Yirmeya 32:5 - MUKANDA WA MYIDI MUKULU

⁵ Maweja-Nangila udi wamba ne: Pashishe nebaye ne Sedekiya mu Babilone. Neashalemu too ne ku lufu luende. Nansha nuenu batungunuke ne mvita, nuluisha bena Babilone, kanuakubatshimuna to.”

Mukanda wa Nzambi Dihungila Dikulukulu ne Dihungila Dihia-dihia 2003

⁵ Yehowa udi wamba ne, Mukelenge eu neaye ne Sedekiya ku Babulona, ne yeye neikaleku tô ne hanalua kudiye. Nansha binualuangana ne Bena Kasada, kamuena nubatamba bukole.

Yirmeya 32:5 교차 참조

2 Kulondolola 13:12

Mpindiewu, Maweja-Nangila nkayende ke udi utulombola. Batuangaji bende apa badi bakeba kuela mpungi, bua kuleja tshimanyinu tshia mvita, bua kunuluisha. Nanku, nuenu bena Izrayele, kanuluishi Maweja-Nangila Mvidi Mukulu wa bankambua benu, bualu kanuakutshimuna mvita to.

2 Kulondolola 24:20

Nanku, Mueyelu wa Mvidi Mukulu kutulukila mutuangaji Zekarya, muana wa Yoyada. Zekarya kujuka kulu kumpala kua bena Yuda, kubambila ne: — Telejayi Mvidi Mukulu, udi unukonka ne: “Nudi nubenga meyi ne mikenji bianyi bua tshinyi? Kanuakuikala bena diakalenga to! Nudi bambenge. Eyowa, meme kabidi nennubenge!”

Nsumuinu 21:30

Meji, lungenyi nansha dimanya bidi tshianana, paudi uluisha Maweja-Nangila.

Yirmeya 2:37

Nenupingane ne bundu, babuikile bianza ku mesu. Bualu, meme Maweja-Nangila, tshiena musue bua nukebe bantu ba nanku bua banuambuluishe. Kanuena mua kupeta diakalenga kudi bantu aba to.

Yirmeya 27:22

“Biuma bionsu bidi bishale mu nzubu wa Mvidi Mukulu, nansha mu nzubu wa mukalenga wa bena Yuda, anyi mu Yerushalayime, nebaye nabi mu Babilone. Nebishale aku too ne diba dindi meme muine musue bua bapingane nabi kuneku.” Ke mudi Maweja-Nangila wamba nanku.

Yirmeya 32:24

Bena Babilone badi basemena pabuipi ne tshimenga bua kutshiluisha. Nebatshikuate. Tudi mua kuamba ne: tshikadi mu bianza biabu. Badi bakeba kutshikuata ku mvita, ku tshiyole tshia nzala, ne ku disama dia tshiambu. Bionsu biuvua muambe mbimane kuenzeka, wewe mene udi mua kubijadika.

Yirmeya 32:6

Yirmeya uvua wamba ne: Meme kumvua Maweja-Nangila ungambila ne:

Yirmeya 37:10

Nansha nuenu batshimune tshiluilu tshionsu tshia bena Babilone tshidi tshinuluisha, nansha bena Babilone badi bashale bikale amu bantu batapike mputa, yonsu wa kudibu neapete bukole, neimane kulu mu ntenta wende. Nebafike bua kuosha tshimenga etshi tshionsu ne kapia.

Yirmeya 39:4

Mukalenga Sedekiya ne bena mvita bende, kunyemabu pavuabu bamone bena Babilone. Butuku buila, kumukabu mu tshimenga. Kupitshilabu ku lupangu lua bukalenga ne ku tshiibi tshivua pankatshi pa bimana bibidi. Pashishe kupitshilabu mu njila uvua mutangile mu tshibanda tshia Yardene.

Yirmeya 39:5

Kadi bena mvita ba bena Babilone kubalondakaja, kuluisha kabidi mukalenga Sedekiya mu mpata wa Yeriko, kumukuatabu. Pashishe, kumufilabu kudi Nebukadnesare, mukalenga wa mu Babilone uvua ku Ribla mu ditunga dia Amate. Aku ke kuvua mukalenga Nebukadnesare mulumbuluishe mukalenga Sedekiya.

Yirmeya 39:7

Kutumabu Sedekiya ku Babilone, musuike ne nkanu bikole, mutonkone mesu.

Muadi 1:14

Udi mumone bubi bumvua muenze. Budi bu dijita mu tshianza tshiende. Budi bufika too ne mu nshingu muanyi. Maweja-Nangila mmuntekeshe, mmumfile kudi baluishi bandi tshiyi mua kutshimuna.

Yezekiyele 12:12

Mukalenga udi unulombola neambuile bintu biende pa makaya, neumbuke mu tshimenga mu midima. Nebatubule tshimana bua kumonaye mua kupatuka. Neadibuikile mpala bua kamonyi mudiye uya.

Yezekiyele 12:13

Kadi meme Maweja-Nangila ndi mmuteya bua bamukuate. Nemmutume mu ditunga dia bena Babilone, didiye kayi mua kumona. Kadi neafuilemu.

Yezekiyele 17:15

Kadi mukalenga mupiamupia uvua mutombokele usua mumutshimune. Uvua mutume bantu ne mukenji ku Ejipitu, ulomba bena mvita ba bungi ne nyama ya tubalu. Kadi muntu uvua muenze bionsu ebi neapete diakalenga anyi? Neasungidile ditunga anyi? Nansha kakese! Bualu muntu uvua munyange ndondu uvuabu batue, kabakupanga kumunyoka.

Dibadika 14:41

Moshe kubebeja ne: — Tshinudi nuenza ntshinyi? Nudi nutupa ku diyi dia Maweja-Nangila! Nanku kanuakuikala ne diakalenga to!