Yirmeya 5:1 - MUKANDA WA MYIDI MUKULU

¹ Endakanayi misesu yonsu mu Yerushalayime. Nutangile bimpe, nukebulule. Nutangile mu bisalu bionsu. Nuenu bapete muntu nansha umue udi wenza malu mempe, udi musue kuikala muntu muakane, nuenu basangane muntu wa nanku, meme Maweja-Nangila nemfuile Yerushalayime luse.

Mukanda wa Nzambi Dihungila Dikulukulu ne Dihungila Dihia-dihia 2003

¹ Endakanai lubilu mu misesu ya mu Yelushalema, numone, numanye, nukebekebe mu miaba minene yonso, binuamanya mua kuhetaku muntu umue udi wenza malu mimpe, udi ukeba malu malelela, ne nemmubuikidile malu mabi andi.

Yirmeya 5:1 교차 참조

1 Bakalenga 19:10

Eliya kuandamuna ne: — Maweja-Nangila Mvidi Mukulu wa bukole buonsu, ndi mukunange bikole. Nanku tshitshiena musue kumona bionsu bidi bena Izrayele benza to. Bualu bena Izrayele mbanyangakaje ndondu webe, mbupule bilambuilu biebe, mbashipe bambi bebe. Ndi mushale anu meme nkayanyi. Kadi badi bakeba kunshipa ne meme!

2 Kulondolola 16:9

Nanku, Maweja-Nangila udi utangila pa buloba, musue kuambuluisha badi bamunanga ne muoyi wabu mujima. Mpindiewu, udi muenze malu bu muntu mutomboke. Biangatshile ku lelu, mvita neyikukuate.

Misambu 12:1

Musambu wa mu mukanda wa mulombodi wa bena misambu, wa kuimba ne lunzenze lua nshinga muanda mukulu. Musambu wa mu mukanda wa misambu ya Davide.

Misambu 14:2

Maweja-Nangila udi mu diulu, muinangile panshi bua kukenketa bantu, kumona ne kudi umue wa meji, udi umutendelela!

Misambu 14:3

Kadi bonsu mbapambuke, bonsu mbena buenzayi, kakuena udi wenza tshidi Mvidi Mukulu musue.

Misambu 94:16

Udi mua kunsungidila kudi bantu babi nnganyi? Udi mua kungakuila kudi benji ba malu mabi nnganyi?

Nsumuinu 20:6

Bantu ba bungi badi badisua, badiamba mudibu ne muoyi muimpe. Kadi bidi bikole menemene mua kupeta muntu wa nanku.

Nsumuinu 23:23

Ikala muntu udi wamba malu malelela, muedi wa meji, muntu mudimuke ne wa lungenyi. Wewe mumane kupeta ngikadilu eyi, kuyinyangi to.

Nsumuinu 8:3

Miaba yonsu idi bantu bapitshila mu tshimenga, nangananga ku biibi bia tshimenga, Meji adi ela lubila ne:

Musambu wa Solomo 3:2

Meme kujuka kuya mu tshimenga, kuendakana mu misesu ne mu mansanga a njila, kukeba undi munange. Meme kukenzakana miaba yonsu, nansha meme kumumona.

Yeshaya 59:4

Nudi nufundangana ku tubadi amu ne muoyi mubi. Nudi nulumbululaku, kanuyi nukeba bulelela. Malu anudi nujadika adi amu a dishima. Bionsu binudi nuamba bidi amu bia patupu. Nudi amu nukeba kukengeshangana, nupatula munda muenu amu malu mabi.

Yirmeya 2:29

Maweja-Nangila udi ukonka ne: Nudi nundiwula bua tshinyi? Nuenu bonsu nukadi bambenge.

Yirmeya 44:15

Bantu balume bonsu, bavua bamanye muvua bakaji babu balambula mvidie ya bantu ba bisamba bikuabu milambu. Bakaji bonsu aba bavua tshisumbu tshinene bunguile muaba awu. Mu tshikosu ke bantu bavua base mu Ejipitu, ne mu Patrose. Kuambilabu muambi Yirmeya ne:

Yirmeya 8:6

Meme ndi muteleje bionsu bidibu bamba, kabena bamba malu mimpe to. Kakuena muntu udi unyingalala bua bubi buende, nansha udikonka ne: “Tshindi muenze ntshinyi?” Muntu yonsu udi wenda mu njila udiye musue, bu mudi nyama wa kabalu mumane kufika munda utomboka mu mvita.

Yirmeya 9:2

Maweja-Nangila udi wamba ne: “Ndimi ya bantu aba idi anu minana bu buta, miaku yabu ke mikete ya kudinga nayi bantu. Badi ne bukole mu ditunga edi, ki mbua malu malelela adibu bamba to, kadi anu bua dishima didibu bashima bantu. Badi benza malu mabi misangu ne misangu. Kadi kabena bammanye meme to.

Yirmeya 9:7

Ndimi ya bantu aba, idi anu bu mikete ya kushipangana nayi. Badi bamba anu malu a dishima. Badi bambila bantu nabu meyi mimpe. Kadi munda muabu badi bela meji mudibu mua kubakuata mu buteyi.

Yezekiyele 22:30

Mvua mukebe muntu uvua mua kuibaka tshimana, nansha uvua mua kuimana muaba uvuabu bakeba kushimbula, bua kunkandika bua tshibutudi tshimenga. Kadi tshiena mupete muntu nansha umue.

Yezekiyele 9:9

Maweja-Nangila kungambila ne: — Malu mabi adi bantu benza mu bukalenga bua Izrayele nansha bua Yuda mmapite bunene. Bantu aba badi bashipangana mu ditunga dijima. Badi bakengeshangana mu tshimenga tshionsu. Badi bambilangana ne: “Maweja-Nangila ukadi mumuangale mu ditunga, kena mutumone to.”

Danyele 12:4

“ ‘Wewe Daniyele, ulame malu aa munda. Kuambidi muntu malu a mu mukanda ewu padi diba dia ku nshikidilu kadiyi dianji kufika. Pashishe bantu ba bungi nebaubale. Lungenyi luabu ne luvulangane.’

Yowele 2:9

Idi itangalaka mu tshimenga, ibanda pa bimana, ibuelela mu nzubu ku madidishi bu bivi.

Amosa 8:12

Nebalalakane eku ne eku, nebumuke kuinshi mu ditunga, nebaye luseke ludi diba dibuelela, nebende luseke lua ku mutu, bua kupingana luseke ludi diba dipatukila. Nebakebe amu kukeba mua kumvua, muaku wa Maweja-Nangila, kabayi baupeta.

Zekâya 2:4

Meme kumukonka ne: — Bantu aba mbalue kuenza tshinyi? Kungandamunaye ne: — Mbafike bua kutshibula nsengu ayi; bua kukuatshisha bowa ne kubutula bisamba bia bukole bivua biluisha ditunga dia Yuda, bitangalaja benadi, muntu nansha umue kayi mua kubafuila nkanana.

Luke 14:21

Muena mudimu kupingana kudi mfumuende, kumumanyisha bivua bantu bandamune. Mfumu wa nzubu kufika munda bikole, kuambila muena mudimu wende ne: “Uye lukasa mu bisalu ne mu misesu ya mu tshimenga. Ufike ne bapele, balema, bampofu ne badi batebuka.”

2 Tesalonike 2:10

Neakuate mudimu ne malu mabi a mishindu yonsu, bua kushima nawu bantu badi ne bua kujimina. Nebajimine, bualu kabavua bitabe, kabavua banange bulelela buvua mua kubasungidila.