Yirmeya 27:21 - MUKANDA WA MYIDI MUKULU

²¹ Kadi Maweja-Nangila wa bukole buonsu Mvidi Mukulu wa Izrayele udi wamba ne:

Mukanda wa Nzambi Dihungila Dikulukulu ne Dihungila Dihia-dihia 2003

²¹ Bushuwa, Yehowa wa misumba, Nzambi wa Isalele, udi wamba dî edi bua mpanza yonso itshidi ishala mu nsubu wa Yehowa ne mu nsubu wa mukelenge wa Yuda ne mu Yelushalema.

Yirmeya 27:21 교차 참조

2 Bakalenga 20:17

“Dituku dikuabu, bintu bionsu bidi mu nzubu webe wa bukalenga mpindiewu, bintu bionsu bivuabu batekamu kudi bantu bavua bakudianjidila mu bukalenga, bintu bionsu abi nebaye nabi mu Babilone. Muaba ewu, kawakushala tshintu to. Ke mudi Maweja-Nangila wamba.

2 Kulondolola 36:18

Kuangataye bintu bionsu binene ne bikese bivua mu nzubu wa Mvidi Mukulu, ne mu tshibutshilu tshia nzubu wa Mvidi Mukulu, ne tshia mukalenga Sedekiya ne tshia balombodi ba mu bukalenga buende. Kuyaye ne bintu bionsu abi ku Babilone.

Ezela 1:11

Bintu bisanga bia tshiamu tshia mpawungi ne bia tshiamu tshitoke tshia mushinga mukole bivua 5.400. Sheshebashare kubangata bionsu, kumuka nabi mu Babilone, ne bantu bavuabu bapikule mu bupika, kuya mu Yerushalayime.

Ezela 1:7

Koreshe, mukalenga munene, kusangisha bintu bia mushinga mukole bivua Nebukadnesare muangate mu nzubu wa Maweja-Nangila mu Yerushalayime, mubiteke mu nzubu wa mvidie yende.

Yeshaya 39:6

Dituku dikuabu, bintu bionsu bidi mu nzubu webe wa bukalenga mpindiewu, bintu bionsu bivuabu batekemu kudi bakalenga bavua bakudianjidile, bintu bionsu ebi nebaye nabi ku Babilone. Maweja-Nangila udi wamba ne: Muaba ewu kawakushala tshintu to.

Yirmeya 20:5

Bubanji bonsu buvua bantu ba mu tshimenga etshi nabu, difutu dionsu dia ku mudimu wabu, bintu bia mushinga bivuabu nabi, nansha biuma mene bivua bakalenga ba bena Yuda nabi, bionsu abi, nembifile kudi baluishi babu. Bobu abu nebabipawule, nebabiangate, baye nabi mu Babilone.

Yirmeya 27:20

(Bualu Nebukadnesare, mukalenga wa mu Babilone, kavua mubiangate mu Yerushalayime bua kuya nabi ku Babilone, pavuaye mukuate balombodi bonsu ba mu Yerushalayime ne ba mu ditunga dia Yuda, ne Yekonya, muana wa Yoyakime, mukalenga wa bena Yuda.)

Yirmeya 27:22

“Biuma bionsu bidi bishale mu nzubu wa Mvidi Mukulu, nansha mu nzubu wa mukalenga wa bena Yuda, anyi mu Yerushalayime, nebaye nabi mu Babilone. Nebishale aku too ne diba dindi meme muine musue bua bapingane nabi kuneku.” Ke mudi Maweja-Nangila wamba nanku.

Muadi 1:10

Baluishi mbapawule bubanji buende buonsu. Yerushalayime mmudimuene muvua bantu ba bisamba bikuabu babuele mu nzubu wa Mvidi Mukulu wende. Ke bantu bauvua wewe Maweja-Nangila mukandike bua kababuedi muaba webe wa kutendelela.