Yirmeya 42:4 - MUKANDA WA MYIDI MUKULU

⁴ Muambi Yirmeya kubandamuna ne: — Mbimpe munudi nundomba! Nentendelele Maweja-Nangila Mvidi Mukulu wetu. Pashishe tshiakunusokoka bualu nansha bumue. Nennumanyishe muikale Maweja-Nangila muambe.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Nunku Yelemiya muprofete wakabambila ne, Nakunvua disengelela dienu. Monai, nennulombele Yehowa Nzambi wenu bu munuakuamba, ne nennuambile mei onso adi Yehowa ungambila bua bualu buenu; tshiena nnusokoka dî dimue.

Yirmeya 42:4 교차 참조

Misambu 40:10

Bantu bebe bamane kusangila, nembamanyishe ne: Maweja-Nangila ke udi upandishangana. Maweja-Nangila udi mumanye mundi tshiyi mua kupuwa.

Yirmeya 23:28

Padi muambi ulota ndota, mbimpe awule anu ndota yende! Kadi padiye ne bualu bundi mumuambile bua kumanyisha bantu, abuambe anu bu mudibu. Ki mbimpe kufuanyikija mpengelane nyimu to. Meme Maweja-Nangila ndi ngamba nanku!

Yirmeya 23:35

Tshinudi mua kukonkangana tshidi amu ne: “Maweja-Nangila mmuandamune tshinyi” Nansha ne: “Maweja-Nangila mmuambe tshinyi”

Yirmeya 26:2

— Meme Maweja-Nangila ndi nkupa mukenji ewu. Uye kuimana mu lupangu lua nzubu wa Mvidi Mukulu. Uyukile ne bantu bonsu badi bafume mu bimenga bia Yuda bua kutendelela. Wambuluile bantu bionsu bindi mukutumine diyi bua kubambila. Kushiyi kalu nansha kamue to.

Yezekiyele 2:7

Neubambuluile bionsu bindi nkuambila ebi, nansha bobu bakuteleje, nansha kabayi bakuteleje, bualu mbantu ba tshitunu.

Bienzedi 20:20

Nudi bamanye ne: pamvua munulongeshe, munumanyishe malu onsu mu bisangilu ne mu nzubu yenu, tshivua munusokoke bualu nansha bumue buvua mua kunulengelela.

Bienzedi 20:27

Bualu mvua munumanyishe muonsu mudi Mvidi Mukulu ulongolola malu, tshiyi musokoke kalu nansha kamue.

Rome 10:1

Bana hetu, ndi njinga ne muoyi wanyi mujima, ndomba kudi Mvidi Mukulu, bua bena Yuda bapete lupandu.

1 Samuele 12:23

Meme Samuwele, tshiena musue kuenzela Maweja-Nangila bibi to. Misangu yonsu nengikale ndomba Maweja-Nangila bualu buenu. Ndi anu nnuleja njila muimpe, mululame.