Yirmeya 26:16 - MUKANDA WA MYIDI MUKULU

¹⁶ Nanku balombodi ba mu bukalenga ne bantu bonsu kuambila batuangaji ne bambi ne: — Kabashipi muntu ewu nansha! Bualu mmutuambile menemene malu mu dina dia Maweja-Nangila Mvidi Mukulu wetu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Hashishe baminyampala ne bantu bonso bakambila bakuidi ne baprofete ne, Muntu eu kena ne bualu bua kufua, bualu bua yeye wakutuambila dî mu dina dia Yehowa, Nzambi wetu.

Yirmeya 26:16 교차 참조

Estere 4:14

Nanku paudi ubenga kutuakuila mu tshikondu tshikole etshi, bena Yuda nebapete diambuluisha ku nseke mikuabu, nebapande. Kadi wewe ne bena diku diebe, nenubutuke. Umanye kabidi ne: bumue mbua bualu ebu, ke buudi mua kuikala mupete muanzu wa mukalenga mukaji.”

Misambu 94:16

Udi mua kunsungidila kudi bantu babi nnganyi? Udi mua kungakuila kudi benji ba malu mabi nnganyi?

Nsumuinu 16:7

Padi Maweja-Nangila muanyishe nsombelu wa muntu, udi ubueja diumvuangana pankatshi pende ne baluishi bende.

Yirmeya 26:11

Ke batuangaji ne bambi kuambila balombodi aba ne bantu bavua muaba awu ne: — Muntu ewu, mbimpe bamushipe, bualu uvua muambe tshimenga tshia Yerushalayime bibi. Nuenu mene nuvua badiumvuile.

Yirmeya 34:10

Balombodi bonsu ba bantu ne bena Yerushalayime bavua bitaba diumvuangana adi. Nanku bavua banyisha bua kabenzeji kabidi bantu balume nansha bakaji bavua bapika babu mudimu wa bapika to. Bavua ne bua kubapikula. Muntu yonsu uvua muitabe diumvuangana adi. Uvua mupikule bapika bende.

Yirmeya 36:19

Ke balombodi ba mu bukalenga kuambila Baruke ne: — Nuenu bonsu babidi, Yirmeya ne wewe Baruke, nuye kusokoma. Muntu nansha umue kamanyi muaba unudi.

Yirmeya 36:25

Kadi Elnatane, Delaya ne Ngemariya, bavua balomba mukalenga bua kuoshi tshiseba mu kapia. Kadi mukalenga kavua mubateleje to.

Yirmeya 37:15

Bobu abu kufikila Yirmeya munda, kumutuutabu. Pashishe kumukangilabu mu nzubu wa Yonatane, mufundi wa mikanda ya mu bukalenga. Nzubu wende bavua bamuenze nzubu wa bena lukanu.

Matayi 27:54

Mulombodi wa basolayi muena Rome, ne basolayi bende bavua balame Yezu pamue nende, bamona muvua buloba buzakala, ne bionsu bitua bienzeka, kutshinabu bikole, bamba ne: “Muntu ewu utua Muana wa Mvidi Mukulu bulelela!”

Luke 23:41

Buetu tuetu, dinyoka edi pa bualu. mBatuenzele bilondeshile bituvua benze. Kadi yeye, kena ne bubi budiye muenze.

Luke 23:47

Mfumu wa basolayi ba bena Rome umona bivua bienzeka, kutumbishaye Mvidi Mukulu, wamba ne: — Bushuwa, muntu ewu kavua ne bualu to.

Bienzedi 23:29

Meme kujadika ne: kavua muenze bualu bubi budi mua kumuelesha mu lukanu, nansha kumushipesha. Muvua amu mpata ya pa mikenji yabu.

Bienzedi 23:9

Ke bantu kuela mbila mikole. Bamue balongeshi ba mikenji ba luseke lua Baparushe kujuka, babenga tshilumbu, bamba ne: — Katuena bamona ne: muntu ewu mmupile to! Misangu mikuabu mutumibue wa Mvidi Mukulu, nansha mukishi, mmumuambile malu!

Bienzedi 25:25

Kadi meme tshiena musangane bualu bubi nansha bumue budiye mua kutuila. Bu mutataye ulomba bua tutume tshilumbu tshiende kua Kezare, ndi musue kumutuma ku Rome.