Yirmeya 3:1 - MUKANDA WA MYIDI MUKULU

¹ Maweja-Nangila udi ukonka ne: Pikala mulume mubenge mukajende, mumuipate, mukaji awu kumuselabu kudi mulume mukuabu, bayende wa kale udi mua kumuangata kabidi bu mukajende anyi? Nansha kakese! Ditunga didi mua kunyanguka. Kadi, wewe Izrayele, ndi njadika ne: udi mumane kuenda tshiendenda ne balume ba bungi. Muudi musue bua meme kukuangata kabidi bu mukajanyi mbishi?

Mukanda wa Nzambi Dihungila Dikulukulu ne Dihungila Dihia-dihia 2003

¹ Yehowa udi wamba ne, Badi bamba ne, Biumusha mulume mukashi wandi, ne biumukeye kudiye bua kulua mukashi wa munga mulume, yeye neahingane kudi mukashi au tshiakabidi, anyi? Buloba abu kabuena mua kutamba kunyanguka, anyi? Kadi wewe wakulua bu mukashi wa masandi kudi bakunangi bebe ba bungi; anji kuhingana kundi kabidi.

Yirmeya 3:1 교차 참조

Misambu 106:38

Kumatshishabu mashi a bantu bavua kabayi ne tshilumbu panshi, — mashi a bana babu ba balume ne ba bakaji, bavuabu bashipela mvidie yabu ya bena Kenaane, — dishipa dia bantu adi kunyangadi ditunga.

Yeshaya 24:5

Bantu bavua banyanga buloba, bualu bavua babenga mikenji ya Maweja-Nangila, batupa ku diyi diende, bupula ndondu uvua ubasuikakaja ne Mvidi Mukulu wa kashidi.

Yirmeya 2:20

Maweja-Nangila udi wamba ne: Wewe Izrayele, kukadi matuku a bungi audi mumbenge, muntombokele, wamba ne: “Ndi musue kudisombela.” Ke paudi ulala miaba yonsu pa mikuna, ne muinshi mua mitshi idi ne dileji dia bungi, bu mukaji muena tshiendenda.

Yirmeya 2:23

Izrayele, mmunyi muudi ukimina kuamba ne: “Tshiena ne manyanu, tshiena mutendelele mvidie Baale?” Tangila biudi wenza mu tshibandabanda! Utonde bionsu biuvua muenze! Udi bu muana wa kamelu mukaji, udi unyemakana eku ne eku.

Yirmeya 2:7

Meme Maweja-Nangila mvua munufikishe mu ditunga didi ne biakudia bia bungi, bua nuenu kupeta biakudia bisheme bia mishindu yonsu bidi muaba awu. Ditunga edi divua dianyi meme Maweja-Nangila. Nuenu kubuelamu, kadi nuenu kunyanga ditunga edi ne mikiya. Muaba awu uvua wanyi meme. Nuenu kuunyanga, kushalawu muaba mubi mutambe.

Yirmeya 22:20

Bena mu Yerushalayime, bandayi ku lusongu lua mukuna wa Lebanone, elayi mbila. Pa mukuna wa Bashane, dilayi muadi. Tuayi mikemu biangatshile ku mikuna ya Abarime, bualu mbabutule balunda bebe.

Yirmeya 3:22

Nuenu bana bavua bambenge, pinganayi kundi. Nennufuile luse bua buenzavi buenu! Ke tuetu aba, tudi tupingana kuudi, bualu wewe, Maweja-Nangila, ke Mvidi Mukulu wetu.

Yirmeya 3:9

Kuendaye tshiendenda ne mvidie ya mabue ne ya mitshi. Ke muvua Yuda munyangakaje ditunga.

Yirmeya 31:22

Nsongakaji mutomboke, newindile too ne ku tshikondu kayi, bua wewe kupingana? Bualu Maweja-Nangila mmupatule bualu bupiabupia pa buloba ne: ke mukaji udi uya kukeba mulume.

Yirmeya 4:1

Maweja-Nangila udi wamba ne: Izrayele, wewe mudilengeje, udi mua kupingana kundi. Wewe mumushe mvidie mibi indi tshiyi musue kumona, kuakunyemakana kabidi to.

Yirmeya 4:14

Yerushalayime, pawikala musue kupanda, ulekele lonji bebe. Neulekele meji mabi audi nawu diba kaayi?

Muadi 1:2

Yerushalayime udi udila utshisha butuku bujima, upuekesha binsonji pa matama. Ku bonsu bavua bamunanga, kamuena nansha umue utshidi umusamba. Balunda bende bonsu mbamubenge, bashale baluishi bende.

Yezekiyele 16:26

Wewe kuenda tshiendenda ne bena Ejipitu, bena mutumba bebe badi ne bukole. Wewe kumfikisha munda ne buendenda buebe buvule.

Yezekiyele 16:30

Eyi, lukuka lua bisankasanka udi nalu bushuwa. Meme Maweja-Nangila Mvidi Mukulu, ndi njadika bualu ebu. Ke paudi wenza malu a bundu onsu, adi muena tshiendenda mukuabu kayi nansha mua kuenza!

Yezekiyele 16:35

“Wewe Yerushalayime, muena tshiendenda, teleja diyi dia Maweja-Nangila.

Yezekiyele 33:11

Nanku, telejayi mudibu banuambila kudi Maweja-Nangila Mvidi Mukulu udi ne muoyi. Tshiena musue bua bantu babi bafue nansha. Ndi njinga amu ne: balengeje nsombelu yabu, bikale ne muoyi. Nanku ndi nnulomba nuenu bena Izrayele ne: kanuenji kabidi bibi to! Nudi basue kufua bua tshinyi?”

Osheya 1:2

Teleja malu avua Maweja-Nangila mutuadije kumanyisha Osheya, bua ambile bena Izrayele. Uvua mumuambile ne: “Uye kusela mukaji muena tshiendenda. Bana bawalela ne mukaji awu, nebalonde bibidilu bibi bia mamuabu. Bualu bena Izrayele bonsu mbambenge meme Maweja-Nangila, basue kuikala bena tshiendenda.”

Osheya 2:2

Diba adi, bena Yuda ne bena Izrayele nebumvuangane. Nebasungule mukalenga wabu umuepele. Nebavulangane, basombe mu ditunga dijima. Eyowa, dituku adi nedikale dituku dinene dia Yizreyele

Mika 2:10

Jukayi! Umukayi! Dikisha dienu diajiki! Malu mabi anuvua benze, neanukebele makenga makole mapite!”

Zekâya 1:3

Kadi nupingane kundi, meme Maweja-Nangila; nenku nempingane kunudi. Meme ndi nnulaya nanku.

Matayi 5:31

— Bavua bamba ne: “Muntu udi wipata mukajende, udi ne bua kumupesha mukanda wa dishipa dia dibaka.

Dielulula 22:21

bakulu ba mu tshimenga nebimanyike mukaji ewu mu mushiku wa mbelu wa nzubu wa tatuende. Bantu balume ba mu tshimenga nebamuase mabue, bamushipe. Bualu mmuenze bualu bua dikamakama, patshivuaye ku nzubu kua baledi bende. Ke munudi mua kujikija buenzayi bua mushindu ewu munkatshi mua bena Izrayele nanku.

Balombodi 19:2

Mukaji awu kutanda ne bayende, kunyema, kupingana ku Betleyeme kuvua tatuende. Kushalaye ku Betleyeme ngondu inayi.