Yirmeya 2:6 - MUKANDA WA MYIDI MUKULU

⁶ Kabavua nanyi bualu, kabavua bebejangana ne: ‘Maweja-Nangila udi penyi? Yeye ke uvua mutupatule mu Ejipitu, mutupitshishe mu tshipela, muaba muume uvua ne mbuwa, muaba kauyi mayi, udi ukuatshisha bantu bowa, muaba udi muntu kayi upitshila, kayi wasa nzubu.’

Mukanda wa Nzambi Dihungila Dikulukulu ne Dihungila Dihia-dihia 2003

⁶ Kabakakonka ne, Yehowa wakafuma nʼetu mu buloba bua Ejipitu udi hanyi? Nguakatulombola mu tshihela, mu buloba bua lusenga ne bua majimba, mu buloba buakadi nvula kayi muloke ne bua mîdima mikole, mu buloba buakadi muntu kayi muhitshile, ne muakadi muntu kayi mushikame.

Yirmeya 2:6 교차 참조

2 Bakalenga 2:14

Kuambulaye tshinkutu atshi, kutuuta pa mayi a musulu, wamba ne: — Maweja-Nangila Mvidi Mukulu wa Eliya, udi penyi? Eyowa, udi penyi? Kutuutaye tshinkutu pa mayi a musulu. Mayi kupanduluka eku ne eku. Elisha kusabuka.

Yobe 3:5

Miidima mikole idikuate! Divuba difike didibuikile! Ngondu ajimije nsese ya diba, akuatshishe bantu bowa.

Yobe 35:10

Kadi muntu nansha umue kena ukonka ne: “Mvidi Mukulu uvua mumfuke udi penyi? Yeye udi utuimbisha misambu nansha butuku.

Misambu 23:4

Nansha mpita mu lupongu lua miidima, tshiena mua kutshina bubi nansha bumue, bualu Maweja-Nangila udi wenda nanyi, undombola, unsungidila ku njiwu, ke bidi binsankisha

Misambu 77:5

Maweja-Nangila udi umpesha tshitabela, ndi ntata mpanga tshindi mua kuamba.

Ekesode 20:2

— Meme ndi Maweja-Nangila, Mvidi Mukulu webe, uvua mukupatule mu ditunga dia Ejipitu, muvuabu bakukuate ku bupika.

Yeshaya 63:9

Mu makenga abu onsu, kena mutume muntu mukuabu bua kubambuluisha. Kadi uvua mubasungidile amu yeye mene. Yeye uvua muangate bualu buabu ne manza abidi, bualu uvua mubanange, ubumvuila luse. Yeye ke uvua mudiangatshile malu abu, mubambule mu maboku ende, ku tshikondu ne ku tshikondu.

Yeshaya 64:7

Kadi wewe, Maweja-Nangila, udi amu tatu wetu. Tuetu tudi diima. Wewe ke udi mutufumbe, tudi bonsu bintu biuvua muenze ku bianza biebe.

Yirmeya 13:16

Nemekayi Maweja-Nangila Mvidi Mukulu wenu. Tshianana nennutumine miidima, bua nuenu kutetuka pa mikuna, kuenda mu miidima inuvua kanuyi bindile, batekemena munya. Maweja-Nangila kuandamuna butuku, kunutumina miidima, bu mavuba a mvula wa tshipupu.

Yirmeya 2:2

— Yirmeya, uye kumanyisha muntu yonsu udi mu Yerushalayime ne: Maweja-Nangila udi wamba ne: Ndi muvuluke mushindu uuvua kale. Ndi muvuluke muuvua mundamate, pautshivua nsongakaji! Uvua munnange bikole, patutshivua babangilangane! Uvua undonda mu tshipela, muaba udi kauyi utoloka tshintu.

Yirmeya 2:8

Batuangaji kabena bankeba ne: ‘Maweja-Nangila udi penyi?’ Bantu bavua bamanye mikenji bikole, kumpangabu. Balombodi ba bantu kuntombokela meme Maweja-Nangila. Bambi kuambila bantu malu mu dina dia Baale. Bantu bonsu kutendelela mvidie ivua kayiyi ne bukole.

Yirmeya 5:12

Bena Yuda badi bayila Maweja-Nangila, bamba ne: “Kena ne tshidiye mua kutuenzela. Tuetu katuena mua kukenga. Kabena mua kutuluisha. Katuena mua kupeta tshiyole tshia nzala to.

Yirmeya 5:2

Padi bena mu Yerushalayime baditshipa bamba ne: “Tudi tuditshipa mu dina dia Maweja-Nangila udi ne muoyi…”, mitshipu eyi nya dishima.

Yirmeya 51:43

Bimenga biende mbinyanguke! Ditunga diende dikadi tshipela, muaba udi bantu kabayi mua kusomba, muaba udi bantu kabayi nansha mua kupitshila.

Osheya 12:13

Yakobe kunyema, kuyaye ku Mezopotamiya. Kutuadijaye kuenzela muntu mukuabu mudimu, anu bua kupeta mukaji. Eyowa, Yakobe kudienza mulami wa bimuna, anu bua kupeta mukaji.

Osheya 13:4

Maweja-Nangila udi wamba ne: Nuenu bena Izrayele, katshia nupatuka mu Ejipitu, meme ndi anu Maweja-Nangila Mvidi Mukulu wenu. Kanuena bamanye Mvidi Mukulu mukuabu, anu meme. Kakuena mupandishi mukuabu, anu meme.

Amosa 2:10

Nkavua mudianjile kunupatula mu Ejipitu, meme kuenda nenu mu tshipela bidimu makumi anayi, meme kunuludika bimpe, kunufikisha mu ditunga dia bena Amore bua nudikuate.

Matayi 4:16

Bantu badi basomba mu midima nebamone butooke bunene! Bantu badi basomba mu ditunga dia lufu mu midima, butooke nebubakenkele!”

Dielulula 1:19

Tuetu kumuka ku mukuna wa Sinayi, bu muvua Maweja-Nangila Mvidi Mukulu netu muambe. Tuetu kupitshila mu tshipela tshipite bunene, tshikuatshishe bowa, tshinudi bamanye, tshidi mu njila wa ku mikuna ya bena Amore. Tuetu bamane kufika mu Kadeshe-Barneya,

Dielulula 32:10

Maweja-Nangila kusangana bena Izrayele mu tshipela, munkatshi mua miadi ya mibuabua. Kubakubaye, kubalongeshaye, kubalamaye bu mudi muntu ulama disu.

Dielulula 8:2

Nuvuluke luendu lule luvua Maweja-Nangila Mvidi Mukulu munuendeshe mu tshipela bidimu makumi anayi. Uvua munukengeshe bua kunuteta, bua ajadike meji adi munda muenu, ne mushindu unudi basue kukumbaja mikenji yende.

Balombodi 6:13

Ngideyone kuandamuna ne: — Mukalenga wanyi, umfuile luse! Maweja-Nangila wikala netu, mutudi tupeta makenga onsu aa mbishi? Bishima bionsu bivua baledi betu batuambila bidi penyi? Bivua batulondela ne: Maweja-Nangila uvua mubapatule mu Ejipitu. Maweja-Nangila mmumane kutulekela bulelela. Mmumane kutufila mu bianza bia bena Madiyane.