Yirmeya 42:3 - MUKANDA WA MYIDI MUKULU

³ Ulombe Maweja-Nangila Mvidi Mukulu webe, atumanyishe muaba utudi mua kuya, ne tshitudi mua kuenza.

Mukanda wa Nzambi Dihungila Dikulukulu ne Dihungila Dihia-dihia 2003

³ Utulombele bua Yehowa Nzambi webe atuleshe nshila utudi ne bua kuendela ne muanda utudi ne bua kuenza.

Yirmeya 42:3 교차 참조

1 Bakalenga 8:36

wewe Maweja-Nangila, mu diulu, wikale muteleje. Ubajimijile mibi yabu, bualu bena Izrayele mbantu bebe, kabidi mbena mudimu bebe. Ubalongeshe mua kukutumikila bimpe. Pashishe, ulokeshe mvula pa buloba buebe ebu, bualu uvua mumane kubupesha bena Izrayele.

Ezela 8:21

Ku muelelu wa mukidi wa Akaya, meme kuamba bua tuetu bonsu tajile biakudia. Ke mutavua ne bua kudipuekesha, kusengelela Maweja-Nangila bua atuendeshe mu ditalala ne meku etu, kabidi ne binta bietu.

Misambu 27:11

Maweja-Nangila, undeje njila udi muakane, ungendeshe mu njila udi kayi njiwu, bualu baluishi banyi mbavule.

Misambu 86:11

Maweja-Nangila, undeje njila undi mua kulonda, ndi musue kuenda mukulamate, nsumpakana amu bua bualu bumue: kukutumikila wewe.

Nsumuinu 3:6

Umulamate mu bionsu biudi musue kuenza. Yeye neakuleje muudi ne bua kuenza.

Yeshaya 2:3

Bantu bavule nebayemu, benda bamba ne: “Tuyayi! Tubande pa mukuna wa Maweja-Nangila. Tubuele mu nzubu wa Mvidi Mukulu wa Yakobe. Atulongeshe tshidiye musue bua tuetu kuenza. Netulonde njila udiye utuleja.” Eyowa, dilongesha dia Maweja-Nangila didi difumina mu Siyone, muaku wende udi upatukila mu Yerushalayime.

Yirmeya 6:16

Maweja-Nangila udi wamba ne: Anji imanayi mu njila. Nuele meji a bivua binuenzekele kale. Nukonke bankambua benu. Nanku nusungule njila muimpe. Nulonde njila awu bua nupete dikisha. Kadi kubengabu bamba ne: “Katuena tulonda njila muimpe to.”

Mika 4:2

Bisamba bia bungi bia bantu nebiyemu. Nebambilangane ne: “Tuyayi ku mukuna wa Maweja-Nangila, tubuelayi mu nzubu wa Mvidi Mukulu wa Yakobe. Yeye neatulongeshe tshitudi ne bua kuenza, tuetu netulonde njila udiye utuleja. Bualu dilongesha dia Maweja-Nangila didi difuma mu Siyone, bidiye wamba bidi bipatuka mu Yerushalayime.

Dielulula 5:26

Kakuena muntu ukadi mumvue Mvidi Mukulu wa muoyi wakula munkatshi mua kapia, bu mutudi tuetu bena Izrayele bumvue, kushalaye ne muoyi.

Dielulula 5:29

Kadi bobu balame kashidi muoyi wa kunnemeka, ne wa kukumbaja mikenji yanyi, nebikale bena diakalenga, pamue ne ndelanganyi yabu.