Yirmeya 39:2 - MUKANDA WA MYIDI MUKULU

² Mu tshidimu tshia dikumi ne tshimue, dituku dia tshitema dia ngondu muinayi, bena Babilone bavua bapande disosu ku tshimana tshia tshimenga.

Mukanda wa Nzambi Dihungila Dikulukulu ne Dihungila Dihia-dihia 2003

² Mu tshidimu tshia dikumi ne tshimue tshia bukokeshi bua Sedekiya, mu ngondo muinai, ne mu dituku dia tshitema dia mu ngondo eu, bakashimbula tshituha tshia lumbu lua musoko.

Yirmeya 39:2 교차 참조

Yirmeya 1:3

Maweja-Nangila kumuambila malu tshiakabidi tshikondu tshivua Yoyakime, muana wa Yoshiya, mu bukalenga bua bena Yuda, too ne ku ndekelu wa bukalenga bua Sedekiya, muana mukuabu wa Yoshiya, mmumue ne too ne mu tshidimu tshia dikumi ne tshimue tshia bukalenga ebu, pavuabu bakuata bena Yerushalayime mu ngondu muitanu wa tshidimu atshi, baye nabu mu bupika.

Yirmeya 32:1

Pavua Sedekiya, mukalenga wa bena Yuda mukumbaje tshidimu tshiende tshia dikumi mu bukalenga, mmomumue ne: pakavua Nebukadnesare mukalenga wa mu Babilone mumane kukumbaja tshidimu tshiende tshia dikumi ne muanda mukulu mu bukalenga, Maweja-Nangila kuleja Yirmeya tshivuaye ne bua kuenza.

Yirmeya 34:22

nentume diyi bua tshipingane, tshiluishe tshimenga etshi, tshi tshikuate, tshitshioshe. Bimenga bia Yuda nebishale tshipela. Ke mundi meme Maweja-Nangila ngamba nanku.”

Yirmeya 37:8

Bena Babilone nebafike kabidi bua kuluisha tshimenga etshi. Nebatshikuate, batshioshe ne kapia.

Yirmeya 5:10

Nentume baluishi bua kunyanga madimi abu a mvinyo adi pa mikuna. Kadi kabakunyangakaja madimi onsu to! Nebakose matamba adi kaayi anyi meme Maweja-Nangila!

Yezekiyele 33:21

Dituku ditanu dia ngondu wa dikumi, tshidimu tshia dikumi ne tshimue tshivuabu bamane kuya netu mu bupika, muntu uvua mupanduke, pakuatshibu Yerushalayime, kutota kungambila ne: — Mbakuate tshimenga!

Yezekiyele 4:3

Pashishe wangate tshitata tshia tshiamu, utshiteke bu tshimana pankatshi pebe ne pa tshimenga. Utangile tshimenga: utshiluishe wewe mene. Ke muudi mua kuleja bena Izrayele malu bua kubadimuja.

Yezekiyele 5:2

Padi matuku a kuluisha tshimenga ajika, oshile nsuki ya mu tshisumbu tshimue mu kapia, munkatshi mua tshimenga. Wangate ya mu tshisumbu tshibidi, uyikose ne muele webe awu, uyimiamine miaba yonsu ku mpenga kua tshimenga. Tshisumbu tshia ndekelu, umuangalaje nsuki yatshi mulu mu lupepele. Meme Maweja-Nangila nenyipate ne muele wanyi.

Sefanya 1:10

Maweja-Nangila udi wamba ne: “Mu Yerushalayime dituku adi, nebumvue mbila mikole ku tshiibi tshia Mishipa, miadi mu Tshimenga Tshipiatshipia, mutoyi wa bungi pa mikuna.

Zekâya 8:19

— Matuku anudi nujila biakudia, mu ngondu muinayi, muitanu, wa muanda mutekete, nansha wa dikumi, ku tshidimu tshionsu, neikale a tshibilu tshinene adi bena Yuda basanka, batshionkomoka. Kadi nuambilangane amu malu malelela, nukebe kabidi diakalenga dia bonsu!