Yirmeya 4:4 - MUKANDA WA MYIDI MUKULU

⁴ Bu mudibu bamane kunuteka panshi, nuikale kabidi nanku mu mitshima yenu, bualu buanyi meme Maweja-Nangila. Nuenu bena Yuda, nuenu bena Yerushalayime, nuikale bantu ba tshijila, badi banyi meme Maweja-Nangila. Nuenu kanuyi benze nanku, tshiji tshianyi netshiteme bu kadilu bua buenzavi buenu. Nekabutule bintu bionsu. Kakuena muntu udi mua kujima kapia aku.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Nuditengule bua kudijidila kudi Yehowa, numushe misoso ya ku mitshima yenu kabidi, nuenu bantu ba mu Yuda ne badi bashikame mu Yelushalema; bua tshiji tshianyi katshihatuki bu kahia, katshilu bu kahia kadi muntu kayi mua kujima, bualu bua bubi bua bienzedi bienu.

Yirmeya 4:4 교차 참조

2 Kulondolola 34:25

Bena Yerushalayime mbambenge, mbalambule mvidie mikuabu milambu. Bionsu bidibu benze mbimfikishe munda. Ke pandi mufikile tshimenga etshi munda bikole. Tshiji tshianyi katshiena tshijika mpindiewu to.

Yeshaya 10:17

Maweja-Nangila, butoke bua bena Izrayele, neikale bu kapia, kadi kosha meba ne mingonga, kabibutula dituku dimue.

Yeshaya 30:33

Mbamane kulongolola tshioshelu kale. Mbalongolole muaba udibu ne bua kuoshela mukalenga wa bena Ashure. Tshioshelu etshi tshidi tshinene, kabidi tshile. Bavua belamu nkunyi ya bungi. Nanku, Mueyelu wa Maweja-Nangila udi utemeshamu kapia. Nkunyi eyi idi bu kapia ka mu tshingoma kadi katema.

Yeshaya 51:17

Wewe Yerushalayime, kankamana. Kankamana, juka panshi. Maweja-Nangila uvua mukupeshe dikopu diuwule tente ne tshiji tshiende. Wewe kudinua kumana! Tshinyingunyingu kukuenza!

Yirmeya 15:14

Nenkufile kudi baluishi bebe, bua baye nebe ku bupika, mu ditunga diudi kuyi mumanye. Bualu tshiji tshianyi ntshimane kutema bu kapia. Ndi mukufikile munda.

Yirmeya 21:12

Nuenu bantu ba mu diku dia Davide, telejayi tshidi Maweja-Nangila wamba. Udi wamba ne: Ku dituku ku dituku panualumbulula bilumbu, nukose nsambu amu pa yoyi. Bantu badibu banyenga bintu biabu, nubapatule mu bianza bia badi babakengesha. Tshianana tshiji tshianyi netshijuke bu mudi kapia kadi kuosha bionsu, kapia kadi muntu kayi mua kujima. Bualu nuvua benze malu mabi mapite bungi.

Yirmeya 21:5

Meme nkayanyi nennuluishe mvita. Bu mundi ne tshiji tshikole, nennuleje mundi ne bukole, mumanye mvita.

Yirmeya 23:19

Mvunde mukole wafiki. Ke tshiji tshia Maweja-Nangila! Mvunde munene udi unyoka bena tshibawu.

Yirmeya 36:7

Bumue nebasengelele Maweja-Nangila bua abafuile luse. Nanku nebadilengeje. Bualu Maweja-Nangila uvua muambe ne tshiji tshikole ne: bantu aba mbamfikishe munda bikole.

Yirmeya 44:22

Nansha kakese! Maweja-Nangila kavua mua kuanyisha kabidi malu mabi enu. Ke pavuaye mubutule ditunga dienu, mudinyangakaje, bantu kabayi base kabidi mu ditunga edi. Dikadi dikuatshisha bowa. Dikadi bu tshilejilu tshia kutshipa natshi bantu. Nuenu bonsu nudi mua kujadika tshidiye wamba.

Yirmeya 9:25

ke bena Ejipitu, bena Yuda, bena Edome, bena Amone, bena Mowabe, ne bantu bonsu badi basombe mu tshipela badi badibeya nsuki. Bualu bantu aba bonsu, ne bena Izrayele mene, badi bu bantu badibu kabayi banji kuteka panshi, bualu kabena balama ndondu yanyi.

Muadi 4:11

Tshiji tshia Maweja-Nangila ntshijike. Mvidi Mukulu mmutshileje tshionsu. mMuele kapia mu Siyone, kadi kuosha bitaku biende.

Yezekiyele 16:38

Nenkunyoke mudibu banyoka bakaji bena buendenda ne bashipianganyi. Nenkufundile tshibawu tshia lufu, bualu udi mujule tshiji tshianyi ne mukawu wanyi.

Yezekiyele 18:31

Lekelayi kuenza malu mabi. Akajayi mioyi yenu, ne lungenyi luenu. Nuenu bena Izrayele nudi basue kufua bua tshinyi?

Yezekiyele 20:33

Ndi Maweja-Nangila Mvidi Mukulu udi ne muoyi. Nennukengeshe ne bukole buonsu. Tshiji tshianyi netshinunyoke bikole. Ke mundi nnuleja ne: ndi mfumuenu.

Yezekiyele 21:17

Wewe Yezekiyele, ela mbila ya dikenga. Mbatume muele bua kushipa bantu banyi, ne bamfumu bonsu ba bena Izrayele. Nebabashipe bonsu musangu umue. Uditute bianza pa tshiadi ne kanyinganyinga.

Yezekiyele 24:13

Yerushalayime we, udi munyanguke bua malu mabi auvua muenze. Mvua musue kukulengeja, kadi kuvua muanyishe to. Nanku, bua wewe kulengela, anu meme muanji kukunyoka ne tshiji tshianyi tshionsu.

Yezekiyele 24:8

Meme ndi nshiya mashi pa dibue edi, muaba udiwu amueneka bimpe, bua ajule tshiji tshianyi, ambikile bua nsombuele.

Yezekiyele 44:7

Panudi nundambula bia pa madimi, mafuta ne mashi a nyama, nudi nubueja mu nzubu wanyi bantu benyi, batuabu kabayi bateka panshi, badi kabayi bangitaba to. Ke munudi nupisha nzubu wanyi mikiya. Ke munudi banyanga ndondu udi mututuangaje nenu, ne malu enu mabi onsu andi mbenga.

Yezekiyele 6:12

Bantu badi mitantshi mile, nebafue ku disama dia tshiambu. Badi pabuipi, nebafue ku mvita. Badi bashale ne muoyi mu tshimenga tshidibu baluisha, nebafue ku nzala. Nembenzele mudi tshiji tshianyi tshingambila.

Yezekiyele 8:18

Nanku, nemfike munda, nembanyoke ne tshiji tshikole. Tshiena mua kubafuila luse, tshiena mua kulekela bilema biabu to. Nansha bobu bela mbila, balomba bua meme kubambuluisha, tshiakubateleja nansha.

Lewitiki 26:28

meme nennufikile munda, nnuluisha. Nemvudije dikenga dienu tshiakabidi misangu muanda mutekete.

Lewitiki 26:41

Nebajadike ne: meme ke uvua mubanyoke, mubafile kudi baluishi babu. Nanku nebatonde bubi buabu, nebitabe manyoka onsu andi mubatumine.

Amosa 5:6

Pinganayi kudi Maweja-Nangila, nenupete muoyi. Kanuyi benza nanku, neikale bu kapia kadi kakuata ndelanganyi ya Yozefe. Nekashidishe bidi mu Betele, kakuyi udi mua kujima kapia aku.

Sefanya 2:2

kanuyi banji kutangalaka, mudi bisote bitangalaka dituku dimue. Nukudimune mioyi yenu, tshiji tshia Maweja-Nangila tshikuata kapia katshiyi tshianji kufika kunudi, dituku didiye ulumbuluisha bantu kadiyi dianji kusemena pabuipi.

Rome 2:25

Paudi utumikila mikenji, dikuteka panshi nedikuambuluishe. Kadi paudi kuyi utumikila mikenji, udi amu bu muntu udibu kabayi bateke panshi.

Dielulula 10:16

Nudifile muenu muonsu kudi Maweja-Nangila Mvidi Mukulu wenu. Kanumutombokedi kabidi to.

Dielulula 30:6

Maweja-Nangila Mvidi Mukulu wenu nkayende nealengeje mioyi yenu, ne ya ndelanganyi yenu, bua numunange ne muoyi mujima, ne bukole buenu buonsu, bua nuenu kushala ne muoyi.

Dielulula 32:22

Eyowa, Meme Maweja-Nangila ndi ne tshiiji tshikole, tshidi tshifika too ne mu kandondu ka bafue. Tshidi tshiosha, bu mudi kapia kosha biakudia, kabibutula, tshidi tshiosha too ne tshitaku tshia mikuna.

Kolose 2:11

Panuvua badisange ne Kristu, Yeye uvua mumushe bukole bua bubi munda muenu. Ke muvuaye munuteke panshi; kadi ki mmushindu udi bantu batekangana panshi nansha.