Yirmeya 4:7 - MUKANDA WA MYIDI MUKULU

⁷ Nyama wa ntambue kupatuka, ufumina mu tshipuka muvuaye. Mubutudi wa bisamba bia bantu udi mu njila. mMumbuke mu diende ditunga bua kunyangakaja ditunga dienu. Bimenga bienu nebibutuke, nebishale munda mutupu.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Nyama wa ntambue wakubandaku, mufume mu tshihuka muakadiye, mubutudi wa bisamba bia bantu; udi mu nshila wandi, muhatuke mu muaba wandi bua kuvuisha buloba buenu tshihela, bua misoko yebe ibutuke, ikale kayiyi ne bantu.

Yirmeya 4:7 교차 참조

2 Bakalenga 24:1

Pavua Yowakime mu bukalenga, Nebukadnesare, mukalenga wa bena Babilone, kubuela ne mvita mu ditunga dia bena Yuda. Yowakime uvua ne bua kuitaba bumfumu buende. Kadi bidimu bisatu bimane kupita, Yowakime kutombokela mukalenga Nebukadnesare.

2 Bakalenga 25:1

Ke Nebukadnesare kufika mu Yerushalayime ne bena mvita bende bonsu. Kuasaye mitanda yende kumpala kua tshimenga. Bena Babilone kunyungulula tshimenga atshi ne mishiki ya maloba. Bualu ebu buvua buenzeka mu matuku dikumi a ngondu wa dikumi, Sedekiya mumane kulala mu bukalenga bidimu tshitema.

Yeshaya 1:7

Ditunga dienu didi bu tshipela. Bimenga bionsu, bavua babioshe. Bantu ba bisamba bikuabu mbiibe bia pa madimi enu, nuenu batangile. Bu muvuabi pa kabutu ka Sodome, kanuena bashale ne tshintu nansha tshimue.

Yeshaya 5:9

Mvua mumvue Maweja-Nangila muena bukole buonsu uditshipa, wamba ne: “Ndi nditshipa ne: nzubu yonsu eyi nebayinyangakaje. Miaba minene yonsu idi milengeja bimpe, kabakuyisomba kudi bantu.

Yeshaya 6:11

Ke meme kukonka ne: — Maweja-Nangila, nebikale nanku too ne ku diba kaayi? Yeye kungandamuna ne: — Nebikale nanku too ne ku diba didibu banyangakaja bimenga bionsu, batangalaja bantu, nzubu yonsu ishala munda mutupu, ditunga dijima dishala tshipela.

Yirmeya 2:15

Bena bisamba abi badi bakungula bu nyama ya lonji, badi baluisha bena Izrayele, badi babakanyina. mBanyangakaje ditunga dia bena Izrayele bikole, bikuate bowa. Mbuoshe bimenga bia bena Izrayele. Bantu kabena basamu kabidi to.

Yirmeya 22:6

Bua nzubu wa bukalenga bua bena Yuda, Maweja-Nangila udi wamba ne: Nansha meme musakidile nzubu wa bukalenga ewu, mumumone muakane, amu bu mundi nsankidila metu a Ngilaade, nansha nsongu ya mikuna ya Lebanone, ndi nditshipa ne: nzubu ewu neashale tshipela, muaba udi bantu kabayi basombe.

Yirmeya 22:7

Ndi kutumina bantu ne tshisuyi. Nebupule makunji ebe mimpe a mitshi ya sedre. nebaoshe mu kapia.

Yirmeya 25:38

Maweja-Nangila udi mushiye ditunga diende, mudi nyama wa ntambue ushiya muaba utuye ulala. Ditunga diabu ndiandamuke tshipela, bualu bua mvita mibi, ne bua tshiji tshikole tshivua Maweja-Nangila natshi.

Yirmeya 25:9

Nanku nembikile bantu bonsu ba mu matunga a ku mutu kua ditunga, ne nangananga muena mudimu wanyi Nebukadnesare, mukalenga wa bena Babilone, bua baluishe ditunga edi, ne bantu badi basombamu. — Nebaluishe kabidi bisamba bidi nabu mutumba. — Nennubutule bonsu, nuenu ne bena mutumba nenu. Mu ditunga emu nemushale amu tshipela ne lubuwa. Bantu nebakeme bela mbila ya bowa pa kumona muaba ewu. Meme Maweja-Nangila ndi ngamba nanku.

Yirmeya 26:9

Mmunyi mudi mulumiana ewu mua kuambila bantu mu dina dia Maweja-Nangila ne: nebupule nzubu wa Mvidi Mukulu ewu, muvuabu bupule wa mu Shilo; nansha ne: tshimenga etshi netshibutuke, bantu kabayi kabidi basombamu. Nanku bantu bonsu bavua mu nzubu wa Mvidi Mukulu kunguilabu bua kuluisha Yirmeya.

Yirmeya 27:8

Pikala bena tshisamba kampanda, anyi bena bukalenga, babenga kuitaba ku diyi dia mukalenga Nebukadnesare, nansha babenga kuambula mutshi wa bupika udiye ubateka pa makaya, nembanyoke ne mvita, ne tshiyole tshia nzala, kabidi ne disama dia tshiambu. Nengambuluishe Nebukadnesare bua amone mua kubutula bantu aba.

Yirmeya 33:10

Maweja-Nangila udi wamba ne: Nuenu bena Yuda, nudi nuamba misangu yonsu ne: ditunga edi didi dinyanguke. Kanuena mua kumonamu muntu nansha nyama. Bulelela, bimenga bia mu ditunga dia Yuda, ne misesu ya mu Yerushalayime, bidi lelu munda mutupu. Kanuena mua kumona muntu nansha nyama. Kadi mu ditunga edi nebumvue kabidi

Yirmeya 34:22

nentume diyi bua tshipingane, tshiluishe tshimenga etshi, tshi tshikuate, tshitshioshe. Bimenga bia Yuda nebishale tshipela. Ke mundi meme Maweja-Nangila ngamba nanku.”

Yirmeya 4:29

Bavua bela lubila ne: “Monayi matempu a mvita, monayi bena mata a mikete!” Bonsu bavua mu bimenga kunyema, kuya kusokoma muitu, kubanda pa mbuebue mu mikuna. Mu bimenga bionsu kushalamu mutupu, kamuyi muntu to.

Yirmeya 44:2

— Maweja-Nangila wa bukole buonsu, Mvidi Mukulu wa Izrayele, udi wamba ne: “Nuvua bamone makenga onsu amvua mutumine bena Yerushalayime ne bimenga bikuabu bia Yuda. Bimenga ebi lelu mbimane kubutuka bishale makolu.

Yirmeya 46:18

— Mukalenga udibu babikila ne: “Maweja-Nangila wa bukole buonsu”, udi wamba uditshipa ne: Bu mundi ne muoyi bulelela, bu mudi mukuna wa Tabore munkatshi mua mikuna mikuabu, bu mudi mukuna wa Karmele mupite mayi manene bule. muluishi neafike munkatshi muenu ne bukole bupite.

Yirmeya 49:19

Maweja-Nangila udi wamba ne: “Nengikale bu nyama wa ntambue, udi upatuka mu metu adi ku muelelu wa Yardene, uya muaba muimpe wa kuikishila mu tshipela, muaba utshidi ne biakudia. Nennyemeshe bantu bonsu badi muaba awu musangu umue. Mu ditunga dia Edome nenteke mukalenga undi musungule. Bualu, udi mutufuane meme nnganyi? Udi mua kungasa tshilumbu nnganyi? Mulombodi udi mua kuntuila nkanana udiku anyi?”

Yirmeya 5:6

Nanku, nyama wa ntambue neapatuke muitu, abaluishe. Nyama wa tshimungu neapatuke mu mpata, abasunsule. Tshisumpa ntambue netshibaalamine pabuipi ne bimenga biabu. Netshipandulule bantu bonsu badi bapatukamu. Bualu bantu badi amu ne buenzavi. Badi bela Mvidi Mukulu nyima misangu mipite bungi kayiyi kubala.

Yirmeya 50:17

Bena Izrayele bavua bu mikoku mipambuke, ivua nyama ya ntambue ipatshila. Mukalenga wa bena Ashure uvua wa kumpala, uvua muyidie. Pashishe, Nebukadnesare, mukalenga wa bena Babilone, uvua muyitshibule mifuba.

Yirmeya 50:44

Maweja-Nangila udi wamba ne: “Nengikale bu nyama wa ntambue, udi upatuka mu metu a ku muelelu wa Yardene, ubuela mu madimi a biakudia. Nennyemeshe bantu bonsu musangu umue. Mu ditunga dia Edome, nenteke mukalenga undi musungule. Bualu udi m umfuane meme, nnganyi? Udi mua kungasa tshilumbu, nnganyi? Mulombodi udi mua kuntuila nkanana, udiku anyi?”

Yirmeya 8:16

Muluishi wenu mmumane kufika ku Dane. Muadi wa tubalu tuende ukadi umvuika. Padi tubalu atu tukekemena, buloba bujima budi buzakala. Padi nyama ya tubalu ayi ifika, bionsu bidi bibutuka. Idi inyanga ditunga ne bintu bionsu bidimu, tshimenga ne bonsu badimu.

Yirmeya 9:11

Muntu udi ne meji makumbane, bua kutujinguluila bualu ebu udiku anyi? Pikala Maweja-Nangila mumumanyishe bualu ebu, atuandamune ne: ditunga ndinyanguke bua tshinyi? Didi dishale anu tshipela, muntu kayi upitshilamu bua tshinyi?

Yezekiyele 12:20

Mu bimenga nemushale mutupu, kamuyi muntu. Mpata neyishale tshipela. Nanku nenujadike ne: meme ndi-Maweja-Nangila.”

Yezekiyele 21:31

Meme Maweja-Nangila Mvidi Mukulu ndi ngamba ne: kuakuikala kabidi ne bimanyinu bia bukalenga to. Nebakutale tshifulu tshia bumfumu. Malu onsu mmandamuke. Bantu bapuekele nebasombe miaba ya lumu. Bantu ba bukole nebabapuekeshe.

Yezekiyele 32:2

— Muntu, ela kasala ka muadi, ubele mukalenga wa bena Ejipitu, umuambila ne: “Munkatshi mua bantu udi bu muana wa nyama wa ntambue. Kadi udi wenza malu bu nyama wa ngandu: udi wendakana, unaya mu misapa ya mu musulu webe, uvuandulula mayi ne makama ebe, enza bu muenji.”

Danyele 5:19

Bantu ba matunga onsu, ba bisamba bionsu, ne ba miakulu yonsu, bavua bazakala kumpala kuende, bamutshina bua bunene buvua Mvidi Mukulu mumupeshe. Uvua ushipa bavuaye musue kushipa. Uvua ushiya ne muoyi bavuaye musue kushiya nawu. Uvua ubandisha anyi ufuisha bundu, bavuaye musue kubandisha anyi kufuisha bundu.

Danyele 7:4

Nyama wa kumpala uvua mufuanangane ne ntambue, kadi uvua ne mapuapua bu nyunyi wa tshiminyi. Pantshivua mutangile, kutulabu mapuapua ende. Kumuelabu panshi, kumuimanyika pa mikonu ibidi ya nyima bu muntu. Kupetaye lungenyi lua muntu.

Lewitiki 26:31

Nembutule bimenga bienu, ne miaba yenu ya tshijila, bienza bipela. Dipembu dia bintu binudi nungoshila kadiakunsankisha kabidi to.

Lewitiki 26:33

Nennuluishe, nnutangalaje mu matunga makuabu. Ditunga dienu nedishale tshipela, bimenga bienu bionsu nebibutuke.