Yirmeya 29:9 - MUKANDA WA MYIDI MUKULU

⁹ Bualu badi banuambila ne: tudi tunumanyisha malu mu dina dia Maweja-Nangila. Kadi badi banudinga. Meme Maweja-Nangila tshiena mubatume to.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Bualu bua badi banuambila mei a mashimi mu dina dianyi. Yehowa udi wamba ne, Tshiakubatuma.

Yirmeya 29:9 교차 참조

Yirmeya 27:15

Maweja-Nangila udi ujadika ne: “Tshiena mutume bambi abu to. Padibu bambila bantu malu mu dina dianyi, badi babadinga. Panudi nubateleja, nennuipate muaba ewu. Nenufue, nuenu ne bambi badi banumanyisha malu aa.”

Yirmeya 29:31

— Utumine bantu badi mu bupika mukanda ne: “Maweja-Nangila udi wamba ne: Shemaya udi udiamba ne: ndi muambi. Kadi tshiena mumumanyishe bualu nansha bumue bua yeye kunuambila. Bu mudiye munusake bua nuenu kuitaba malu a dishima,

Yirmeya 29:23

Malu awu avua mabenzekele, bualu bavua benza malu mabi mu Izrayele andi mbenga. Bavua benza malu a bundu, bambila bantu malu mu dina dianyi, meme tshiyi mubatume. Kadi meme ndi mumanye malu onsu awu. Mvua muamone ne mesu anyi. Meme Maweja-Nangila ndi njadika nanku.”

Yirmeya 27:14

Kanuteleji bambi badi banuambila ne: kanuena mua kuenzela mukalenga wa mu Babilone mudimu to. Badi banudinga.

Yirmeya 29:21

“Maweja-Nangila wa bukole buonsu Mvidi Mukulu wa Izrayele, udi wamba malu adi atangila Akaba, muana wa Kolaya, ne Sedekiya, muana wa Masheya. Bonsu babidi badi bambi bena dishima. Nansha bobu bambila bantu ne: tudi tuakula mu dina dia Mvidi Mukulu, badi babadinga. Nembafile kudi Nebukadnesare, mukalenga wa mu Babilone. Neabashipe nuenu batangile.

Muadi 2:14

Bambi bebe mbakuambile anu meyi a dishima ne a tshianana. Kabavua bakusokoluela bubi buebe. Bualu ebu ke buvua mua kukudimuna dikenga diebe. Meyi avuabu bakuambile avua anu a dishima a kukudinga nawu.

Yirmeya 23:21

Maweja-Nangila udi wamba ne: Tshiena mutume bambi abu to. Kadi badi anu benda baya. Meme tshiena mubambile bualu to. Kadi badi amu bambila bantu malu!