

Bamfumu benu bakadi bantomboji, badi bumvuangana ne bivi. Badi banyisha mabuejila, basue bonsu bua bantu babasankishe. Kabena bakuila bana ba nshiye ku kabadi! Kabena bateleja mukaji mukamba.

Yirmeya 2:20

Maweja-Nangila udi wamba ne: Wewe Izrayele, kukadi matuku a bungi audi mumbenge, muntombokele, wamba ne: “Ndi musue kudisombela.” Ke paudi ulala miaba yonsu pa mikuna, ne muinshi mua mitshi idi ne dileji dia bungi, bu mukaji muena tshiendenda.

Yirmeya 2:31

(Bantu badi babala bualu ebu mpindiewu, bateleje bimpe tshidi Maweja-Nangila wamba!) Bena Izrayele, meme Maweja-Nangila ndi nnukuatshisha bowa mudi tshipela nansha mudi ditunga didi ne miidima bikuatshisha bantu bowa anyi? Eyi, bantu banyi bena Izrayele, mmunyi munudi nuamba ne: “Tudi tuenza mutudi basue, katuena tupingana kuudi!”

Yirmeya 30:14

Nansha bantu bavua bakunanga, kabena bakuvuluka kabidi to! Kakuena muntu udi ukufuila luse to. Bualu ndi mukunyoke, mudileje bu muluishi webe. Ndi mukutuute bibi.

Yirmeya 6:13

Bualu bantu aba bonsu, bana ne bantu bakole, badi amu ne lukuka lua bintu, bakeba biuma ne buivi. Bambi ne batuangaji mene badi amu badinga bantu.

Yirmeya 8:7

Nyunyi wa kasonga nyunyi udi mumanye tshikondu tshidiye umuangala. Nyunyi wa nkutshi, kandindi, ne nyunyi wa mudinga, idi anu mimanye diba dia kupingana. Kadi, bantu banyi bena Izrayele, kabena bamanye mikenji yanyi meme Maweja-Nangila.

Yirmeya 9:3

Nanku, muntu yonsu adimukile bantu bakuabu! Kanuena mua kutekemena nansha muanenu to. Bualu udi anu unudinga bu muvua Yakobe muenze. Balunda benu kabidi nebanujane.

Yezekiyele 11:2

Maweja-Nangila kungambila ne: — Yezekiyele, mona bantu badi bela meji a kuenza malu mabi, bapesha kabidi bantu lungenyi lubi mu Yerushalayime.

Amosa 4:1

Nuenu bakaji ba mu Samariya, telejayi: nudi badiunde bibi, bafuanangane ne ngombe ya mu Bashane. Telejayi tshindi nnuambila ne: badi kabayi ne bukole, nudi nubanyenga bintu biabu, nukengesha bapele, nuambila babayenu ne: “Koleshayi! Nututuadile maluvu!”

Amosa 6:1

Diakabi ndienu, nuenu bonsu, badi basomba talala pa mukuna wa Siyone, nuenu bonsu badi pa mukuna wa Samariya, bela meji ne: ke patuasomba ku matshi talalaa. Badi banuamba ne: nudi bamfumu ba tshisamba tshidi tshipite bikuabu bionsu bia pa buloba. Bena Izrayele badi banuvuila bua kulomba meji ne lungenyi. Kadi kanudidingi nansha.

Mika 3:11

Bakoshi ba nsambu badi balumbuluisha bantu, amu padibu bamane kudia mabuejila. Batuangaji badi balongesha mikenji, amu bua kupeta difutu. Bambi badi bambila bantu malu, amu bamane kupeta makuta. Kadi badi badiamba ne: “Tudi bantu ba Maweja-Nangila! Maweja-Nangila udi netu! Bualu bubi nansha bumue kabuena mua kutukuata.”

Malaki 2:7

Eyowa, mudimu wa mutuangaji udi wa kulongesha bantu, bua bamanye Mvidi Mukulu. Yeye ke udi bantu bakonka bua kumanya tshidibu ne bua kuenza. Bualu yeye ke udi ufikisha malu a Maweja-Nangila wa bukole buonsu kudi bantu.

Luke 18:24

Yezu umona muvuaye ubungama, kuambaye ne: — Bidi bikole bua bena biuma kubuela mu Bukalenga bua mu diulu.

Luke 19:14

Kadi bena ditunga diabu bavua bamukina. Ke kutumabu bantu kuvuaye uya ne mukenji ne: “Katuena basue bua muntu ewu ikale mukalenga wetu to.”