Yirmeya 49:5 - MUKANDA WA MYIDI MUKULU

⁵ Maweja-Nangila Mvidi. Mukulu wa bukole buonsu udi wamba ne: “Ndi nkutumina mvita ifuma nseke yonsu. Nennukuatshishe bowa bukole. Nebanuipate bonsu, nunyeme, kanuyi nutangila panyima. Kakuakushala muntu udi mua kusangisha kabidi bantu badi banyema.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Yehowa wa misumba udi wamba ne, Mona, nenkuvuishile buowa buai bufuma kudi bonso badi bakunyunguluka, nebanuihate, muntu ne muntu wa munkatshi muenu unyema lubilu mutangile ku mpala, kakuena muntu washala bua kusangisheye banyemi kabidi hohamue.

Yirmeya 49:5 교차 참조

2 Bakalenga 19:7

Mukalenga neapete mukenji. Diba adi meme nemmuenzeje bua apingane mu ditunga diende. Meme nemmushipeshe mu ditunga diende amu.”

Yobe 15:21

Badi bateleja anu meyi adi abakuatshisha bowa. Badi batshina muluishi, nansha diba didi bionsu mu ditalala.

Nsumuinu 28:1

Muntu udi wenza bibi udi udinyemena nansha kakuyi muntu udi umuipata. Kadi muntu udi ulamata Mvidi Mukulu udi ne dikima bu kana ka ntambue.

Yeshaya 16:3

Bena Mowabe nebambe bena Yerushalayime ne: “Shindikayi diyi, nutuleje tshia kuenza. Nutulame munda munya, bu mudi butuku busokoka bintu mu miidima. Sokokayi bantu badibu bipata, kababamonyi kudi muntu.

Yirmeya 15:8

Mu ditunga amu, bakaji bakamba bavua bashale bapite lusenga lua ku muelelu wa mayi manene ku bungi. Meme kunyingalala munda munya, mamuende wa nsongalume, uvua tshilobu tshia mvita. Diakamue meme kukuatshisha mamuende bowa ne kanyinganyinga.

Yirmeya 16:16

Maweja-Nangila udi wamba ne: ndi ntuma bilembi bia bungi bua bikuate bena Yuda, mudibu bakuata minyinyi ya mu mayi. Pashishe ndi ntuma bilembi bia bungi bua bibakebe miaba yonsu, mudibu bipata nyama mu mikuna minene ne mikese, too ne mu mbuebue.

Yirmeya 20:4

Bualu Maweja-Nangila udi wamba ne: “Wewe ne balunda bebe bonsu nenuikale tshintu tshidi tshikuatshisha bantu bowa. Balunda bebe nebafue ku muele wa mvita wa baluishi babu, wewe muikalepu. Bena Yuda, nembafile bonsu kudi mukalenga wa Babilone. Yeye neabakuate. Neaye nabu mu bupika mu ditunga diende, nansha neabashipe.

Yirmeya 46:5

Kadi Maweja-Nangila udi webeja ne: Bidi bienzeka mbinganyi? Tshindi mmona ntshinyi? Badi bumuka muaba udibu bimane, basemena panyima. Nansha bobu bilobu, badi babatshimuna! Bonsu badi banyema lubilu eku ne eku. Kabena batangila kunyima. Bowa budi butampakana miaba yonsu!

Yirmeya 49:29

Nuangate ntenta yabu ne bimuna biabu, ngabu yabu ne mabuki abu onsu! Nukuate nyama yabu ya tumelu. Nuele mbila nuambila bena Kedare ne: “Bowa mbunukuate miaba yonsu.”

Yirmeya 6:25

Kanupatuki mu tshisuku to. Kanuyi mu njila to. Bualu, muluishi udi mu njila ushipa bantu. Bashipianganyi badi nseke yonsu.

Muadi 4:15

Muaba onsu udibu bafika badi babela bibingu ne: “Umukayi, nuenu nudi bapie mikiya! Kanusemenyi pabuipi netu to.” Padibu banyema kabena bamanye kudibu baya nansha. Bena bisamba bikuabu badi bababenga, bamba ne: “To, kabasombi muetu munu kabidi nansha!”

Amosa 4:3

Nebanupatule ku muntu ku muntu, mu masosu adi mu tshimana tshia tshimenga. Nebanunyemeshe luseke lua mukuna wa Ermone. Meme Maweja-Nangila ndi njadika nanku.”

Yoshua 2:9

Kubambilaye ne: — Ndi mumanye ne: Maweja-Nangila mmumane kunupa ditunga dietu edi. Nudi nutukuatshisha bowa bukole. Bantu bonsu badi anu banutshina.