Yirmeya 42:2 - MUKANDA WA MYIDI MUKULU

² kudi muambi Yirmeya, bamuambila ne: — Wanyishe tshitudi tukulomba. Utendelele Maweja-Nangila Mvidi Mukulu webe bua tuetu bonsu badi bashale ne muoyi. Tudi bakese be. Udi mudimuene nkayebe.

Mukanda wa Nzambi Dihungila Dikulukulu ne Dihungila Dihia-dihia 2003

² bakambila Yelemiya muprofete ne, Tudi tukusengelela bua kunvua kutendekena kuetu, utulombele Yehowa Nzambi webe, tuetu bantu aba bonso badi bashala, bualu bua tuakushala anu bakese ba ku bantu ba diambedi, bu mudi mesu ebe amona.

Yirmeya 42:2 교차 참조

1 Bakalenga 13:6

Pashishe mukalenga Yerobowame kuambila muambi ne: — Ndi nkusengelela ne: utendakene Maweja-Nangila Mvidi Mukulu webe bua amfuileku luse, ampingajile diboku dianyi edi muadi mua kale. Muambi kulomba Maweja-Nangila, diboku dia mukalenga Yerobowame kupingana muadi mua kale.

Misambu 119:170

Lubila luanyi lufike kuudi, umpandishe bu muuvua mulaye.

Ekesode 8:28

Kadi mukalenga wa bena Ejipitu kuenza kabidi tshitunu. Kena muanyishe bua bena Izrayele bumuke to.

Ekesode 9:28

Numulombe: alekele kulokesha mvula wa makubakuba ne mabue, bualu mbimane kuntonda. Nennulekele, nuye. Tshiena nnulama kabidi to.

Yeshaya 1:15

Panudi nuolola bianza bienu kulu bua kuntendelela, ndi mbuikila ku mesu bua tshimonyi. Nansha nuenu nuntendelela misangu ne misangu, tshiena musue kunuteleja to. Bualu bianza bienu bidi ne mashi a bantu tente.

Yeshaya 1:9

Kadi bu Maweja-Nangila muena bukole buonsu, kayi mupandishe kasumbu kakese ka bantu, tuvua mua kubutuka bu tshimenga tshia Sodome, tuvua mua kujimina bu tshimenga tshia Ngomore.

Yeshaya 37:4

Mukalenga wa bena Ashure, mmutume mulombodi wa bena mvita, mumuambuluishi, bua kupendabu Mvidi Mukulu wa muoyi. Eyowa, ndi njinga bua Maweja-Nangila Mvidi Mukulu webe umvue bipendu bionsu ebi, anyoke muntu uvua mumupende! wewe lombaku Maweja-Nangila, akuile bantu bende badi bashala ne muoyi.”

Yeshaya 42:20

Nuenu nudi bamone malu a bungi, kadi kanuena bavuluke bualu nansha bumue to. Matshi enu adi mimpe, kadi kanuena numvua bualu nansha bumue to.

Yirmeya 15:11

Eyowa, Maweja-Nangila, milawu yabu idi mua kunkuata, bu meme tshiyi mukuenzele mudimu muanyi muonsu, bu meme tshiyi muakuile baluishi banyi kumpala kuebe, diba divuabu mu dikenga, banyingalala!

Yirmeya 2:27

Nudi nuambila lupingu lua mutshi ne: “Wewe ke tatu wetu!” Nudi nuambila lupingu lua dibue ne: “Wewe ke mamu udi mutulele!” Pa mutu pa nuenu kupingana kundi meme Maweja-Nangila, nudi bangele nyima. Kadi panuapeta dikenga, nenumbikile nuamba ne: “Luaku, utupandishe!”

Yirmeya 21:2

— Yirmeya, bu wewe musue, utukonkele Mvidi Mukulu, bualu Nebukadnesare, mukalenga wa bena Babilone, udi udiluisha. Ulombe Maweja-Nangila bua adienzele tshishima, bu muvuaye muenze kale, bua bena Babilone batushile muaba bumuke.

Yirmeya 36:7

Bumue nebasengelele Maweja-Nangila bua abafuile luse. Nanku nebadilengeje. Bualu Maweja-Nangila uvua muambe ne tshiji tshikole ne: bantu aba mbamfikishe munda bikole.

Yirmeya 37:20

Yirmeya kuamba kabidi ne: — Mukalenga, ndi nkulomba bua uteleje tshindi nkulomba. Kuntumi tshiakabidi kua Yonatane, mufundi wa mikanda ya mu bukalenga, bualu ndi mua kufuilamu.

Yirmeya 37:3

Nanku, mukalenga Sedekiya kutuma Yukale, muana wa Shelemiya, ne mutuangaji Sefanya, muana wa Masheya, kudi muambi Yirmeya bua kumuambila ne: — Tudi bavua kukulomba bua kutendelela Maweja-Nangila Mvidi Mukulu wetu bualu buetu bonsu.

Yirmeya 38:14

Mukalenga Sedekiya uvua mutume bantu bua bafike ne muambi Yirmeya. Kumubikilaye ku mushiku muisatu wa nzubu wa Mvidi Mukulu. Kumuambilaye ne: — Ndi musue kukukonka. Kunsokoki bualu nansha bumue.

Yirmeya 40:15

Ke Yowanane kuya ku Mispa mu musokoku kudi Ngedaliya umukonka ne: — Udi musue bua nye kushipa Ishemayele anyi? Muntu kakumanya bualu to. Katuena mua kuanyisha bua akushipe to. Yeye mukushipe, bena Yuda baudi wewe musangishe nebatangalake tshiakabidi. Bantu bonsu batshidi basomba mu bukalenga bua Yuda nebabutuke!

Yirmeya 42:20

Panuvua bangambile bua kukonka Maweja-Nangila Mvidi Mukulu wenu, panuvua bandombe bua kumutendelela bualu buenu, nuvua nuamba ne: “Utumanyishe bimpe tshionsu tshidi Maweja-Nangila wetu mua kuamba, nentshienze.” Kadi tshikondu atshi nuvua balaye bualu ebu amu ku mishiku patupu.

Muadi 1:1

Eyi, monayi tshimenga etshi, tshivua kale ne bantu ba bungi, kabidi ne lumu lunene munkatshi mua bisamba bikuabu, tshidi mpindiewu bu mukaji mukamba! Kale, Yerushalayime uvua mukalenga mukaji, utumina bisamba bikuabu diyi. Lelu bisamba abi mbimukuate ku bupika.

Yezekiyele 12:16

Kadi nempandishe bantu bakuabu ku mvita, ku tshiyole tshia nzala, ne ku disama dia tshiambu. Bobu nebalondele bena matunga adibu basombe mu bupika muvuabu benza malu mabi. Nanku bantu ba bisamba bia bende abu nebamanye kabidi ne: meme ndi Maweja-Nangila.

Osheya 8:10

Nansha bena Efrayime bapeshe bisamba bikuabu mabuejila a bungi, tshikondu tshiakumbanyi, tshia meme kubakunguja muaba umue. Nanku, matuku makese aa, nebapete dinyoka kudi mukalenga wa bena Ashure.

Lewitiki 26:22

Nentume nyama ya tshisuku, ishipe bana benu, ibutule bimuna bienu. Nenubutuke, mu njila yenu mushale anu mutupu.

Amosa 7:2

Ke mpasu kudia bisosa ne bisaala bionsu bivua mu ditunga. Nanku meme kuamba ne: “Maweja-Nangila Mvidi Mukulu, ndi nkusengelela: fuila bantu bebe luse. Tshianana, nebashale ne muoyi bishi? Bualu badi amu bakese, batekete kabidi.”

Matayi 24:22

Bu Mvidi Mukulu kayi mukepeshe bungi bua matuku awu, muntu nansha umue kavua mua kupanda. Kadi mmuakepeshe, bualu bua bantu badiye musungule.

Bienzedi 8:24

Ke Simone kuambila Petro ne Yowanane ne: — Ngakuilayi nuenu kudi Mfumu, bua kannyoki munudi nuamba amu.

Dielulula 28:62

Nanku nansha nuenu bamane kusangana bu mitotu ya mulu, anu bantu bakese nebashale ne muoyi. Bualu nuvua babenge Maweja-Nangila Mvidi Mukulu wenu.

Dielulula 28:63

Bu muvua Maweja-Nangila musanke bua kunuenzela bimpe, nuenu kusangana, ke muasankaye kabidi bua kununyoka, kunufikila munda, kunubutula. Neanumushe mu ditunga divuaye munupe bua kusomba.

Dielulula 4:27

Maweja-Nangila neanutangalaje munkatshi mua bisamba bikuabu. Kadi mu matunga ikalaye munutume awu, nenuikale anu bakese.

Yakobe 5:16

Tondelanganayi mibi yenu. Nulombelangane kudi Mfumu, nanku nenupande. Ditendelela dia muntu udi wenza mudi Mvidi Mukulu musue, didi ne bukole bua bungi.

1 Samuele 12:19

Kuambilabu Samuwele ne: — Usengelele Maweja-Nangila Mvidi Mukulu wetu bualu buetu, bua katufu to. Bualu ku malu mabi onsu atudi benza, tudi basakidila kabidi bualu bubi bukuabu bua dilomba dia mukalenga.

1 Samuele 12:23

Meme Samuwele, tshiena musue kuenzela Maweja-Nangila bibi to. Misangu yonsu nengikale ndomba Maweja-Nangila bualu buenu. Ndi anu nnuleja njila muimpe, mululame.

1 Samuele 7:8

Kuambilabu Samuwele ne: — Kutulekedi to! Wikale utulombola kudi Maweja-Nangila Mvidi Mukulu wetu, bua kutusungidilaye ku bumfumu bua bena Peleshete.