Yirmeya 24:10 - MUKANDA WA MYIDI MUKULU

¹⁰ Nembatumine mvita, tshiyole tshia nzala, ne disama dia tshiambu, bua bajimine pa buloba bumvua mubapeshe bobu ne bankambua babu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Nentume muele wa nvita ne tshiole ne tshihuhu munkatshi muabo tô ne hanababutula mu buloba bunakabaha ne batatu babo.

Yirmeya 24:10 교차 참조

1 Bakalenga 14:15

Pashishe Maweja-Nangila neanyoke bena Izrayele. Nebazakale bu bisosa bidi ku muelelu wa mayi. Maweja-Nangila neumushe bena Izrayele mu buloba ebu buimpe buvuaye mumane kupesha bankambua babu. Neabatangalaje dishiya dia musulu wa Perate wa bena Babilone. Bena Izrayele nebakenge nenku, bualu bavua benza makunji a kutendelela mvidie bua kufikisha Maweja-Nangila munda.

Yeshaya 51:19

Makenga avua makukuate, amu abidi abidi: kabutu ne tshinyangu, mvita ne tshiyole tshia nzala. Kadi wa kukudila nnganyi? Wa kukukolesha ku muoyi nnganyi?

Yirmeya 14:12

Nansha bobu bajila biakudia, tshiena nteleja dilomba diabu to. Nansha bobu balambula milambu ya kuosha anyi milambu mikuabu, tshiena mua kuyanyisha to. Kadi nembashipe ku mvita, ku tshiyole tshia nzala, ne ku disanka dia tshiambu.

Yirmeya 15:2

Pikalabu bakukonka ne: “Netuye penyi” wandamune ne: Maweja-Nangila udi wamba ne: Muntu yonsu neaye muaba udibu bamufundile. Udibu bafundile disama dia tshiambu neadipete. Udibu bafundile kufua mu mvita, neafuilemu. Udi ne bua kufua ku tshiyole tshia nzala, neafue. Udibu ne bua kuya nende mu bupika, nebaye nende!

Yirmeya 16:4

bonsu nebafue lulu lubi. Kabakumona udi mua kubadila nanshakubajika to. Bitalu biabu nebifukishe buloba. Nebafile mu mvita, nansha ku tshiyole tshia nzala. Bitalu biabi nebabizokole kudi nyunyi ya mikanku, babidie kudi nyama ya mibuabua.

Yirmeya 19:7

Muaba ewu nempangishe bena Izrayele ne bena Yuda, bua kabakumbaji tshidibu bela meji. Nemfile bantu aba kudi baluishi babu badi kabayi ne luse. Nenganyishe bua bitalu biabu babizokole kudi nyunyi ya mikanku, babidie kudi nyama ya mibuabua.

Yirmeya 21:9

Muntu yonsu washala mu tshimenga etshi, neafue anu ku mvita, ku tshiyole tshia nzala, nansha ku disama dia tshiambu. Kadi muntu wa kunudi udi umuka mu tshimenga etshi, uya kudi bena Babilone badi bamuluisha, neikale ne muoyi.

Yirmeya 27:8

Pikala bena tshisamba kampanda, anyi bena bukalenga, babenga kuitaba ku diyi dia mukalenga Nebukadnesare, nansha babenga kuambula mutshi wa bupika udiye ubateka pa makaya, nembanyoke ne mvita, ne tshiyole tshia nzala, kabidi ne disama dia tshiambu. Nengambuluishe Nebukadnesare bua amone mua kubutula bantu aba.

Yirmeya 29:17

Ke malu adi Maweja-Nangila wa bukole buonsu unumanyisha bualu buabu ne: Ndi mbatumina mvita, tshiyole tshia nzala, ne disama dia tshiambu. Nebikale bu bimuma bibole bia mutshi wa mfiku, bidibu kabayi mua kudia.

Yirmeya 29:18

Nembalondakaje ne mvita, ne tshiyole tshia nzala, kabidi ne disama dia tshiambu. Nanku bena mu makalenga onsu a pa buloba nebakuatshike bonsu bowa. Nebabatangile bu bantu badibu bela mulawu. Bantu nebabaseke, bikale batela dina diabu bua kuditshipa nadi.

Yirmeya 32:24

Bena Babilone badi basemena pabuipi ne tshimenga bua kutshiluisha. Nebatshikuate. Tudi mua kuamba ne: tshikadi mu bianza biabu. Badi bakeba kutshikuata ku mvita, ku tshiyole tshia nzala, ne ku disama dia tshiambu. Bionsu biuvua muambe mbimane kuenzeka, wewe mene udi mua kubijadika.

Yirmeya 32:25

Eyowa, tshimenga tshikadi pa kuya ku bianza bia bena Babilone. Maweja-Nangila Mvidi Mukulu mungambe bua meme kusumba buloba ebu, kufuta mushinga wabu diakamue bua tshinyi?

Yirmeya 34:17

Yirmeya kuamba kabidi ne: — Maweja-Nangila udi wamba ne: “Yonsu wa kunudi uvua ne bua kuanyisha bua mupika wende, muanabu nansha muena mutumba nende, aye mudiye musue. Kadi kanuena bangitabe to. Nanku, meme Maweja-Nangila ndi ngamba ne: Nennutumine mvita, tshiyole tshia nzala, ne disama dia tshiambu. Nenku makalenga onsu a pa buloba neikale ne bowa padiwu amona bidi binuenzekela.

Yirmeya 42:17

Bonsu badi bajadike bua kuya kusomba mu Ejipitu, nebafue ku mvita, ku tshiyole tshia nzala, nansha ku disama dia tshiambu. Muntu wa kudibu nansha umue. kakupanduka ku dikenga dingabatumina.”

Yirmeya 42:22

Nanku numanye ne: nenufue mu mvita, ku tshiyole tshia nzala, nansha ku disama dia tshiambu, muaba mene unudi nujinga mua kusokomena awu!

Yirmeya 5:12

Bena Yuda badi bayila Maweja-Nangila, bamba ne: “Kena ne tshidiye mua kutuenzela. Tuetu katuena mua kukenga. Kabena mua kutuluisha. Katuena mua kupeta tshiyole tshia nzala to.

Yirmeya 9:15

Nembatangalaje munkatshi mua bisamba bia bantu bavuabu kabayi bamanye nansha bobu nansha bankambua babu. Nembatumine bantu bua kubalondajaka ne mvita too ne pandi mbabutula bonsu.”

Yirmeya 9:16

Ke mudi Mvidi Mukulu wa bukole buonsu wamba nanku. Elayi meji ku malu adi enzeka lelu. Nubikile bakaji badi badila. Nutume bantu baye kukeba bakaji badi bamanye mua kudila mu madilu.

Yezekiyele 33:27

Ubambile miaku eyi mu dina dianyi: “Meme Maweja-Nangila Mvidi Mukulu udi ne muoyi ndi nnumanyisha ne: Nebashipe bonsu badi bashala mu bimenga bivuabu babutula. Badi mu mpata nebabadie kudi nyama ya ditu. Badi basokome mu mikuna ne mu mbuebue, nebafue ku disama dia tshiambu.

Yezekiyele 6:11

Maweja-Nangila Mvidi Mukulu udi wamba ne: “Kanutekemenyi kabidi to. Nutue mikuma panshi, nuele mbila bua kudiwula malu mabi onsu adi bena Izrayele benze. Nebafuile mu mvita, ku tshiyole tshia nzala, ne ku disama dia tshiambu.

Yezekiyele 7:15

“Mvita neikale mu misesu. Disama dia tshiambu ne tshiyole tshia nzala nebikale mu nzubu ya bantu. Bantu nebafue ku mvita mu mpata. Mu tshimenga nebafue ku nzala ne ku masama.

Dielulula 28:21

Nanku, mu ditunga didi Maweja-Nangila munupe bua kusomba, neanutumine tshipupu tshia disama dia tshiambu bua kunubutula.

Didimanyisha 6:8

Nkenzakana, ke meme kumona kabalu ka mubidi mutokoloke bu tshitalu. Uvua mubandepu, bavua bamuinyika ne: “Lufu!” Bavua bamulonda kudi kandondu ka bafue. Kubipeshabu bumfumu bua tshia binayi tshimue tshia buloba, bua kushipesha bantu ku muele wa mvita, ku tshiyole tshia nzala, ku disama dia tshiambu, ne ku nyama ya lonji.