Yirmeya 24:8 - MUKANDA WA MYIDI MUKULU

⁸ Kadi Sedekiya, mukalenga wa bena Yuda, balombodi bende ba mu bukalenga, bantu bavua bashale mu Yerushalayime, kabidi ne bonsu bavua baya kusomba mu Ejipitu, nembenzele mudibu benzele bimuma ba mfiku bimane kubola, kabayi mua kubidia.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Bu mundi mpidia mamuma mabi a nfigi adibo kabayi mua kudia bualu bua adi atamba bubi, Yehowa udi wamba ne, Muomumue nempidie Sedekiya, mukelenge wa Yuda, ne baminyampala bandi, Bena Yelushalema badi bashala mu buloba ebu ne bantu aba badi bashikame mu buloba bua Ejipitu.

Yirmeya 24:8 교차 참조

1 Kulondolola 3:15

Bana ba balume ba Yoshiya badi: Yowanane ke muanabute, bamulonda kudi Yoyakime, muisatu Sedekiya, ne Shalume muinayi.

Yirmeya 13:7

Meme kumona ne: mukaba ukadi munyanguke, mubole, kabatshiyi mua kuvuala nawu bilamba.

Yirmeya 21:10

Tshiena ne meji a kusungidila tshimenga etshi, kadi anu a kutshibutula. Mukalenga wa bena Babilone neatshikuate, neatshioshe ne kapia.”

Yirmeya 24:2

Bimuma bia mu tshisaka tshia kumpala bivua bimpe bitambe, bivua bu bia ku ntuadijilu bia ku tshikondu tshia kupola bimuma. Bimuma bia mu tshisaka tshibidi bivua bibole, kabayi mua kubidia to.

Yirmeya 24:5

— Meme Maweja-Nangila Mvidi Mukulu wa Izrayele, ndi bu bantu badi ne disanka dinene padibu batangila bimuma bimpe. Ke mundi ntangila ne disanka bena Yuda badi mu bupika, bamvua mumushe apa bua baye nabu mu Babilone.

Yirmeya 37:10

Nansha nuenu batshimune tshiluilu tshionsu tshia bena Babilone tshidi tshinuluisha, nansha bena Babilone badi bashale bikale amu bantu batapike mputa, yonsu wa kudibu neapete bukole, neimane kulu mu ntenta wende. Nebafike bua kuosha tshimenga etshi tshionsu ne kapia.

Yirmeya 37:17

Pashishe mukalenga Sedekiya kutuma muntu bua kukeba Yirmeya. Mukalenga uvua musue kumukonka malu mu musokoku mu nzubu wende wa bukalenga. Mukalenga kumukonka ne: — Udi ne malu a kungambila a kudi Maweja-Nangila anyi? Yirmeya kumuandamuna ne: — Eyowa, ngwowu aa: Nebakukuate, bakufile kudi mukalenga wa mu Babilone.

Yirmeya 43:1

Yirmeya uvua muambile bantu bonsu malu aa avua Maweja-Nangila Mvidi Mukulu wabu mumanyishe.

Yirmeya 44:1

Maweja-Nangila kuambila Yirmeya malu avuaye ne bua kumanyisha bena Yuda bonsu bavua baye kusokoma mu Ejipitu mu tshimenga tshia Migdole, tshia Tapanese, tshia Memfise, ne mu buloba bua Patrose. Ke Yirmeya kubambila ne: