Yirmeya 48:2 - MUKANDA WA MYIDI MUKULU

² Butumbi bua Mowabe buajiki. Mbelele tshimenga tshia Eshebone tshifufu tshibi bamba ne: “Tuyayi kubutula tshimenga etshi. Katshikadi kabidi ne muaba munkatshi mua bisamba bikuabu!” Wewe kabidi tshimenga tshia Madmene neubutuke. Bena mvita nebafike bua kukuluisha.

Mukanda wa Nzambi Dihungila Dikulukulu ne Dihungila Dihia-dihia 2003

² Butumbi bua Moaba kabuenaku kabidi; mu Heshebona bakumuelela tshifufu ne, Tuye kubabutula, bua kabikadi ne muaba wabo munkatshi mua bisamba bikuabo! Wewe kabidi, Mademena, nebakulekeshe dî, bualu bua muele wa nvita neukuihate.

Yirmeya 48:2 교차 참조

Yeshaya 15:1

Badi bamanyisha malu adi atangila bena “Mowabe.” Butuku bumue badi babutula tshimenga tshia Are tshidi mu ditunga dia Mowabe. Bantu badi bapuwa, bibatonda. Butuku bumue badi babutula tshimenga tshia Kire, tshidi mu ditunga dia Mowabe, bantu bapuwa bibatonda.

Yeshaya 15:5

Ndi ndila, nkeba badi mua kuambuluisha bena Mowabe. Bena Mowabe badibu bipata, badi banyema too ne ku Soware, ne ku Eglate-Shelishiya. Badi benda babanda ku Lukite. Bakuabu badi banyema ku njila wa ku Oronayime, bela mbila ya dikenga.

Yeshaya 16:14

Lelu Maweja-Nangila udi wamba ne: “Papita bidimu bisatu, amu dituku dia lelu, nebaseke bena Mowabe bonsu, ne bilobu biabu mene. Bantu babu badi bashala ne muoyi, nebikale bakese kabayi ne bukole.”

Yeshaya 25:10

Tshianza tshia Maweja-Nangila, tshidi tshilama bimpe mukuna wa Siyone!” Kadi nebadiatakaje bena Mowabe. bu bisosa bidibu badiata ku makasa, mu tshiina tshia bufuke.

Yirmeya 25:15

Maweja-Nangila Mvidi Mukulu wa Izrayele uvua mungambile ne: “Ndi nkupesha dikopu edi dia mvinyo, didi tente ne tshiji tshianyi. Udiangate, udinuishe bantu ba bisamba bionsu miaba yonsu indi nkutuma.

Yirmeya 25:17

Meme Yirmeya kuangata dikopu divua Maweja-Nangila mumpeshe. Meme kudimusha bisamba bionsu, miaba yonsu ivua Maweja-Nangila muntume.

Yirmeya 31:36

— Bu mundi muitabe bua bintu bionsu abi biende bimpe kashidi, ke mundi muitabe kabidi bua bena Izrayele bashale bantu banyi kashidi.

Yirmeya 33:24

— Kuena mumvue mudi bantu bamba anyi? Badi bamba ne: ndi mubenge bena Izrayele ne bena Yuda, meku abidi andi musungule! Badi bamba nenku badi bapepeja bantu banyi. Kabena nansha babatangila bu tshisamba to.

Yirmeya 46:28

Maweja-Nangila udi wamba ne: Wewe Izrayele muena mudimu wanyi, kuikadi ne bowa to. Bualu ndi nebe. Nembutule bisamba bionsu, miaba yonsu imvua munutangalaje. Kadi tshiakukubutula wewe to. Bushuwa mvua anu ne bua kukunyoka, bualu tshiena mua kukutangila bu muntu udi kayi muena tshibawu!

Yirmeya 48:17

Nuenu bonsu bena mutumba ne Mowabe badi bamumanye bimpe, muelayi muoyi wenu wa dibungama. Nudile ne: “Eyi mbabutule bukalenga buenu ne bukole buabu! Lumu luabu ndujimine!”

Yirmeya 48:42

Ditunga dia Mowabe ndibutuke. Tshisamba tshia bena Mowabe katshienaku kabidi to. Bualu tshivua tshitombokela Maweja-Nangila.

Yirmeya 48:45

Badi banyema mvita mbapungile. Badi bakeba muaba wa kuikisha mu tshimenga tshia Eshebone, tshivuabu balombole kale kudi mukalenga wa Sikone. Kadi kapia kavua kuosha ditunga dijima dia bilobu ebi, ku mikalu too ne munda mua ditunga.

Yirmeya 49:3

Nuenu bena Eshebone dilayi muadi. Nuambe ne: “Tshimenga tshia Ayi ntshibutuke.” Nuenu misoku idi mutumba ne Raba, lombayi bua banuambuluishe. Luatayi bilamba bia lufuila. Dilayi muadi. Lambakanayi mu lupangu eku ne kuaka: mvidie Milkome udi uya mu ditunga dia bende mu bupika, pamue ne batuangaji bende ne balombodi ba mu bukalenga.

Yirmeya 49:37

Nenkuate mudimu bua bena Elame batshine baluishi babu, badi basue kubashipa. Bu mundi ne tshiji tshikole, nembakengeshe, nembalondakaje ne mvita too ne mungababutula bonsu.

Dibadika 32:37

Ndelanganyi ya Rubene kuasulula bimenga ebi: Eshebone, Elale, Kiriyatayime,