Yirmeya 4:8 - MUKANDA WA MYIDI MUKULU

⁸ Vualayi bilamba bikayapale, nudile miadi, nudituute bianza pa tshiadi. Bualu Maweja-Nangila utshidi ne tshiji, unulondakaja ne tshiji tshiende tshikole.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Bua bualu ebu nudiluatshishe ne bilulu bikayabala, asai miadi ne nudile bienu; bua tshiji tshikole tshia Yehowa katshiena tshianji kumuka kutudi.

Yirmeya 4:8 교차 참조

Misambu 78:49

Ku ndekelu Mvidi Mukulu kutumina bena Ejipitu tshiji tshikole, kubafikila munda, kubakengesha mishindu yonsu.

Yeshaya 10:4

Diba adi, nudi mua kusungula amu malu abidi: kubuelakana ne bena lukanu, nansha kufua. Kadi tshiji tshia Maweja-Nangila katshiena tshijika, tshianza tshiende tshitshidi tshiela mulu.

Yeshaya 13:6

Dilayi muadi, bualu dituku dia Maweja-Nangila dikadi pabuipi, didi Mvidi Mukulu muena bukole buonsu musue kubutula bantu ne bintu.

Yeshaya 22:12

Dituku adi, Maweja-Nangila, Mvidi Mukulu muena bukole buonsu, uvua munubele bua nudile muadi, bua nunyingalale, nubeye nsuki, nuvuale bilamba bia mu madilu.

Yeshaya 32:11

Nuenu bakaji badi kabayi basumpakena tshintu, zakalayi, nuenu bana ba bakaji badi benda bu badi kabayi ne lutatu, nusumpakane. Vulayi bilamba bienu, vualayi bilamba bia madilu mu tshimonu.

Yeshaya 5:25

Nanku Maweja-Nangila mmufikile bantu bende munda. Mmubakanyine, mubatume. Mikuna imona nanku, kuzakalayi. Bitalu bia bantu kushala panshi mu misesu, bu butu bua kuimansha mu dyala. Kadi tshiji tshia Maweja-Nangila katshiena tshijike to. Udi amu ukanyina bantu bende.

Yeshaya 9:12

Ke muvua Mvidi Mukulu munyoke bantu bende nanku. Kadi bena Izrayele, nansha bobu bamone bionsu abi, kabena bapingane kudi Mvidi Mukulu wabu to. Kabena balonda tshidi Maweja-Nangila muena bukole bonsu musue.

Yeshaya 9:17

Eyowa, bubi budi butampakana kudi bantu bu kapia katua ku tshisuku, kalambuluka mu ditu, kajuula muishi mupite bungi bu mavuba.

Yirmeya 25:34

Asayi muadi, elayi nshiba, nuenu balombodi ba bantu. Nubunguluke panshi mu lupuishi, nuenu balami ba bantu. Bualu matuku akumbanyi a nuenu kuya ku tshishipelu. Nebanushipe mudibu bashipe bimpanga bimpe.

Yirmeya 30:24

Tshiji tshikole tshia Maweja-Nangila, katshiena tshijika, kayi muanji kuenza bionsu bivuaye muambe. Dituku dikuabu nenujingulule mudi Maweja-Nangila wenza nanku.

Yirmeya 48:20

Nebanuandamune ne: — Bena Mowabe mbafue bundu! Mbabutuke! Elayi mbila, elayi mikunda, ambilayi badi basombe ku mielelu ya musulu wa Amone ne: Mbabutule Mowabe.

Yirmeya 6:26

Bantu banyi bena Izrayele, nuvuale bilamba bia madilu. Nubunguluke mu butu. Nuase miadi, mudibu badila muana mulele umue. Nudile miadi bikole, bualu mushipi wa bantu, neafike kanuyi bamumone to.

Muadi 1:12

Nuenu bonsu badi bapitshila mu njila, luayi nutangile, nujadike ne: kakuena dikenga dikuabu bu dindi nadi edi, didi Mvidi Mukulu muntumine dituku divuaye mufike munda bikole!

Yezekiyele 21:12

Nebakuebeje ne: udi utua mikemu bua tshinyi? Newandamune ne: “Ndi mupete lumu lubi, lukadi pa kukumbana. Bianza biabu nebilengelele kabiyi ne bukole. Binu biabu nebitutakanangane. Nebasukuile mu bilamba bua bowa. Mioyi neyitekete. Tshikondu tshia kubanyoka tshikadi pabuipi. Telejayi! Bionsu abi nebikumbane mpindiewu. Maweja-Nangila ke udi umanyisha malu awu.”

Yezekiyele 30:2

— Muntu, akula, umanyishe bindi meme Maweja-Nangila Mvidi Mukulu ngamba ne: “Nuenu bena Ejipitu, asayi miadi ya madilu, bualu dituku dikadi pabuipi, didi Maweja-Nangila uleja tshiji tshiende.

Yowele 1:13

Nuenu batuangaji, vualayi bilamba bia mu madilu! Nuenu badi benza mudimu ku tshilambuilu, dilayi! Nuenu bantu ba Mvidi Mukulu wetu, luayi, bungamayi butuku bujima! Bualu milambu ya ntete, nansha ya maluvu, kabatshiena bafika nayi mu nzubu wa Mvidi Mukulu.

Amosa 8:10

Nengandamune bibilu bienu bia masanka, bienza matuku a madilu a nuenu kudila. mMisambu inudi nuimba nutshionkomoka, neyandamuke yonsu misambu ya miadi ne mikemu. Nenuvuale bonsu bilamba bikayapale, nenukungule mitu yenu yonsu bu baledi badi mu madilu, badila nsongalume mulela anu umue. Dituku adi nedijike mu tshinyongopelu, mu kanyinganyinga kakole, kakuyi udi unusamba.

Mika 1:16

Nuenu badi basomba mu Yerushalayime, nubeye nsuki, nukungule mu mutu, mushale dibala, bu dia mukanku. Nudile bana benu banudi bananga: bualu nebaye nabu kule mu bupika.

Dibadika 25:4

Kuambilaye Moshe ne: — Owe kumpala kuanyi bamfumu ba bena Izrayele bonsu, batangile diba, bua kujikija tshiiji tshianyi. Bualu mvua munufikile munda.